"Mukhang dalawa ang manliligaw ng kapatid ko ah." Sabi ni kuya pero hindi ko naintindihan ito kasi pabulong ang sabi niya at umalis na ang kotse ni Hikaru.
"Anong sinabi mo kuya?" Tanong ko sa kanya.
"Wala wala. Tara na pumasok." Sabi ni kuya at pumasok na kami sa bahay.
Nagulat naman si mama kasi biglang umuwi si kuya eh every Friday siya umuuwi galing dorm.
"Oh napauwi ka anak?" Tanong ni mama kay kuya.
"May naiwan kasi ako na gamit ma." Sabi niya at pumasok sa kwarto niya.
Naalala ko naman na may tinago ako na brownies na binake ko last time.
"Kuya?" Tawag ko sa kanya pagkatapos kumatok sa pinto ng kwarto niya.
"Ano?" Tanong niya pagkapasok ko ng kwarto.
"May binake ako na brownies at ito iyong tinago ko para sa iyo. Dalhin mo 'pag papasok ka na para may snack ka." Sabi ko.
"Salamat kapatid." Sabi niya.
Aalis na sana ako ng tinawag ako ni kuya.
"Celeste." Sabi niya.
"Bakit kuya?" Tanong ko.
"Nanliligaw ba sa iyo iyong Hikaru na iyon?" Diretsahang tanong niya. Umiling ako.
"Hindi kuya. Bakit mo naman naitanong iyan?" Sabi ko.
"Hinatid ka niya sa bahay natin katulad ni Dusk. Iba ang tingin ng lalaki sa babae kapag hinatid sila nito sa bahay nila." Sabi ni kuya.
"Ano ka ba kuya! Hinatid niya kasi ako kanina sa school kaya sabi niya ay siya na rin ang maghatid sa akin pauwi. Wala na akong magawa kaya pumayag na lang ako." Sabi ko.
Tumango naman si kuya. "Basta sabihin mo lang sa akin kung manliligaw ka na ha. Kikilatisin namin ni mama." Sabi niya. Napangiti naman ako.
"Salamat kuya!" Sabi ko sabay yakap kay kuya.
"Ano ba!" Sabi niya at tinaboy ako. Napasimangot naman ako.
Napadaan si mama sa kwarto ni kuya at nakita niya kami na yakap yakap ko si kuya.
"Parang ang tagal ko na nakita na ganyan kayo kalapit sa isa't isa." Saad ni mama.
"Dati rati magkahawak pa kayo ng kamay papasok sa school noong mga bata pa kayo pero noong tumanda na kayo, hindi ko na kayo masyadong nakikitang naglalambingan magkapatid." Sabi pa ni mama.
Napalayo naman si kuya sa akin pero hinug ko ulit siya. Natawa si mama sa amin.
"Oh siya maiwan ko na kayo dyan." Sabi ni mama at umalis na.
Umalis na rin ako pagkatapos.
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Kinabukasan ay maaga ang pasok ko kaya maaga akong gumising.
"Kapatid ihatid na kita sa school ninyo." Sabi ni kuya.
