جنون نوح ♡بالدارجة مكتملة♡

الجزء 103

◇جنون نوح◇
بارت 521

عمران : كل نهار كانشلل يدي منك ونتأكد بلي نتا راك بصح زاام*
بلال : واش نتا اصاحبي كاتدوي من نيتك ولا غااسير تخراا علينا
عمران (شاف ف بلال) : ... هادا راه حياتو مبنية غير على الطبو* والطرمة والبزازل جنس حواء غاايسطيه
امين : إوى اتبي تتعافى المرأة بالنسيان ويتعافى الرجل بالنسوان
يالله غاادي يهضر عمران وهو يجي سيرفور جايب ليهم الفطور حط ليهم الفطور وكااع لي بغااو ومشا
امين (شاف ف كابوتشينو لي طلب) : ... دابا هادا كابوتشينو ولا كافي كريم
عمران : قول بسم لله وشرب لا بغيتي كابوتشينو سير لطاليان وشربها
بلال : غزا فيك نتا لي باغي طير
امين (عض شفايفو وهو كايشوف ف داك الكابيتشينو) : ... ابفووو على بلاد
سكتو من الكلام ودخلو فداك الفطور طول وعرض وهوما هكاك كاياكلو حتى كايسمعو صوت أنثاوي من ورا امين
البنت (بتحلوين) : ...امين
امين (شاف فدراري وهو فمو عاامر بالكريب وشكلاط) : ... شفتو هااد كابوتشينو وااعر شربت منو غا كااس حتى سمعت صوت تيتيز فودني نزيد شي كااس نشوفها قدامي
عمران وبلال شاافو ف البنت لي واقفة من ورا امين الشعر زعر والحجبان كحلين دايرة نضاضر كحلين ديال الشمس واخا ماكينة شمس دايرة ليباك وفمها منفوخ وزوين فصلتها زوينة الكرش ماكيناش والطرمة خاارجة ولكن غليضة شوية وسمرة كانت لابسة سروال ديال دجين مطرطق فيها و واحد التريكو ب القب طالع على صرتها مغااطي غاا صدرها صافي وشعرها مطلوق ودايرة ماكياج خفيف ....
بلال (قرب لودن عمران) : ... شكون هاد الخيلوطة
عمران : قالت امين ادا واحدة من الخيلوطات ديالو
البنت (شافت امين ماضرش جهتها وكايشوف ف الدراري ومطلع حاجبو وهيا تعااود تنادي بسميتو وحطات يديها على كتفو وقالت بتحلووين) : ... ااامووونة
امين غير سمعها قالت اااموونة حل فمو فدراري لي كايقولوليه بعااينيهم ضور وشوف من وراك وهو يضور غير شااف شكون وهو يخرج عااينيه ونااض وااقف
امين : ... اا احلام
احلام (قربات ليه و شداتو من كتفوو وبااستو من حنكو) : ...اموونة هههه تواحشتلك
امين (شااف فيها وضحك وهو يقرب ليها وباسها قدام الدراري من حنكها) : ... زين فين هااد الغوايب
احلام : ونتاا عاارف كنت فشمال ودابا جيت هنا عند شي عاائلة وبصدفة شفتك
امين (زاد قرب ليها وعاود باسها من حنكها وهيا حالة فمها كي البقرة عاندها عاادي) : ... احسن مادرتي ازين احم(شاف فدراري) نعرفك على خوتي هادا عمران وهادا بلال
احلام مدات يديها تسلم على عمران
عمران (خلاها بلاكة وقال بضحكة صفرة) : ... مراتي مانعة عليا السلام

احلام حسات ب الاحراج وهيا تمد يديها ل بلال
بلال (هز يديه لي فيها الخااتم قدام عااينيها) : ... غا البارح كانت عاندي الخطبة وشرط من شروطها مايجي يدي فيد شي قح احم بغيت نقول بنت
احلام (تحرجات ديال بصح وشافت ف امين) : ... مال صحابك مارضينش يسلمو عليا
امين (هز صبع يديه) : ... واحد الدقيقة ازين
مشا عند بلال وعمران وقال بشوية
امين : ... خووكم مزلووط وهااد القح*ة شحال وانا بااغي نحويها وماكنتش معبراني ودابا ملي بقات كاتشوف فسطوريات ديالي طنوبيلات غا الفريع والفيلة والقهاوي المهيم غا الكلاس ولات كاضور بيا وغير قولت ليها راني ف ربااط مع خويا لي خاانز فلوس جاات كااطير
عمران (طلع فيه حااجبو) : .. وحنا مالنا
امين : العااار الاخوان غااا هاادي خالينا حتى نكويو وهاديك الساعة لي بغيتوها ديالكم
بلال : واش نتا مزال ماتبتي واش مزال ماكرهتي الكوا رااه نوح سلخ اصلك
امين : رااه اتبي مسحرين ليا على الحوا ماكيتكرهش ليا وبغيت نعيش شبابي ...
عمران : دير اش عجبك انااا مبري منك مااسوقيش فيك
بلال : حتى انا ماسوقيش فيك
امين (غمزهم وضار شااف ف هاديك لي طايحة كاتغمز صحبتها) : ... احم جلسي معانا
احلام (شاافت ف بلال وعمران) : ... وصحابك
عمران طلع حااجبو فيها
امين : هاادو خوتي ماشي صحابي ورااه عاادي حسبيهم ماكينينش
احلام (جلسات وشاافت ف امين كاتحالون) : ... احم إوى ا امين تيسر عليك الحال كانشوفك ف طنوبيلات غا الفريع
امين (هز سوارت ديال اللوطو ديال عمران وحتى تليفونو ديال الايفون اخير ماكين) : ... وي ضاروري الحمد لله
احلام : ومن اين لك هادا ياك كنتي مزلووط
امين (كايتحلف عليها فنفسو) : ... وراه العائلة ديالي الاولة كانت غا مربيني راه ماشي عائلتي الحقيقية حتى جاا واحد خويا ملعق فلووس ماكينش معانا دابا حتى هو سمر بحالي كانتشابهو انا ويااه قلب عليا وجابني عااندهم اوى طلعت من عائلة برجوازية وداكشي
احلام (ضرباتو على كتافو) : ... هااااي هااي على العاازي ههه
امين (شااف فيها نيشاان وعاوط جلستو) : ... احلام غاانجيك نيشان
احلام (تعوطات فجلستها وقالت بتحلوين) : ... اممم شنوو
امين : عاارفني اش بااغي منك وانا عاارف اش بااغية فا بلى مانضيعو الوقت ديال بعضياتنا
احلام (عضات شفايفها وشاافت ف بلال وعمران لي كايشوفو فيهم ورجعات شافت ف امين) : ... نتااا بااغي الح*وا واناا باغة للعاقة
امين (غمزها) : ... جااتك
احلام : ولكن بشرط
امين : شنو هاد شرط
احلام : تاخودني ضويرة ف هاديك الفيراري ديالك الحمرة
امين (شااف من الزاج ديال القهوة فين جالسين وشير ليها بيديه ليها كانت طنوبيلت عمران) : ... واش هاديك
احلام (حيدات نضاضر من عاينيها و شافت لفين نعت ليها وهيا يخرجو ليها القلوبة من عااينيها) : ... اه هاديك
بلال (بطنز) : ... هاديك ماشي فيراري هاديك pourche 911 turbo
احلام (بإحراج) : .. اه وي داكشي لي بغيت نقول غاانسيت سميتها ههه
بلال (بطنز) : .. غاضحكت راه بصح فيراري
عمران : 😂😂😂
امين (بغا يسخف بضحك) : ... ههههه