South Boys #2: Heartbreaker

Chapter 30

LET'S BE TOGETHER.

Napapitlag ako at sinikap na kumalas agad mula sa pagkakayakap ni Jordan. Pinanlalakihan ako ng mga mata sa gulat. Dinadaan niya ako sa bilis. Itinulak ko siya sa balikat para lang mapalayo ako sa kanya.

"Hindi pwede!" nabibiglang sambit ko.

Lumamlam ang mga titig niya sa akin. "But why?"

"Hindi mo ba alam iyong 3-month rule?!"

Si Jordan naman ang napakurap ngayon.

"Kaka-break lang namin ni Isaiah. Wala pang 3 months!" Wala akong maisip na dahilan kaya iyon na lang. Saka legit naman talaga iyon. Kahit naman gago si Isaiah, gusto ko pa rin siyang igalang na hayup siya.

Alam ng mga tropa namin, kaklase, and even his parents, na naging kami. Hindi maganda kung magjo-jowa agad ako. Isa pa, nalilito pa rin ako hanggang ngayon sa mga bagay-bagay.

Sinamaan ko ng tingin si Jordan. "Kaya kung gusto mo talaga ako, maghintay ka. 'Wag mo akong daanin sa bilis dahil marupok ako!"

Nakatulala siya sa akin ng ilang segundo pero sa huli ay ngumiti siya. "Alright."

"Ows? Ayos lang sa 'yo?"

"Yeah."

"Bawal magkiss ang di mag-jowa!"

Nagusot ang matangos niyang ilong, at halatang tutol siya, pero ngumiti siya pagkuwan. "Okay."

"Weh? Keri mo? E ang landi mo kaya."

Pinisil niya ang pisngi ko. "Just stop being so cute."

Lumabi ako at inirapan siya.

Ngingiti-ngiti naman siya. Nakakainis lang kasi hindi ko sure kung nagpapa-cute ba siya o talagang cute lang siya.

Umandar ang mga oras na nagtititigan lang kami. I mean, nakatitig siya sa akin. Kung makatitig pa siya ay parang ilang taon niya akong hindi nakita. Naiilang tuloy ako.

Pag naman sinasaway ko siya ay ngiti lang ang sagot niya sa akin. Kainis talaga. Sarap lapirutin. 

Bandang 4:00 pm nang hindi na masyadong mainit sa labas ay nagpaalam na akong uuwi. Inilagay ko sa bulsa ko ang panty ko na kinusutan sa banyo nila. Never na iiwan ko iyon, no! Mamaya, iribbon na naman niya e.

Speaking of ribbon. Hinanap ko pala iyong strap ng bra ko na nakita ko noon sa drawer ng bedside table ni Jordan, ang kaso ay hindi ko na makita. Ewan ko kung saan niya dinala. Nahihiya naman akong magtanong.

Inihatid na ako ni Jordan sa Navarro. Nag-jeep kami. Hindi ko na siya niyaya sa bahay mismo dahil nandoon si Daddy. Hindi maganda ang ambiance roon sa ngayon.

Naunawaan naman ni Jordan. Iyon nga lang ay hindi siya pumayag na aalis na siya agad pagkarating namin sa eskinita. Tinanaw niya pa ako hanggang sa makapasok ako sa mismong gate namin.

"I SAID, NO!"

Naulinigan ko ang iritableng boses ni Mommy. Bukas ang pinto ng sala kaya nakapasok agad ako. 

"What on earth are you playing at, Clara?" Iritable rin ang boses ni Daddy. "You didn't sleep with me last night, and now kahit halik ayaw mo rin?"

Walang sagot mula kay Mommy.

"I am yours now now. Magpapakasal naman na tayo pag ayos na iyong annulment namin ni Becky. What else do you want me to do?"