" အပ်က ကစားစရာ မဟုတ်ပါဘူး လူနာ "
" ကျွန်တော် မကစားပါဘူး "
" မကစားဘဲနဲ့ ဘာလို့ ခြေတောက်မှာ အပ်တွေ စိုက်နေတာလဲဗျ ... ဒါ အန္တရာယ် များပါတယ် "
ရှောင်ကျန့် အခန်းထောင့်က ခုံလေးမှာ ထိုင်ပြီး လက်သည်းကိုက်နေတဲ့ ရိပေါ်ကို တစ်ချက် ကြည့်လိုက်တယ်။
သူကိုတွေ့တော့ မျက်လုံးလေး မှေးပြီး အားနာသလိုက ပြုံးပြသေးတယ် ။
ရှောင်ကျန့် မနေ့က တစ်နေ့လုံး သတိမေ့နေတာ ... ။
အခုမှ ပြန်နိုးတယ် ။
" အပ်က ကစားစရာမဟုတ်ပါဘူး လူနာ "
" ကျွန်တော် မကစားပါဘူး ဆိုမှဗျာ "
" ဒါဆို လူ့နာ့ခြေတောက်ကို ဘယ်လိုက ဘယ်လို ရောက်နေတာလဲဗျ ...
အဲတာက အခန့်မသင့်ရင် တစ်သက်လုံး လမ်းမလျှောက်နိုင်တော့တဲ့အထိ ဖြစ်သွားနိုင်ပါတယ်"
" ကောင်းပါပြီ ... ကျွန်တော် မှတ်ထားပါ့မယ် "
" ထပ်ပြီး မှတ်ထားရမှာက ...
အပ်က ကစားစရာ မဟုတ်ပါဘူးဗျ "
" မကစားပါဘူးဆိုနေမှဗျာ "
" လူနာက အမှတ်မရှိသေးဘူးလား ... အခုတောင် နောက် နှစ်ရက်လောက် လမ်းကောင်းကောင်း မလျှောက်နိုင်တာကို ... "
ရှောင်ကျန့် စိတ်လျော့လိုက်တယ် ။
ဒီ ဆရာဝန်ကြီးက ရှောင်ကျန့်ကို ဆူ ချင်လို့ မနေ့ကတည်းက သတိရပြီလား' ဖုန်း ခဏခဏ ဆက်မေးနေတာတဲ့ ... ။
" ကျွန်တော် နောက်ကို မကစားတော့ပါဘူး "
" ဒီလိုမှပေါ့ဗျာ ... မကြီးမငယ်နဲ့ ဒီအရွယ်ကြီး အပ်နဲ့ဆော့တော့ ကျွန်တော် အထူး သတိပေးရတာပါ "
" ဟုတ်ကဲ့ ... "
" ... ?..."
" နောက်ကို အပ်နဲ့ မဆော့တော့ပါဘူးဗျာ "
" အင်း ကောင်းပြီ ... ဆေးမှန်မှန်သောက်ပါ ... ဒီတစ်ခါ အန္တရာယ် မဖြစ်သွားပေမဲ့ နောက်တစ်ခါဆို မရတော့ဘူးနော် "
YOU ARE READING
Dare you marry me ? (complete)
Spiritualငါလား ... သေပြီးသွားပြီ ... ဒါပေမဲ့ လက်ထပ်ချင်သေးတယ် ... ။ ငါလား ... ေသၿပီးသြားၿပီ ... ဒါေပမဲ့ လက္ထပ္ခ်င္ေသးတယ္ ... ။ By Jin Lusy .
