CHAPTER-(15)
Title: ခင်ပွန်းလောင်းကအိမ်အကူရဲ့သမီးနဲ့ချစ်မိသွားတယ်
ယိချန်ကကျောင်းမှာလူသိများသသည်။ ယိချန် သူမကျောင်းသား မဟုတ်ဘူးဆိုတာ ဆရာမကသိနေရုံတင်မကပဲ သူ့ရှေ့ကသုံးယောက်က သုံးပွင့်ဆိုင်ဇတ်ရှုပ်နေကြသည်ကိုလည်း သိသည်။
တက္ကသိုလ်မှာရှိတဲ့ တခြားမေဂျာတွေကကျောင်းသားတွေ သူတို့စာရင်းပေးမထားတဲ့ အတန်းတွေတတ်လေ့ရှိတာက ပုံမှန်ပင်။ သို့သော်လည်း စည်းမျည်းကတော့အတန်းရဲ့ တရားဝင်စာရင်းသွင်းထားတဲ့ ကျောင်းသားတွေကို အနှောင့်အယှက်မပေးရန်ဖြစ်၏။
ဆရာမကချက်ချင်းပြောလာသည်။
"ကောင်လေး..မင်းအတန်းတတ်မယ်ဆိုရင် ထိုင်နေသင့်တယ်။ မတတ်ချင်ဘူးဆိုရင်လည်း အမြန်ဆုံးထွက်သွားပေးပါ။ တီချယ်အတန်းစတော့မယ်။"
ဒုတိယမျိုးဆက်သခင်လေးတွေ ဘယ်လောက်ချမ်းသာချမ်းသာ သူမ(ဆရာမ)အတွက်ကိစ္စမရှိ။ သို့သော်လည်း ယိမိသားစုကလူတွေနှင့်အချင်းမများသင့်တာတော့ သူမသိသည်...ထို့ကြောင့်လည်း သူမလေသံမှာ ယဥ်ကျေးနေရသည်။
အတန်းထဲမှာ ရာချီတဲ့ကျောင်းသားတွေ ထိုင်နေကြပြီး သူတို့အားလုံးယိချန်ကို စိုက်ကြည့်နေသည်။ ဒီအခြေအနေကြောင့်ယိချန် အရမ်းအရှက်ကွဲသွားသည်ဟု ခံစားလိုက်ရသည်။
ထို့ကြောင့် သူချက်ချင်းမတ်တပ်ရပ်ပြီး အခန်းထဲကထွက်သွားတော့သည်။
"ယိချန်"
ပိုင်ရွယ်ဝေ့ ယိချန်နောက်ကိုလိုက်ဖို့ သူမအထုတ်တွေအမြန်သိမ်းလိုက်သည်။ သူမတံခါးကိုရောက်တော့ ဆရာမကိုအားတုံ့အားနာ ဦးညွှတ်ကာပြောသည်။
"ကျွန်မတို့ဖြစ်ခဲ့တဲ့ ပြသနာအတွက်တောင်းပန်ပါတယ် တီချယ်။ ယိချန်လက်မှာ ဒဏ်ရာရထားတယ်။ သမီးသူ့ကိုဆေးရုံခေါ်သွားလိုက်ပါ့မယ်။"
ဆရာမကလက်ယမ်းကာ သူမကိုသွားခွင့်ပြုလိုက်သည်။ ထို့နောက်လည်ချောင်းရှင်းပြီး စစသင်တော့သည်။ အတန်းထဲကကျောင်းသားများကတော့ သူ့တို့မျက်မြင်တွေ့လိုက်ရတဲ့ ဂယက်ကြီးကနေ သတိပြန်မလည်လာသေးချေ။ သူတို့ဖြစ်ခဲ့တာကို ဆက်တွေးနေချိန်မှာ ချူရှောင်းကတော့ ကိစ္စကိုမေ့သွားပုံရသည်။ သူမကတော့ ဆရာမရဲ့လက်ချာတွေကို အာရုံစိုက်နားထောင်နေလေသည်။
YOU ARE READING
အငြိမ်းစားဗီလိန်မမှ အမြှောက်စာဇတ်ကောင်လေးအဖြစ်သို့
Adventureအမြှောက်စာဇတ်ကောင်ထဲကို ကူးပြောင်းလာရင်သူမဘာလုပ်သင့်လဲ? သူမပထမဆုံးလုပ်မှာကတော့ မူလကိုယ်ဆီမှာတင်နေတဲ့အကြွေးတွေအကုန်လုံးကို ပျော်ပျော်ကြီး ပြန်ဆပ်မည်။ သူမဘဝရဲ့ဒုတိယအခွင့်အရေးဖြစ်နေမှတော့ အနာဂတ်ကိုစိတ်ပူမှာထက်ပစ္စုပ္ပန်မှာပဲပျော်ပျော်ရွှင်ရွှင်နေမည်။ ...
