" ကွေ့ကွေ့က တော်တဲ့ကလေးဘဲ "
" ကျန့်ကျန့်က သူ့ကို သေချာယှဥ်နိုင်မှရမယ် "
အဖွားဝမ်က သူ့ကို ခေါ်လို့ နိုင်ငံတော်အဆင့် အထည်ပြိုင်ပွဲအကြောင်း ပြောပြနေတယ် ။ နှစ်စဥ်ကျင်းပတဲ့ ပွဲဖြစ်တယ် ။
ဒီပြိုင်ပွဲမှာ ဒေသမှာ ရှိတဲ့ အထည်လုပ်ငန်းကြီးငယ်မရွေးတွေ အားလုံးဝင်ပြိုင်ခွင့် ရှိတယ် ။ ပထမရတဲ့သူက နိုင်ငံတော်အဆင့်ပွဲတွေမှာ ချုပ်ပေးခွင့်ရမယ် ။
ဒီ့အပြင် ဒီဆုက လုပ်ငန်းရဲ့ ဂုဏ်ကို မြင့်တင်ခွင့်ရမယ်။ ထုတ်ကုန်ကို ဂန္တဝင် ဖြစ်စေမယ် ။ ဒီပွဲက အမြဲတမ်း ဆောင်းရာသီမှာ ကျင်းပတယ်။
ဒီဇိုင်းရဲ့ ဆန်းသစ်မှုကို ပြိုင်တယ် ။
အထည်ရဲ့ အရည်အသွေးကို ပြိုင်တယ် ။
ဝမ်ဂရုက တစ်နှစ်တာ အကောင်းဆုံးဆု လေးခါရဖူးတယ် ။ ဒီတစ်နှစ်အတွက် ရှောင်ကျန့်မှာ ၈လ အချိန်ရတယ် ။
အကြိုပွဲ နွေရာသီအတွက်တော့ ၃ လသာ အချိန်ရတော့တယ် ။ အဖွားဝမ်က သူ့ကို သတိပေးတယ် ။
" ချူးကူးဒေသမှာ အကောင်းဆုံး အထည်တွေ ရှိတဲ့နေရာရှိတယ်... ဒီက အထည်တွေက အရည်သွေးပြည့်မှီလွန်းလို့ တစ်နှစ်မှာ နည်းနည်းဘဲ ထွက်တယ် "
"အဲ့ဒီက သူဌေးလုံက အထည်အတွက် ဝါကို ကိုယ်တိုင်စိုက်တယ် ၊ ခူးတယ် ... သူကိုယ်တိုင် ဗိုင်းငင်တယ် ... သူ့လက်နဲ့ ကိုယ်တိုင်ရက်တယ် ... သူကိုယ်တိုင် ဆေးဆိုးတယ် "
" သူ့လက်နဲ့ အစအဆုံးလုပ်တယ် ..."
" ဒီအထည်သားက ကောင်းလွန်းလို့ စျေးကြီးပေးဝယ်ကြတဲ့သူတွေ ၊ စာချုပ်ချုပ်ချင်ကြတဲ့ သူတွေ များပေမဲ့ သူက ဘယ်သူနဲ့မှ စာချုပ်မချုပ်ဘူး "
" နှစ်တိုင်း သူက ရောင်းချင်တဲ့သူကိုဘဲရောင်းတာ "
" သူ့အထည်ကို ချုပ်ခွင့်ရရင် တော်တဲ့ ဒီဇိုင်းနာနဲ့ဆိုရင် ပွဲမှာ နိုင်ဖို့က ၈၀% သေချာတယ် "
အဖွားဝမ်က စိတ်ရှည်လက်ရှည် ရှင်းပြတယ် ။
" ဒါပေမဲ့ ကွေ့ကွေ့က ဒီအထည်ကို ရတာ နှစ်နှစ်ဆက်တိုက် ရှိပြီ ... မနှစ်က အကောင်းဆုံးဆုရှင်ကလဲ ယဲ့ လုပ်ငန်းစုဘဲ "
YOU ARE READING
Dare you marry me ? (complete)
Spiritualငါလား ... သေပြီးသွားပြီ ... ဒါပေမဲ့ လက်ထပ်ချင်သေးတယ် ... ။ ငါလား ... ေသၿပီးသြားၿပီ ... ဒါေပမဲ့ လက္ထပ္ခ်င္ေသးတယ္ ... ။ By Jin Lusy .
