Every Beat of Heart (Agravante Series #2)

KABANATA 34

Kabanata 34

Date

--

I don't think my mother will stop, that's for sure. I realized that no matter what I say, no matter what I do, no matter how hard I go through, she will never stop forcing me into the Castillos. It’s for the business and somehow, I believe she’s doing it for my future as well. She doesn't want me to struggle in the future.

Pero talaga bang babaliwalain niya ang mga nararamdaman ko para lang do'n? Bakit siya? Kahit kailan ba naranasan niya ang bagay na 'to? Ang alam ko hindi pa. Ang alam ko mahal nila ni Dad ang isa't isa at hindi kailanman pinilit ng mga magulang nila. Kaya siguro hindi niya alam ang nararamdaman ko. Hindi niya alam ang pakiramdam ng pinipilit.

I took a deep breath. Wala na siguro akong magagawa sa kanya. I'd better just let it go. Though, I will still continue to refuse this because I will never marry a man I don't love. I will definitely not allow it.

And I’m also too busy with my work. There's also a lot going on in the company right now kaya paniguradong mawawalan na siya ng oras para rito. Well... I'm just not sure about that. Maybe she can still find a way to do what she wants in my life.

Malalim ulit akong bumuntong hininga. Tumingin ako sa mga pinsang kong nasa iisang table dito sa shop ko. Nagtatawanan sila at may kung anong pinagkukwentuhan. Ako kailangan kong magtrabaho dito kaya hindi pa ako makasali sa kanila.

Naiinggit ako sa kanila dahil sila, hindi sila pinipilit ng mga parents nila sa mga lalaking hindi nila gusto. My Tito and Titas are not allowing marriage for convenience for them. Si Mommy lang talaga ang ganito. Si Mommy lang.

"Ayos ka lang, Mina? Mukhang matamlay ka ngayon, ah?" tanong ni Lorie sa akin nang nagkaroon na ako ng oras para samahan sila rito.

I immediately looked at her and shook my head. Nakita kong nakatingin na rin sa akin ang iba.

"Hindi. Uh... pagod lang ako. Ang dami kasing ginagawa rito, e..." palusot ko.

"You should rest atleast for a while. Lumalaki na ang shop mo kaya marami nang ginagawa," si Ate.

"Kaya nga dapat mas lalo pa akong kumilos. Hindi ako pwedeng magpahinga," sabi ko.

"Ikaw bahala. Basta you should still keep your health. Mahirap magkasakit."

Tumango ako.

"By the way, why did you remove your bangs, Issa? Hindi bagay sayo!" si Ate kay Issa.

"Tss. Bagay naman, ah?"

"Hindi nga, e..." ngumuwi si Ate.

"Nakita ang malaki mong noo, Ate," si Lorie.

Humalakhak si Cassandra. "Grabe naman kayo! Hindi naman ganoon kalaki ang noo ni Issa, ah? New look nga, e..."

"Bakit mo kasi tinanggal?" si Ate.

"I just want to try a new hairstyle. Naisip kong ipatanggal ang bangs ko since bata palang ako meron na ako noon. Gusto ko lang subukan yung wala naman akong bangs!"

"Pero hindi bagay!" humalakhak si Lorie. "Ang laki ng noo mo!"

"Malaki rin naman ang noo mo, Loreleil. Hindi lang halata dahil hindi ka naman kailanman nag bangs," ganti ni Issa.

Mas lalong humalakhak si Lorie. Nakitawa at nakitukso rin ako sa kanila pero talagang wala akong sa mood. Pagkatapos ng ilang minuto bumalik na rin ako sa kitchen para tumulong roon. Aabalahin ko nalang ang sarili ko dito.

Lumipat ako sa cashier nang wala na akong maitutulong sa loob, kaya na ng mga staffs ko roon. Kaya lang nang natapos ako sa isang magbabayad, pumasok si Lee sa loob ng aking shop at nagtama agad ang mga mata namin.