CHAPTER-(11)
Title: ခင်ပွန်းလောင်းကအိမ်အကူရဲ့သမီးနဲ့ချစ်မိသွားတယ်
ချူတုံချီသတင်းစာကိုကြည့်ကာ မသိမသာအမူအရာပြောင်းသွားသည်။ သူအတော်ကြာသည်အထိ စကားမပြောပေ။ ချူရှောင်းတခစ်ခစ်ရယ်ကာပြောလိုက်၏။
"ဖေဖေ..ဖေဖေက TVရသစုံရှိုးမှာ ရှောက်ပင်အောက်ထိုင်နေတဲ့သူလိုမျိုးပဲ! အရမ်းကိုမကြည်မသာနဲ့!"
(CUP: cupလည်းဘာကိုပြောချင်မှန်းမသိပါ)
ချူရှောင်းရွှင်ရွှင်မြူးမြူးရယ်နေတာကိုတွေ့တော့ ချူတုံ့ချီပြုံးမိသည်။ သူ့မိသားစုအတူတူပျော်နေသမျှ ယိချန်၊ ယိမိသားစု၊ ပိုင်လင်းနဲ့ သူ့သမီးတို့က အရေးမပါတဲ့အပြင်လူတွေဖြစ်ကြသည်။ သူတို့အတူတူပျော်ပျော်ရွှင်ရွှင်ရှိနေသရွေ့ တခြားသူတွေကသူတို့နဲ့လာပတ်သတ်စရာ အကြောင်းမရှိ။
ဟုတ်တာပေါ့။ သူတို့ယိမိသားစုနဲ့ရှိတဲ့အကြွေးတွေကိုတော့ ဆပ်ရဦးမည်ပင်။ မူလက ယိမိသားစုနဲ့ချူမိသားစုက စီမံကိန်းတစ်ခုမှာအတူတူပူးပေါင်းဖို့စီစဥ်ထားခဲ့ပြီး သူတို့စီးပွားရေးလုပ်ငန်းတွေကို ဆွေးနွေးတာလည်းပြီးလုနီးပြီ။ သို့သော်လည်းချူမိသားစုက ယိမိသားစုနဲ့ ပူးပေါင်းဖို့မလိုပေ။ ...အရမ်းအင်အားကြီးကာလွမ်းမိုးနိုင်သော ရှောင်းမိသားစုကဲ့သို့ အခြားမိသားစုလည်းရှိသေးသည်.
ရှောင်းမိသားစုက စီးပွားရေးလောကတွင်အောင်မြင်သောမိသားစုဖြစ်ခဲ့သည်။ ရှောင်းမိသားစုရဲ့ယခင်အကြီးအကဲက မိသားစုကိုအောက်ခြေမှစတင်ခဲ့သည်။ ကံမကောင်းစွာပင်ရှောင်းမိသားစုယခင်အကြီးအကဲမှာ အသက်ငါးဆယ်ရောက်ပြီးနေမကောင်းမဖြစ်ခင်ထိ အလုပ်အလွန်အကျွံလုပ်ခဲ့၏။ အခုသားဖြစ်သူရှောင်းဟန်က သူ့အဖေကိုဗီလာမှာငြိမ်းငြိမ်းချမ်းချမ်းအားဖြည့်စေရင်း မိသားစုလုပ်ငန်းကို လက်လွှဲယူနေပြီ။
ရှောင်းဟန်ငယ်စဥ်ကတည်းက ရှောင်းမိသာစုရဲ့ဆက်ခံသူတစ်ယောက်ဖြစ်လာဖို့ လေ့ကျင့်ပျိုးထောင်ထားခဲ့ရာ ထိုးထွင်းသိမြင်သည့်ညဏ်၊ စိတ်ချအားကိုးရသောစရိုက်တို့နဲ့ ကြီးပြင်းလာခဲ့သည်။ သူရှောင်းမိသာစုကိုလက်လွှဲယူချိန်မှာ မိသားစုလုပ်ငန်းကိုကသောင်းကနင်းဖြစ်စေတာထက် ရှောင်းမိသားစုကိုအထွတ်ထိပ်ရောက်စေဖို့ စီမံခဲ့လေသည်။
YOU ARE READING
အငြိမ်းစားဗီလိန်မမှ အမြှောက်စာဇတ်ကောင်လေးအဖြစ်သို့
Adventureအမြှောက်စာဇတ်ကောင်ထဲကို ကူးပြောင်းလာရင်သူမဘာလုပ်သင့်လဲ? သူမပထမဆုံးလုပ်မှာကတော့ မူလကိုယ်ဆီမှာတင်နေတဲ့အကြွေးတွေအကုန်လုံးကို ပျော်ပျော်ကြီး ပြန်ဆပ်မည်။ သူမဘဝရဲ့ဒုတိယအခွင့်အရေးဖြစ်နေမှတော့ အနာဂတ်ကိုစိတ်ပူမှာထက်ပစ္စုပ္ပန်မှာပဲပျော်ပျော်ရွှင်ရွှင်နေမည်။ ...
