CHAPTER-(6)
Title: ခင်ပွန်းလောင်းကအိမ်အကူရဲ့သမီးနဲ့ချစ်မိသွားတယ်
"ဖေဖေကအကောင်းဆုံးပဲ"ချူရှောင်းခြေဖျားထောက်ပြီး ချူဆုံချီရဲ့ပါးပေါ်နမ်းလိုက်ကာဖန်ချင်းပါးကိုနမ်းဖို့လည်းလှည့်လိုက်သည်။
"မေမေလည်းကောင်းတယ်၊ မေမေတို့နှစ်ယောက်လုံးကို အရမ်းချစ်တယ်!"
ချူတုံချီနဲ့ဖန်ချင်းက သူတို့သမီးကိုနွေးနွေးထွေးထွေးပြုံပြကြသည်။ သူတို့သမီးစိတ်တိုတာရော၊ဝမ်းနည်းတာရောမရှိတော့ဘူးဆိုတာ နောက်ဆုံးမှာသူတို့သဘောပေါက်သွား
လေပြီ။ ဖန်ချင်းက ချူရှောင်းနမ်းတာကို သူမပါးဆီခပ်ဖွဖွပြန်နမ်းလိုက်ပြီး ပြောလိုက်သည်။
"မေမေနဲ့ဖေဖေကလည်း သမီးကိုအချစ်ဆုံးပဲ။ အိမ်မှာပျော်ပျော်နေ၊ မေမေအလုပ်ကပြန်ရောက်ရင် သမီးကြိုက်တဲ့tiramisu အချိုပွဲဝယ်ခဲ့မယ်။"
"ဟုတ်ကဲ့ပါ၊ ဖေဖေနဲ့မေမေ အလုပ်သွားတော့လေ။"
ချူရှောင်းသူတို့လက်မောင်းတွေကို လွှတ်ပေးပြီး သူတို့ကိုလက်ယမ်းပြခဲ့သည်။
ချူတုံချီနဲ့ဖန်ချင်းအတူတူထွက်သွားပြီး အရေးကြီးအလုပ်ကိစ္စကိုဖြေရှင်းဖို့ အပြေးအလွှားသွားကြတော့သည်။ ချူမိသားစုနဲ့ဖန်မိသားစုက သူတို့သားနှင့်သမီးကို
စီးပွားရေးအရလက်ထပ်ပေးခဲ့ကြသည်။
မူလကတော့ သူတို့အသီးသီးရဲ့လုပ်ငန်းတွေက ဒုတိယအဆင့်ကုမ္ပဏီများသာ ဖြစ်ကြ၏။ကုမ္ပဏီနှစ်ခုရဲ့ဆက်ဆံရေးတွေကိုအတူတူပေါင်းစည်းတဲ့ လက်ထပ်ပွဲဖြစ်နေတာတောင် သူတို့ကနက်နက်ရှိုင်းရှိုင်းချစ်ကြပြီး တစ်ယောက်နဲ့တစ်ယောက်သဟဇာတဖြစ်ကြသည်။
ချူရှောင်းအသက်18နှစ်တွင် သူ့မမိဘတွေကသူ့တို့ကုမ္ပဏီတွေကို ပေါင်းစည်းပြီး အရှေ့ကော်ပိုရေးရှင်းဟုနာမည်ပြန်ပေးခဲ့လေသည်။ အနာဂတ်မှာ ကုမ္ပဏီကိုချူရှောင်းဆီလက်လွှဲပေးဖို့ သူတို့ကစီစဥ်ထားကြ သည်။
ကုမ္ပဏီနှစ်ခုပေါင်းစည်းပြီးချိန်မှာ အရှေ့ကုမ္ပဏီအသစ်ကတရုတ်နိုင်ငံရဲ့ ထိပ်တန်းကုမ္ပဏီတစ်ခုဖြစ်လာခဲ့တော့သည်။ ရလဒ်အနေနဲ့ကတော့ ချူရှောင်းမိဘနှစ်ယောက်လုံး အလွန်အလုပ်များလာသည်ပေါ့။
YOU ARE READING
အငြိမ်းစားဗီလိန်မမှ အမြှောက်စာဇတ်ကောင်လေးအဖြစ်သို့
Adventureအမြှောက်စာဇတ်ကောင်ထဲကို ကူးပြောင်းလာရင်သူမဘာလုပ်သင့်လဲ? သူမပထမဆုံးလုပ်မှာကတော့ မူလကိုယ်ဆီမှာတင်နေတဲ့အကြွေးတွေအကုန်လုံးကို ပျော်ပျော်ကြီး ပြန်ဆပ်မည်။ သူမဘဝရဲ့ဒုတိယအခွင့်အရေးဖြစ်နေမှတော့ အနာဂတ်ကိုစိတ်ပူမှာထက်ပစ္စုပ္ပန်မှာပဲပျော်ပျော်ရွှင်ရွှင်နေမည်။ ...
