« សឺត!! អូយ៎!! » សម្លេងត្អូញត្អែរប្រហើរៗបន្លឺចេញមកពីបបូរមាត់ទន់ល្មើយរបស់អាល្អិតដែលទើបនឹងភ្ញាក់ដឹងខ្លួនពីដំណេកក៏បានឮដល់ស្រីបម្រើដែលមកអង្គុយរងចាំការភ្ញាក់ដឹងខ្លួនរបស់អ្នកប្រុសតូចជាទីស្រឡាញ់ញញឹមចេញមកយ៉ាងស្រស់ ។ នាងភ័យណាស់ខ្លាចថាយប់ដំបូងអ្នកប្រុសតូចរបស់នាងនឹងស្តិនៅលើគ្រែនេះពេញមួយថ្ងៃដោយសារតែអ្នកអង្គម្ចាស់ហើយទេតើ ។
« អ្នកប្រុសតូច » Ginsan
« បង Ginsan?? បងមកតាំងពីពេលណា?? »
« អ្នកអង្គម្ចាស់បានបញ្ជាឱ្យទាហានទៅទទួលខ្ញុំមកតាំងពីម្សិលមិញម្ល៉េះ កាលពីព្រឹកមិញអ្នកអង្គម្ចាស់បានឱ្យអ្នកបម្រើលើកស៊ុបមកឱ្យអ្នកប្រុសតូចមួយចានដែរ តែឥឡូវថ្ងៃត្រង់ទៅហើយវាត្រជាក់ប្រហែលជាហូបមិនកើតទេ »
« ថ្ងៃត្រង់?!! »
« ចាស!! គឺថ្ងៃត្រង់ហើយ »
« ស្លាប់ហើយ!! បើអ្នកម៉ែដឹងគាត់ច្បាស់ជាបន្ទោសខ្ញុំហើយ អូយ៎ៗ ឈឺខ្លាំងណាស់ » ដោយសារតែភ័យស្លន់ស្លោរខ្លាំង នាយតូច ក៏ភ្លេចខ្លួនស្ទុះក្រោកចេញពីលើគ្រែលឿនជ្រុលធ្វើឱ្យការឈឺចាប់នៅតាមរាងកាយរបស់គេធ្វើទុក្ខឡើងមកភ្លាមៗមិនរង់ចាំយូរនោះឡើយ ។
« អ្នកប្រុសយឺតៗ អ្នកអង្គម្ចាស់ បានផ្តាំឱ្យអ្នកប្រុសតូចប្រយ័ត្នប្រយែងណា៎ ម៉ោះ!! ខ្ញុំជួយ តែថាអ្នកប្រុសតូចអាចងូចទឹកបានដោយខ្លួនឯងបានទេ?? ត្រូវការឱ្យខ្ញុំជួយទេ? »
« បា..បានស្រាប់ហើយ »
« នៅពេលដែលអ្នកប្រុសតូចងូចរួចអ្នកប្រុសតូចហៅខ្ញុំណា៎ ខ្ញុំទៅរៀបចំសម្លៀកបំពាក់ជូនអ្នកប្រុសតូចសិន » Ginsan ញញឹមអោនក្បាលលាគេម្តងទៀត រួចទើបទាញវាំងននបិទទុកឱ្យ Tae នៅងូចទឹកតែម្នាក់ហើយ សឹមដើរទៅរកមើលសម្លៀកបំពាក់ត្រៀមជូនអ្នកប្រុសតូចជាទីស្រឡាញ់របស់ខ្លួនតាមក្រោយ ។
ចំណាយពេលអស់មួយសន្ទុះធំ Tae ក៏រៀបចំកាយរបស់ខ្លួនហើយរួចរាល់ នៅមុខកញ្ចក់ក្នុងដំណាក់របស់អ្នកអង្គម្ចាស់ដ៏ខ្ពង់ខ្ពស់ពួកយើងក៏អាចមើលឃើញនាយតូចរូបស្រស់ម្នាក់ដែលកំពុងតែអង្គុយញញឹមញញែមបិទមាត់មិនជិតនៅពីមុខកញ្ចក់ហាក់ដូចជាកំពុងតែសប្បាយត្រេកអរខ្លាំងណាស់ ។ តើគេកំពុងតែសប្បាយត្រេកអររឿងអ្វីដែលទៅ??
YOU ARE READING
L O V E M A Z E ᥫ᭡ (✔️)
Romance« ជីវិតនិងបេះដូងរបស់ខ្ញុំម្ចាស់បានប្រគល់ឱ្យត្រង់តាំងតែពីថ្ងៃពួកយើងអភិសេកមកម្ល៉េះអ្នកអង្គម្ចាស់ » Jungkook Aiden Cassian ft Taehyung Kim ប្រភេទរឿង : កូរ៉េ x ចិន Author : AERA ROSAA Date : 26/12/21 - 30/11/23 Cover : Somavotey ♡︎ original picture to t...