LOVE ME,OK![Complete]

Episode-27

♡Unicode version♡

ညဥ့်မနက်ခင်အချိန်ထိHappy Worldကစားကွင်းကြီးကမီးရောင်စုံတွေပြိုးပြက်နေပြီး လူသံဆူညံသံတချို့နှင့်အတူ ချိတ်ချိတ်သဲစည်းကားလျှက်ရှိတယ်။ရုပ်ရှင်ရုံကအပြန်ကစားကွင်းတန်းဝင်ခဲ့သည့်ချစ်သူနှစ်ဦးမှာလည်း ထိုဝန်းထဲက,ကစားရုံတစ်ရုံရှေ့ရောက်နေလေရဲ့။

"ဟိုအရုပ်လား..."

"အွင်း!..."

ရှောင်းကျန့်က အရုပ်စဥ်ပေါ်မှဇီးညိုရောင်လက်တကိုင်စာဝက်ဝံရုပ်လေးကိုလက်ညှိုးထိုးပြရင်းမေးတော့ ရိပေါ်ကငှပ်သိုက်မုန့်ထုပ်ကြီးလက်တစ်ဖက်ကကိုင်ထားရင်းခေါင်းတဆက်ဆက်ငြိမ့်တယ်။ဆောင်းဝင်စအချိန်သမယမို့ ညဘက်အအေးဓာတ်ကဲနေကာ ဝက်ခြံဖုလေးပေါက်နေသည့်ရိပေါ်နှာထိပ်လေးက ချယ်ရီသီးလေးလို ရဲစွေးနေတယ်။

"ဆိုင်ရှင် ကျွန်တော်ဗူဗောင်းပစ်ချင်လို့!..."

"အာ!...ရမယ် ရမယ်လူလေး...ရော့ ဒီမှာ...သုံးဆယ့်ငါးယွမ်ကျတယ်ကွ..."

"ဟုတ်ကဲ့ဦးလေး..."

ဆိုင်ရှင်ကမ်းပေးသည့်မြှားတံသေးသေးလေးတွေလှမ်းယူကာနောက်နားကကောင်လေးကိုလှည့်ကြည့်တော့ မျက်လုံးတောက်တောက်လေးတွေနဲ့ပြန်ကြည့်လာတယ်။အူးယားတာမို့ခေါင်းလုံးလေးကိုတချက်လှမ်းဖွလိုက်ပြီးခပ်လှမ်းလှမ်းမှာရှိနေသည့်ပစ်မှတ်ဗူဗောင်းတွေစီအာရုံစိုက်လိုက်တယ်။ကောင်လေးလိုချင်တာရဖို့ကြိုးပမ်းရဦးမည်မဟုတ်လား။

*ဖောက်!* *ဖောက်!* *ဖောက်!*

ရှောင်းကျန့်လက်စကြောင့်မြှားတံနဲ့မိတ်ဆက်မိသွားသည့်ဗူဗောင်းတွေတလုံးပြီးတလုံးရှေ့ဆင့်နောက်ဆင့်ထိမှန်ပေါက်သွားတယ်။နောက်ဆုံးသုံးလုံးကျန်တော့ မျက်ခုံးတွေမြင့်တက်ကာကြည့်နေသည့်ဆိုင်ရှင်ကိုတလှည့် သူ့ကိုမျှော်လင့်တကြီးငေးနေသည့်ကောင်လေးကိုတလှည့်ကြည့်ရင်း ရှောင်းကျန့်ပြုံးလိုက်မိတယ်။အမြဲတမ်းအကွာအဝေးအတိုင်းအတာတွေတွက်ချက်နေရသည့်သူ့လိုဆောက်လုပ်ရေးကျောင်းသားအဖို့ ထိုtargetကအရေးမဟုတ်။

*ဖောက်!* *ဖောက်!* *ဖောက်!*

"ရေး!!!..."

ဗူဗောင်းအကုန်ပေါက်သွားပြီးရှောင်းကျန့်လက်ထဲ ဝက်ဝံရုပ်လေးရောက်လာတဲ့အချိန်ရိပေါ်ကအူမြူးလျှက် ခုန်ပေါက်နေတော့တယ်။ဆိုင်ရှင်ကတော့သူတို့နှစ်ယောက်ကိုကြည့်ပြီးပြုံးတုံးတုံး။