Uincode
၁၄၉၆။ တဏှာကြောင့်
____________________
အလုပ်ဆင်းချိန်မှာ စုန့်ရှီးဟန်က သူမရဲ့ပစ္စည်းတွေကိုယူကာ ကုမ္ပဏီကနေထွက်သွားသည်။ နဉ်ရှုလည်း သက်ပြင်းချကာထွက်သွားလိုက်သည်။ ကုမ္ပဏီမှာလူမရှိတော့တဲ့ညအထိစောင့်ပြီးမှ သူမပြန်လာမယ်။
နဉ်ရှု အပြင်ကိုခြေချလိုက်မိချိန်မှာ အိမ်မှာ အလောင်းတစ်လောင်းလိုမျိုးအနားယူကုသနေရမယ့်ရှဲ့ယိယွမ်က စုန့်ရှီးဟန်ကိုစကားပြောနေတာကို သူမတွေ့လိုက်ရသည်။
စုန့်ရှီးဟန်ရဲ့အမူအရာက စိတ်မရှည်ဖြစ်နေတာသိသာပေမယ့် ရှဲ့ယိယွမ်ကတော့ အတော်လေးပျော်နေပုံရသည်။
နဉ်ရှုက သူမမျက်ခွံပေါ်မှာ နွားမျက်ရည်သုတ်လိုက်ပြီး စုန့်ရှီးဟန်ဘေးနားမှာရပ်နေတဲ့ဖုန့်ယင်းကိုကြည့်လိုက်သည်။ သူ့ခန္ဓာကိုယ်က အနက်ရောင်အခိုးအငွေ့တွေနဲ့ဖုံးနေပြီး မျက်လုံးတွေက နီရဲနေကာ သူက ရှဲ့ယိယွမ်ကို ခပ်ဖွဖွပြုံးကာကြည့်နေသည်။
ဒါကိုမသိတဲ့ရှဲ့ယိယွမ်ကတော့ လက်ဆန့်ကာဖြင့် စုန့်ရှီးဟန်နဲ့လက်ချင်းဆွဲနှုတ်ဆက်ဖို့ကြိုးစားသည်။ သူက တို့ဖူးစားဖို့ အခွင့်အရေးယူချင်တာဖြစ်၏။
နဉ်ရှု : →_→
သူ အသက်ရှင်နေရတာကို အတော်ပင်ပန်းနေတာပဲ။ သူက သေတွင်းတူးစရာအသက်မကျန်တော့မချင်း သေတွင်းတူးတာကိုရပ်မှာမဟုတ်ဘူး။
သူ့ကိုကယ်ရတဲ့ဒုက္ခကို သူမ နောက်တစ်ခါမခံစားချင်တော့ဘူး။ သူသာ အဲ့ကိစ္စကိုထပ်ကြုံရရင် ကယ်ဖို့တောင်လိုမှာမဟုတ်ဘူး။ တစ်ခါတည်းပွဲပြီးသွားလိမ့်မယ်။
နဉ်ရှုက ရှဲ့ယိယွမ်ကိုအော်ခေါ်လိုက်သည်။
"ရှဲ့ယိယွမ်။"
ရှဲ့ယိယွမ်က သူ့လက်ကိုချက်ချင်းပြန်ရုတ်ကာ နဉ်ရှုကိုလှည့်ကြည့်သည်။
စုန့်ရှီးဟန်ကပါ နဉ်ရှုကိုလှည့်ကြည့်လာ၏။ သူမက နဉ်ရှုနဲ့ရှဲ့ယိယွမ်ကြားကဆက်ဆံရေးကိုခန့်မှန်းနေရင်း မျက်နှာက ဇဝေဇဝါဖြစ်နေသည်။
YOU ARE READING
Ghostly Romance(Realm-23)[Myanmar Translation]
AdventureName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Ghostly Romance (Realm-23) E-trans link...
![Ghostly Romance(Realm-23)[Myanmar Translation]](https://img.wattpad.com/cover/282393898-64-k591466.jpg)