Lascivious Casanova (R-18) (Erotic Island Series #7)

Lascivious Casanova 42

(LC) Chapter 42

"Fifteen minutes," huling tawad ko.

Pangalawang beses niya na akong ginigising. Pero sa tuwing magigising ako, natutulog ulit ako.

"Okay," iyan lang din ang paulit ulit niyang sagot.

Hindi yata siya natutulog at mukhang binabantayan ako dahil kada labing limang minuto talaga ang paggising niya sa akin.

Nasa likuran ko siya at nakayakap. Nakaunan ako sa braso niya. Sinisilip niya ako sa tuwing napapagalaw ako at naaalimpungatan. Nakadantay sa akin ang isa sa mga binti niya subalit hindi naman mabigat dahil sadyang hindi siya nagpapabigat. Ang balbon niya sa binti'y kumikiliti sa akin. Kahit na ganon at kahit na para siyang sawang nakapulupot, hinahayaan ko na at bumabalik na lang ako sa pagtulog.

Napasinghot ako kahit nakapikit. Sa sobrang dikit namin, amoy na amoy ko ang pabango niya. Shower gel niya o fabricon? Siguro dahil nakapaglinis na siya ng katawan habang natutulog ako? O dahil kaamoy niya ang hinihigaan namin? Hindi ko alam alin doon ang naaamoy ko. Basta ang bango niya!

Ako, palagi na lang malagkit. Nang una ganito rin, nakatulog ako nang walang ligo. Ngayon naman wala pa akong banlaw mula nang magdagat kami. Kahit na mabango ang bagong damit na isinuot niya sa akin, pakiramdam ko ang lansa ko pa rin.

Paano niya ako nagagawang yakapin ng mahigpit? Amoy pa siya ng amoy sa aking buhok sa tuwing nagigising ako. Nakalugay na iyon at hindi na nakapusod hindi 'tulad kanina bago ako makatulog. Siya malamang ang nag ayos ng buhok ko para walang sagabal sa aking paghiga. Maalaga at maalalahanin si Jax na nitong huli ko lang napapansin. Kahit hindi pa kami, nakabantay na siya sa kilos ko. Hindi ba't pati butas nga ng salawal ko noo'y nakita niya pa.

"Come on, my beautiful sleepyhead, you really have to wake up now."

Mainit na hininga niya sa aking pisngi ang gumising ng pangatlong beses sa diwa ko. Kumilos ako subalit hindi kaagad nagmulat.

"Ayaw sana kitang gisingin. I want you to sleep here but I know if I don't wake you up you will get mad at me," maagap na paliwanag niya nang masulyapan akong maghikab.

Tinaas ko ang aking isang kamay at napakusot ng mata. Inaantok pa ako pero kung magpapatalo ako sa hatak ng kama niya baka abutin na ako ng umaga. Masiyadong naging kumportable ang pakiramdan ko at tila nawalan na ng balak na bumangon. Maaari ring dahil katabi ko siya kaya ang sarap palagi ng tulog ko rito.

Gamit ang halos pikit pang mga mata'y binisita ko ang ayos ng kanyang kwarto. Madilim at kaonting ilaw lang ang bukas. Malamig dahil sa nakatodong aircon. Hindi ko iyon gaanong ramdam dahil balot ako ng kumot at katawan niya. Nang ilabas ko lang sa comforter ang kamay ko para makusot ang mata saka ko lang nadama ang matinding lamig.

"Anong oras na?" Napapaos na tanong ko.

Nakatalikod pa rin ako sa kanya. Ganito ang boses ko, marahil ay dahil kagigising lang. Ni wala akong ideya kung ilang oras akong nakatulog. Basta ang alam ko hanggang ngayon masakit ang katawan ko at hapong hapo pa galing sa ginawa namin sa shower area at sa sasakyan niya.

Hindi ko first time pero wala kaming maayos na posisyon kanina. Nakatayo kami at nakaupo kaya hindi kataka takang mga binti at hita ko ang masakit. Ang yabang yabang ko pa kanina sa ibabaw niya. Mas masakit pala sa katawan ang posisyon na iyon kaysa sa inakala ko.

"Almost nine in the evening. You slept for two hours," aniya sa matigas na english at napapaos din na boses.

Sinubukan ko siyang lingunin sa aking likuran dahil maaga pa pala. Pagkatama ng mata ko sa kanya, nakaabang na siya. Nakagilid siya't sa akin nakaharap. Samantalang nakatalikod ako sa kanya. Nasa korte ng bewang ko ang kamay niya. Nang lingunin ko siya'y dumulas iyon papunta sa aking tiyan.