Unicode
လေယာဉ်စထွက်တာနဲ့ ရွှေရုပ် ကြောက်လန့်တကြား မျက်စိမှိတ်ထားမိသည်...ငယ်စဥ်ကတည်းက ဘယ်ခရီးဝေးကိုမှ မသွားဖူးသည့်အပြင် လေယာဉ်လဲ တစ်ခါမစီးဖူးသည်မို့ ချွေးပါပြန်လာသည်...
ဘေးနားက သူ့ကို လှမ်းကြည့်လိုက်တော့ သက်တောင့်သက်သာပင် ipadကြည့်ရင်း ပါလာသည်...မျက်စိအသာပြန်မှိတ်ကာ ဘုရားစာသာခပ်တိုးတိုး ရွတ်နေလိုက်သည်...
ဒီခရီးက ဘယ်နှစ်ရက်ကြာမလဲ ရွှေရုပ်မသိပါ...အစက မဝါပါ ပါမည်ထင်ပေမယ့် သူနဲ့နှစ်ယောက်တည်းသာ ထွက်လာရသည်...မဝါက မနေ့ညနေကတော့ အိမ်ကို လာကာ ရွှေရုပ်အတွက် အဝတ်အစားတွေ လာပို့ပေးသည်...
style pantအရောင်ဖျော့ဖျော့လေးတွေပါ ကုတ်နဲ့အရောင်တူ ချုပ်ထားတဲ့ ဝတ်စုံလေးတွေက ဆယ်စုံထက်မနည်း...မနှင်းက စီစဥ်ပေးလိုက်သည်တဲ့...companyလာတဲ့အခါကျရင်လဲ ဒါတွေကိုပဲ ပေါ့ပေါ့ပါးပါး ဝတ်လာဖို့ မှာသွားသည်...
ခုက မရမ်းဖျော့ရောင် စတိုင်ပန်နဲ့ တီရှပ်အဖြူကို အတွင်းမှ ခံဝတ်ထားကာ အပေါ်မှ ကုတ်ထပ်ဝတ်ထားသည့် ရွှေရုပ်ပုံစံလေးက သန့်ပြန့်နေသည်...တစ်ခါမှ ဒီလိုမဝတ်ဖူး၍ နေရခက်ပေမယ့် တော်တော်တော့ ပေါ့ပေါ့ပါးပါး ရှိပါသည်...
"Excuse me..."
လေယာဥ်မယ်လေးက menu ရွေးခိုင်းကာ စားစရာလာပို့သည်... ဘာကိုမှ စားချင်စိတ်မရှိပေမယ့် မနက်တည်းက ဘာမှမစားဖြစ်ထားသည်မို့ အနည်းငယ် စားလိုက်သည်...
သူကတော့ အေးအေးဆေးဆေးပင် စားကာ ဝိုင်ပင်သောက်နေလိုက်သေးသည်...
ဟိုရောက်ရင် ကြုံရမည့် အရာတွေကို တွေးကာ ရွှေရုပ်ရင်မောလာသည် ...သူသည် ဘာရည်ရွယ်ချက်နဲ့ ရွှေရုပ်ကို ခေါ်လာမှန်း မသိပါချေ...
လှမ်းကြည့်မိပြန်တော့ သူက မျက်လုံးတွေ မှိတ်ကာ အိပ်မလို့ ပြင်နေသည်...လက်ကို ခပ်တင်းတင်းပိုက်ထားရင်း မျက်လုံးအစုံကို မှိတ်ထားတဲ့သူက မြင်နေကျအတိုင်း လင်းလက်လှပနေသည်... ခပ်စေ့စေ့ပိတ်ထားတဲ့ နှုတ်ခမ်းပါးတွေဆီ အကြည့်ရောက်သွားတော့ အတင်းအကြပ်ယူနေကျ အနမ်းတွေကို သတိရသွားကာ သူမ ရှက်ရွှံ့မိသွားသည်...
YOU ARE READING
ရွှေရုပ်
Romanceရင်ဘတ်ထဲ ပစ်ဝင်လာသော ဒဏ်ရာဒဏ်ချက်တွေသည် မျှော်လင့်ထားတာထက် ပိုဆိုးနေခဲ့သည်ကို သိလိုက်ချိန်တွင် နောက်ဆုတ်၍ မရနိုင်တော့ချေ... ရင္ဘတ္ထဲ ပစ္ဝင္လာေသာ ဒဏ္ရာဒဏ္ခ်က္ေတြသည္ ေမွ်ာ္လင့္ထားတာထက္ကို ပိုဆိုးေနခဲ့သည္ကို သိလိုက္ခ်ိန္တြင္ ေနာက္ဆုတ္၍ မရနိုင္ေတာ့ေခ်...