My very bad husband belong to me

18

unicode version

တိတ်ဆိတ်နေတဲ့မီးဖိုလေးအတွင်း ဟင်းနံ့သင်းသင်းက
ပျံ့လွင့်လာသည်။ မီးဖိုထဲတွင် ဟင်းချက်နေသော
ကောင်လေး၏ကျောပြင်သည် လှုပ်လီလှုပ်လဲ့။
ဟင်းချက်နေရင်းတစ်ခါတစ်ခါငေးငေးကိုငိုင်
ဖြစ်သွားပုံက စိတ်နဲ့လူနဲ့မကပ်ပုံပေါ်၏။

အတန်ကြာ ဟင်းချက်ပြီးသွားပုံရတဲ့ကောင်လေးက
ဂျိုင့်အဆင့်ဆင့်ထဲကို ဟင်းတွေထည့်ရင်း
ပါးချိုင့်သေးသေးလေးပေါ်သည်ထိ ပြုံးနေသည်။

ရိပေါ်ကအလုပ်လုပ်နေပြီမို့ ရှောင်းကျန့်ဒီနေ့တော့
ထမင်းသွားပို့ဖို့ပြင်နေသည်။
ရိပေါ်အကြိုက်ဟင်းတွေအစုံချက်ပြီး
ထမင်းသွားပို့ရင်း သူပါတစ်ခါတည်းစားမည်ဟု
တွေးထားသည်။ စိ​တ်ထဲဘယ်လိုဘဲရှုပ်ထွေးနေပါစေ
ရိပေါ်ကသူ့ကိုချစ်သည် သူ့လည်းရိပေါ်ကိုချစ်တာမို့
တစ်ခြားအရာတွေခေါင်းထဲမထည့်တော့ပါ။

တစ်မနက်လုံးမီးဖိုထဲဝင်ထားရတာမို့ ရှောင်းကျန့်
တစ်ကိုယ်လုံး ဟင်းနံ့တွေစွဲညိနေသည်။
နေ့လည်စာစားချိန်နီးပြီမို့ ရေချိုးမနေတော့ဘဲ
ခြေလက်ဆေးပြီး အဝတ်စားလဲလိုက်သည်။
နေ့လည်ခင်းမို့ အေးတဲ့shirtအပြာအပါးလေးကို
အောက်က short pant ဒူးလောက်ကလေးနဲ့
တွဲဝတ်လိုက်သည်။ မျက်နှာပြောင်နဲ့မသွားချင်တာမို့
ကုန်ခါနီးO-Layထုတ်ထဲက နို့ရည်အနည်းငယ်ယူပြီး
လိမ်းကျံလိုက်သည်။ ထို့နောက် ဆံပင်တွေကို
သပ်ရပ်အောင်သေချာဖီးသင်လိုက်ပြီး မှန်ထဲမှာမြင်နေရတဲ့
အနည်းငယ်နွမ်းနေတဲ့မျက်နှာလေးကို အပြုံးတစ်ခုပြုံးပြီး
ဖုံးလိုက်သည်။

အကုန်ပြင်ဆင်ပြီးတဲ့အခါမှာတော့ ထမင်းချိုင့်လေးကို
ဆွဲရင်းရိပေါ်အလုပ်လုပ်တဲ့ဆိုင်ကယ်ပြင်ဆိုင်လေးသို့
တက်ကြွနေတဲ့ခြေလှမ်းတွေနဲ့ လျှောက်လာခဲ့သည်။
သွားနေရင်းလက်ကနာရီကိုတစ်ချက်ကြည့်လိုက်တော့
12နာရီထိုးတော့မှာမို့ ခြေလှမ်းတွေကိုအရှိန်တင်ပြီး
ခပ်သွက်သွက်လေးသွားလိုက်သည်။

ဆိုင်ကယ်ပြင်ဆိုင်ရောက်တော့ ဗန်ဒါပင်နဲ့ကွယ်ပြီး
ထိုင်နေတဲ့ရိပေါ်ကိုမြင်သည်မို့ ရှောင်းကျန့်ပြုံးလိုက်သည်။
အိင်္ကျီလေးကိုသပ်သပ်ရပ်ရပ်ဖြစ်အောင်ပြင်လိုက်ပြီး
ထမင်းချိုင့်လေးဆွဲကာ တက်ကြွတဲ့ခြေလှမ်းတွေနဲ့
လျှောက်လာခဲ့သည်။သို့ပေမဲ့ အနားရောက်လေ
ရှောင်းကျန့်ခြေလှမ်းတွေနှေးသွားလေဖြစ်ပြီး
လက်ထဲကထမင်းချိုင့်လေးတောင် တစ်စက်စက်တုန်
ချင်နေသည်။