جنون نوح ♡بالدارجة مكتملة♡

الجزء 9

◇جنون نوح◇
بارت 41

زادو عند البنات قالو سلام من البعيد كا نو تماك اربعة ديال البنات زعمة كا يسقيو وهما غير عاينيهم في ولاد دوار ادا داز من حدا العنصر ولا الواد لي دابا صيف ناشف من الماء يبقاو يتحالونو ويديرو ضحكة ديال شيخات كا يجيو في العصر وما كيمشيو حتى للمغرب
• الماس: شحال وهما جالسين كا يساينهم يحيدو من باب العنصر لي مبني بالحجر وتراب وعندهم مصبوغ بالابيض عياو هيا واميمة صابرين وكا يقولو دابا يحايدو ويخاليونا نسقيو
• اما دوك البنات كا يطلعوهم من البنة صغيرة ويشوفو في الماس ب البغض والحقد والحسد و يوشوشو فودنين بعض
• اميمة 😞 بسخط) شعندك ابنت القردة كا تشوف فينا بحالة قتلنا ليك باباك
• الماس : اوعدي ا اميمة اسكت حشومة تقول ليها هكداك( تيك البنت ماماها كا يقولو ليها القردة 😂)
• بنت القردة: بزااااف عليك انا ماما بنت الاصل قالك القردة القردة دبصح
• اميمة 😞 جمعات يدين البيجامة لي لبسة ونااضت واقفة وقربت حتى لوجه بنت القردة وقالت)
• اميمة : هااااهاااا بزااااف على يماك انا وردة مسقية ونتي خرية مطلية وادا كنتو نتوما بنات الحيونات حنى بنات الاصل ياك نتي بنت القردة ونتي( شيرات بيديها لواحد البنت اخرة كانت كا ضحك وتفرنس وتهبط وطلع في الماس بحال الفعة) ونتي بنت الكيدارة 😒 ونتي ( شيرات لواحدة اخرة لي كانت غير جالسة معهم وكضحك ) ونتي بنت الحمارة تجماعتو هنا غير الحيوانات
• بنت القردة :(شافت في الماس وقالت ) وافتخر بعدا بنت القردة عاارفة اصلي من فصلي ماشي بحال بنت الحرام د صاحبتك
• الماس : غير سمعاتها اش قالت وهما يهبطو دموع كا يسرسبو بحال الالماس
• اميمة : هاااا فالعينين ديماك الحمارة يا القح**ة ما باقي للقاح*ة ديماكم غير طلقو رجليكم فهد العنصر بزاااف عليك صاحبتي
• بنت الحمارة : عندك نتغالطو ليك مع يماها د الماس يحزاب ليك غير هيا فتحت رجليها حتى حنى بحالها
• اميمة:( بدون شعور منها نقزات على تيك البنت ودفعاتها حتى جابتها مخشية داخل العنصر وشدات تيك بنت القردة ونتفت يمها مزين ) بزاااف على اصل طواسلك الحيوانية تجبدي على فمك بنات الاصل اتريكة الاربعمية مكمشة بزاااف عليك الخرية اليابسة ... شدات البنت وحيدات ليها داك زيف وعضاتها من ودنيها
• اميمة : اععععععععععععععععععععععع
• بنت القردة : واااااهئ ويماااااا هئ اطلق الهماجية اطلق هااااائئ وبا واجيو اولد الكلبة فكوني اجيو هاااااائ وعععع
• جات الماس ل اميمة وفاكتها من البنت اما هادوك غير جبدو صاحبتهم من العنصر لا تغرق و هربو وسمحو فبنت القردة تحت يدين اميمة لي لا وما كانتش الماس كون قطعات ليها ودنها بسنانها
• الماس: واش حما قيتي شوف شني عملتي للعايلة دناس
• اميمة : د ستهل الكلبة هيا لي ما كتعرافشي تشد داك دقم
• الماس : ( بحصرة ودموع فعاينيها) هئ صافي ا اميمة انا هئ و هئ و لات عندي عادي نسمع بلي انا بنت الحرام هئ هئ راه ما كدبوش ولكن كا تبقى فيا غير يم هئ يما هئ هئ الحبيبة لي ما دارت لا بيديها ولا برجليها هئ هئ
• اميمة 😞 بقات فيها الماس عارفها هزة فقلبها بزاف بنت الحرام ولات ديما كا تسمعها ) هئ هئ الله يعطيهم مصيبة انتي بنت الحلال والاصل ها هما عندهم الوالدين ديالهم والله ما عندهم بحال قلبك هما ولاد الحرام المخيرة فيهم كا تعطي طرمتها يلعبو فيها شماايت
• الماس : هههههه هئ هئ ما عرفت واش نبكي ولا نضحك
• اميمة : لا بغيتك تضحك
• الماس : ههههه زيد نمشيو بحالنا بناقص من شي ماء
• عمرات اميمة الماء وشادو طريق دار اميمة والماس قراب على بعضياتهم
• دخلو الماء لدار ونزلهم فالكوزينة
• وتوادعو حتى نغدا ويشوفو بعضياتهم
• الماس سقات الماء
• دخلات صوبات القهوة على البوطا طيب و دارت البغرير كا طيبو
• رحمة:(دخلات وشافت في الماس بنص عين)
• ديري العشاء معاك وديريه بزايد هد العشية غا يجي خالك عدنان و الكبدة ديالي امين
• الماس : بصح امرات حبيبي( مرات حبيبي هيا مرات خالي )
• رحمة : اه وخفف يديك من الملحة
• الماس : واخا
• طيبات البغرير و دارت الفروج البلدي لي دبحو خالها عبد رزاق ريشاتو ونقاتو وقطعاتو ودارتو فطنجرة يطيب هو وتشرميلة ديالو
• وشدات عليه فطنجرة ودارتو على البوطا يطيب
• دارت صينية فيها الكيسان وزيت بلدية وزيتون والعسيلة بلدية وزبدة بلدية والبغرير لي طيبات حطات كولشي على طابلة فوسط دار لي حالتو حالة مسكين واخا نقي وريحت صابون وجافيل عاطية منو الا نفس الاثاث باقي قدام وتكشف ب تصبين وحتى سدادر هبطو
• غير حطات الكاسكروط دخلات للكوزينة تجيب الخبز وهيا تسمع رحمة كا تفتح الباب وسمعات صوت امين كا يسلم على ميمتو
• وحتى صوت خالها عدنان
• امين : كيف حالك اعزيزة
• الجدة : الحمد لله ونتينا كيف ماشي مع القراية
• امين : الحمد لله
• عدنان : جالس على سداري ومدرع ميمتو عاندو وكا يبوس على راسها وعاينيه كا يضورو فدار ) تواحشتك الواليدة وتواحشت حتى الفنكوشة د الماس فايني هيا غابرة
• الحدة: وطولتي الغيبة بزاف هد المراة عااام على قادو ما رجاعتي