CHAPTER-(4)
Title: ခင်ပွန်းလောင်းကအိမ်အကူရဲ့သမီးနဲ့ချစ်မိသွားတယ်။
ချူရှောင်းနှင့် သူမမိဘများအိမ်ပြန်ရောက်သည့်အခါ ပိုင်လင်းကအခြားအိမ်အကူအနည်းငယ်နှင့် တံခါးမှာစောင့်နေခဲ့ပြီး သူမမျက်နှာထက်ကတောက်ပနေသောအပြုံးတစ်ပွင့်နှင့် သူတို့ကိုကြိုဆိုလေသည်။ သို့သော်လည်း ခါတိုင်းလိုအမြန်လာပြီးနှုတ်ဆက်ရမည့်အစား သူမကစကားပြောနေစဥ်တွင် အကွာအဝေးတစ်ခုမှနေနေခဲ့သည်။
"ရှောင်းရှောင်း သမီးကောင်းလာပြီလား? ဒီနေ့ညသမီးအကြိုက်ဆုံးဟင်းပွဲတွေချက်ဖို့ အန်တီလီကိုပြောထားပြီးပြီ။ ခနနေရင် ပိုပြီးစားသင့်တယ်"
ချူရှောင်းက အပြုံးမမည်တဲ့အပြုံးတစ်ပွင့်နှင့်သူမကို စိုက်ကြည့်လိုက်၏။ ပိုင်လင်းရဲ့အနည်းငယ်သာမန်မဟုတ်သော အပြုံးအောက်တွင် သတိရှိလွန်းမှုနှင့်အပြစ်ရှိမှုကို သူမမြင်နိုင်သည်။
သူမခန့်မှန်းထားတဲ့အတိုင်း ပိုင်လင်းကသူ့သမီးဘာလုပ်နေတယ်ဆိုတာသိတယ်။
မဟုတ်ရင်ဘာလို့များ သူမအပေါ်အပြစ်ရှိသလိုခံစားရမှာလဲ? ချမ်းသာတဲ့မိသားစုကအိမ်အကူတစ်ယောက်က ချမ်းသာတဲ့မိသားစုကအနာဂတ်အမွေခံရဲ့ယောက္ခမဆိုတဲ့ဖြစ်တည်မှုနဲ့ ဘယ်လိုယှည်နိုင်မှာလဲ? ပိုင်ရွယ်ဝေ့ကကျောင်းမှာထိန်းမနိုင်သိမ်းမရဖြစ်နေတာ အံ့သြစရာမရှိပါဘူးလေ။
အဲ့လိုဆိုရင်တောင် မူလချူရှောင်းကနည်းနည်း ခေါင်းမာလွန်းတယ်။ ဒီလိုမျိုးတစ်စုံတစ်ခုပေါ်မှာ ဘာလို့သူမကိုယ့်ကိုကိုယ်ထိခိုက်အောင်လုပ်ရတာလဲ? ကိစ္စရဲ့အမှန်တရားကိုသူမမိဘတွေဆီပြောလိုက်သင့်တာ။ ဘယ်လိုငိုရမလဲသိရတဲ့ကလေးကပဲ စားဖို့ချိုချဥ်ရလိမ့်မယ်ဆိုတဲ့ ဆိုရိုးကနေရာတိုင်းမှန်တာပဲ။
ချူရှောင်းက ပိုင်လင်းရှေ့တည့်တည့်လျောက်လာကာ သူမကိုခြေဆုံးခေါင်းဆုံးကြည့်ခဲ့သည်။ သူမကအိမ်အကူဝတ်စုံကိုကြည့်ရင်း အပြုံးတစ်ပွင့်ဖြင့်သက်ပြင်းချတော့သည်။
"အန်တီပိုင်၊ ရှင်ကအရည်အချင်းစစ်တွေကို ကောင်းကောင်းဝှက်ထားခဲ့တာပဲ"
YOU ARE READING
အငြိမ်းစားဗီလိန်မမှ အမြှောက်စာဇတ်ကောင်လေးအဖြစ်သို့
Adventureအမြှောက်စာဇတ်ကောင်ထဲကို ကူးပြောင်းလာရင်သူမဘာလုပ်သင့်လဲ? သူမပထမဆုံးလုပ်မှာကတော့ မူလကိုယ်ဆီမှာတင်နေတဲ့အကြွေးတွေအကုန်လုံးကို ပျော်ပျော်ကြီး ပြန်ဆပ်မည်။ သူမဘဝရဲ့ဒုတိယအခွင့်အရေးဖြစ်နေမှတော့ အနာဂတ်ကိုစိတ်ပူမှာထက်ပစ္စုပ္ပန်မှာပဲပျော်ပျော်ရွှင်ရွှင်နေမည်။ ...
