[Unicode]ပြတင်းတံခါးကိုဖွင့်ကာ လိုက်ကာစကိုတွန်းဖယ်လိုက်လေတော့ နေရောင်ခြည်တန်းက ဆိုဖာပေါ်သို့ကျရောက်လာသည်။ကျေးငှက်ကလေးများ၏ သီဆိုတွန်ကျူးသံက နံနက်ခင်း၏အနှစ်သာရကို ပိုမိုပြည့်စုံစေသည်။
"ပါပါး Kitty လေးတွေ ထကြတော့လေ "
ဒီပါ သားနဲ့သမီး၏ နဖူးလေးတွေကို အသာယာနမ်းလိုက်ပြီးနှိုးလေတော့ ခြေကားယား လက်ကားယားဖြင့်အိပ်နေကြသောကလေးတွေက မျက်လုံးတွေကို အသာယာပွတ်ကာ ညည်းသံလေးတွေပင်ထွက်လာသည်။
"ဟင့် အိပ်ချင်သေးတယ်လို့ ပါပါးရဲ့ "
"အခုမထရင် ကျောင်းသွားဖို့နောက်ကျမယ်လေ နွေလေး ,ရှေးငယ်!သမီးလည်း ထတော့ "
"၅မိနစ် ပါပါး "
ရှေးငယ်က မျက်စိမဖွင့်ဘဲ လက်ငါးချောင်းထောင်ပြကာ နွေ့ကိုဖက်ပြီးပြန်အိပ်နေသည်။ပါးစပ်လေးကိုဟကာအိပ်မောကျနေပါသော ဒီပါ့ရဲ့Kitty လေးတွေဟာလေ တန်ဖိုးမဖြတ်နိုင်တဲ့ သူ့ရဲ့ရတနာလေးတွေပင်။
မောင်က သူ့ဘဝရဲ့ရှင်သန်ရာအကြောင်းပြချက်ဆို Kittyလေးတွေက သူ့ဘဝရဲ့အသက်ဆက်ဆေးဖြစ်သည်။
မထဘူးဆိုမှတော့ ပါပါးက နောက်ဆုံးလက်နက်ထုတ်သုံးရတော့မှာပေါ့။
"သျှားပေါက်လေးတွေ အခုမထရင် ပါပါးက cheese cake မကျွေးဘူးနော် "
ဒီပါ့အသံကို ကြားတာနဲ့ ပွင့်သွားသောမျက်လုံးဝိုင်းဝိုင်းလေးတွေ။လက်သေးသေးလေးတွေဖြင့် မျက်လုံးကိုပွတ်သပ်ပြီးနောက် ငုတ်တုတ်လေးတွေထထိုင်နေကြသည်။
"ပါပါးက သျှားပေါက်လေးတွေလို့ခေါ်ရင် နွေသိပ်သဘောကျတယ် "
"ရှေးငယ်လည်း ပါပါးဆီက သျှားပေါက်လေးလို့အခေါ်ခံရရင် ပျော်တယ် "
"ဘာလို့ဒီနာမ်စားလေးကိုအဲ့လောက်တောင်သဘောကျရတာလဲ "
"ပါပါးပြောဖူးတယ်လေ ရှေးငယ်တို့နာမည်မှာပါတဲ့ သျှားဆိုတာ ဒယ်ဒီ့နာမည်ကနေယူပေးထားတာဆို "
"ဒယ်ဒီနွေတို့နဲ့အတူမရှိလည်း ဒယ်ဒီ့နာမည်လေးကတော့နွေတို့နဲ့အတူရှိနေတာဘဲလေ "
YOU ARE READING
အတ္တတို့ခေါ်ဆောင်ရာ အချစ်ရပ်ဝန်းသို့(Complete)(Season-1)
RomanceSeason (1) BL M-preg အာဏာစက်သျှား×ဒီပါလွှမ်းခေတ် "မောင်က ဒုက္ခခံစားနေရချိန် ကိုယ်ကတော့သုခဘုံမှာစံမြန်းမနေချင်ဘူး မောင်ရယ်။ငရဲလားရင်တောင်အတူလိုက်ခဲ့မယ့်ကောင်မို့ မောင်ကမစိုးရိမ်လည်းဖြစ်တယ်"
