جنون نوح ♡بالدارجة مكتملة♡

الجزء 12

◇جنون نوح◇
بارت 56

نوح جن جنوني ملي عرف الحاج غير كدب عليه
كان شك في الاول بلي غير كا يكدب عليه حيت الحاج شحال وهو يرغب فنوح يجي باغيه يشري منو الحشيش لي ثمانها نقص لي نوح ولا هو بيديه كا يشريها لراسو ويبيعها ياعني ما بقاش غير كا يهرب الحشيش العكس ولا هو لي كا يشري الاطنان ديال الحشيش وكا يهربها غير الراسو مابقى كا يهرب الحد واخا يدفعو ليه فلوس كبيرة ما يبغيش جرب الحبس وجرب الفراق على ميمتو لي جاتها كريز في القلب ملي تشد نوح ومشاو البوليس حتى لدار لي ف المغرب كا يقالبوها
عليها علاش خرج من الحبس تفاهم مع ناس لي كا يخدمو مجموعين بلي ما باقيش غا يهرب ليهم لا حشيش لا سلاح لا والو لي طاح عليهم هد الخبار بحال صاعقة راه نوح هو النمس بالنسبة ليهم ما يمكنش يخدمو ولا يهربو شيحاجة ادا مكانش هو ... شحال من خدمة طلعات بفضلهم وخصوصا وحد شخص لي ما كيتسرطش ليه نوح لي هو مول الشي لي ما تقبلش نوح ما يهربش ليهم الحشيش.....(اكيد تلفتو دابا نوح ما بقاش غا يهرب الحشيش ولا سلاح للمافية لي خدام معهم غادي يبقى معهم فنفس ضومين ولكن على طاريقتو هو ياعني ملي غايبغي يمشي يجيب الحشيش غا يمشي يشريها هو بثمن لي بغى هو يعني نوح ولا باغي هو لي يبيع ليهم الحشيش ويشريوها من عاندو بثمن لي بغى هو وما يتحكم فيه حد وادا دخل للحبس المرة الثانية ما يبقاش فيه الحال حيت هو لي بغى ما شي هما لي بغاو والمافية بغاتو يبقى تحت المسؤولية ديالهم وهو داكشي لي ما كايحملش غير لي يتحكم فيه وحتى المافية هو عاارف بزااف ديال الحوايج والعمليات تهريب كولشي داز على يديه واخا شي حوايج ماكنش هو كا يهربهم بحال الكوكايين و اطنان الاسلحة الثقيلة ونساء الدعارة الى هو لي كان كا يعطيهم المخطط وكيفاش يديرو ومنين يمشيو على داكشي هو كان كا يحس براسو كا يزيد يغرق معهم كثر من الاول على داكشي فضل يقتلهم بالقرار لي خدا لي تيك القرار يمكن يداخلوه ف مشاكل كبار.....)
الحاج:
توجه نحو الحاجة.... خصنا دابا نشدو الطريق لتيطوان برحاش نركبو فطيارة لي غادي يرسلها لينا من تيطوان للرباط
الحاجة: تناهدة وشافت في بنتها... ياربي يصبرني على فرقها ويصبرها حتى هيا
الحاج : يكون خير
الحاج نسى قاضية انه كدب على نوح ما بقاتش ليه على البال
... نتوما اكيد كا تقولو كيفاش الحاج كا يدير الخاطر لنوح شيحاجة طبيعة لو مكانش نوح لي كا يشري منو الحشيش ديالو والفلاحة ديالو كون ما كيدخل حتى سنتيم نوح لي ولا هو راس المال ديال كثامة هو لي مسيطر على المنطقة واخا مقوتاش ما دخل لكثامة تقريبا 5 سنين واكثر كايجمع ليه الحاج الاطنان ديال الحشيش وكا يخدموها ويرجعوها طريفات صغار هكداك كا تجي ساهلة للتهريب لي يمكن اي واحد يقدار يهربها ولكن باش تهز 100طون واكثر خاص يكون سميتك نووح بنداري

مشات الحاجة عند الماس فيقاتها بشوية
الحاجة: الماس ا الماس
الماس حلت عاينيها الحمرين بدموع وشافت فجداتها
الحاجة : حطات يديها على خدها.... سمحلي ابنتي تينا كبدة ديالي سمحلي
الماس : شافت فيها ودموعها على خدها وبزز باش كا تهضر شهقة غالبة عليها ... هئ ع هئ علاش