LOVE ME,OK![Complete]

Episode-8

♡Unicode version♡

၃နာရီတိတိလေ့ကျင့်ရေးဆင်းအပြီး စီနီယာတွေကဦးဆောင်လျှက်တန်းဖြုတ်စေပြီးအနားယူချိန်ပေးထားတယ်။ခြေပစ်လက်ပစ်အမောဖြေနေကြသည့်ကျောင်းသားကျောင်းသူတွေဟာမြက်ခင်းပြင်စိမ်းစိမ်းထက်ဟိုတစုဒီတစုခေါင်းချင်းဆိုင်တွတ်ထိုးလျှက်။ရိပေါ်လည်းဖေရှီးအပြင် ဖေရှီးအခန်းဖော်သူငယ်ချင်းတစ်ယောက်နဲ့သုံးယောက်သားမြက်ခင်းစိမ်းထက်ဝိုင်းထိုင်လိုက်ရင်းအမောဖြေနေရတယ်။၃နာရီကြီးတောင်ဆိုတော့အလေ့အကျင့်မရှိသည့်ရိပေါ်တို့အဖို့တကယ်ကိုရွှေရင်စို့စေတာပဲ။

"ဟူး!...မောတာကွာ...ရိပေါ် ဒါငါ့အခန်းဖော် section Cက ချန်းဝေ့တဲ့..."

မောပမ်းမှုကြောင့်နိမ့်ချည်မြင့်ချည်ဖြစ်နေသည့်ရင်ဘတ်ပေါ်ကအက်ျီစကိုလေအေးရရန်ခါထုတ်နေရင်းနဘေးကချန်းဝေ့ဆိုသည့်ကောင်လေးကိုမိတ်ဆက်ပေးလာသည့်ဖေရှီးကြောင့်ရိပေါ်အသိမှတ်ပြုသလိုပြုံးပြလိုက်တယ်။

"ဖေ​ရှီးစီကရိပေါ်အကြောင်းတွေအများကြီးကြားထားပါတယ်...ငါ့ကိုလည်းဖေရှီးလိုပဲခင်မယ်မဟုတ်လားရိပေါ်..."

"အွန်း!...သူငယ်ချင်းထပ်တိုးလာတယ်ဆိုတော့ပိုပျော်ဖို့ကောင်းမှာပဲ...ဒါနဲ့ ဖေရှီးကငါ့အကြောင်းတွေဘာပြောထားတာလဲ..."

"အင်း!...ရိပေါ်ကဘယ်လောက်ထိခင်ဖို့ကောင်းတဲ့အကြောင်းတွေပေါ့..."

ချန်းဝေ့အဖြေအားသဘောတွေ့ဟန်ရိပေါ်ကကျေနပ်ပြုံးလေးနဲ့ဖေရှီးကိုတချက်စောင်းငဲ့ကြည့်တယ်။

"ပြီးတော့ ရိပေါ်ငိုရင်နှပ်တွေနဲ့ပေသလူးညစ်ပစ်နေရောတဲ့...နံနံပင်သာကြိုက်တာမျက်မှန်ပါဝါကဂိတ်ဆုံးတော့မယ်တဲ့..."

"ဟင်!...ဖေရှီး မင်း မင်း...ရားးး!..."

"အား!...အ!...ရိပေါ် မင်းလွန်မယ်..."

("ဟား!...ဟား!...ဟား!...")³

ကျောပြင်ကိုတဘုန်းဘုန်းထုလာသည့်ရိပေါ်ကြောင့်ဖေရှီးကရှောင်လည်းမရှောင်ပဲကျောကော့လျှက်အော်ရယ်တော့တယ်။နဘေးကချန်းဝေ့မှာလည်းရိပေါ်တို့သူငယ်ချင်းနှစ်ယောက်ကိုကြည့်ရင်းပါးစပ်စိမရတော့။