ကင်မ်ဆောနူယုန်ဖြူလေး မျက်ရည်မကျဖို့ ကင်မ်ဆောနူ ရဲ့အမုန်းကို ဒီထပ်ပို မယူချင်တော့လို့ သေမင်းနဲ့တောင် ယှဥ်ပြိုင်ခဲ့ရမည်ဆိုလျှင်
............နီရှီမူရာနှလုံးသားဥပဒေ ................
ဆောနူ၏ လက်ကောက်ဝတ်တွင် ပတ်ထားသည့် အနက်ရောင်နာရီဝိုင်းလေးကို ကြည့်မိတော့ နာရီလက်တံတွေသည် ဆယ့်တစ်နာရီထိုးလုနီးနီး အခြေအနေကို ညွှန်ပြနေလေပြီ။
နီရှီမူရာသည် အခုထိ ရောက်မလာသေးပေ။ လွန်နေပြီမဟုတ်ပါလား။ ရှစ်နာရီကနေ ဆယ့်တစ််နာရီ ။ သုံးနာရီကြီးများတောင် နီရှီမူရာသည် ကင်မ်ဆောနူဆီ မလာဘဲ ဘယ်ကိုများ သွားနေပါလိမ့်။ ဘာလို့မလာရသေးတာလဲ။ လမ်းမှာများ တစ်ခုခုဖြစ်နေ၍လား.......
စိုးရိမ်စိတ်လေးတွေတော့ ဝင်လာ၏။ သဲကြီးမဲကြီးရွာသွန်းနေသော မိုး ။ ဆောနူ၏ စိတ်တွေသည် လေးလံသောသံတုံးကြီးတစ်ခုပိခံထားရသလို လေးလေးကြီးဖြစ်နေ၏ ။
အထဲမှာစောင့်နေရတာ စိတ်မရှည်တော့၍ ဆိုင်ပြင်ထွက်လာ၏ ။ ဖုန်းထပ်ခေါ်ရန် ဖုန်းကို ဖွင့်လိုက်၏ ။ ဖုန်းခေါ်ကြည့်တော့ စက်ပိတ်ထားပါသည်တဲ့။ ဒါကြီးကိုဘဲ ပြောနေတာ။ ဘာလို့ဖုန်းကို စက်ပိတ်ထားရပါလိမ့်။
" မင်း လာတော့လာမှာပါနော် ''
ခုနကထိရင်တွေခုန်နေတာ။ အခုတော့ ရင်လေးလာ၏ ။ မျှော်သူကြီးက ပေါ်မလာပေါ်မလာမို့ရင်တွေပါမောလာ၏ ။
" ဟာ မိုးကလည်း မတိတ်ဘူး ကျစ်''
မိုးက ပိုပိုပြီးများလာ၍ လမ်းမကိုတောင် ကောင်းကောင်းမမြင်ရသည်အထိ မိုးစက်တန်းကြီးတွေနှင့် ဝေဝါးမှုန်ရီလာ၏ ။
သို့ပေမယ့် မှုန်ဝါးဝါး အမြင်အာရုံထဲ ဝင်ရောက်လာသည့် သူတစ်ယောက်သည် ကင်မ်ဆောနူ၏ ရင်ခုန်သံတွေကို အတိုင်းအဆမဲ့ မြန်ဆန်စေ၏ ။
" နီရှီမူရာ ''
မိုးပေါက်ကြီးတွေကြား ထီးမပါဘဲ ခပ်ဖြေးဖြေးလာနေသည့် နီရှီမူရာ ။ ခပ်လှမ်းလှမ်းမှာမို့ မျက်နှာကိုတော့ သေချာစွာ မမြင်ရသေး။
" ဟာ ဒီကောင် မိုးထဲ ထီးလည်း မဆောင်းထားဘူး ဟူးး ''
ဆိုင်ထောင့်တွင် ထောင်ထားသည့် အသင့်ယူလာသည့် ထီးလေးကိုဆွဲကာ ဆောနူ နီရှီမူရာဆီပြေးလာခဲ့သည်
YOU ARE READING
နီရှီမူရာ နှလုံးသားဥပဒေ (complete)
Romanceနှလုံးသားတစ်စုံအတွက် နှလုံးသားတစ်စုံ ကင်ဆောနူကို ထိရင် နီရှီမူရာ နဲ့ ငြိမယ် " ငါ မင်းရဲ့ ဥပဒေ သားကောင်မဖြစ်ချင်ဘူး '' " မင်းမှာ ငြင်းဆန်ခွင့်ရှိလားး '' " ဟင့်အင်း'' Sunki Start date 15/10/2022 End date 27/11/2022