جنون نوح ♡بالدارجة مكتملة♡

الجزء 29

◇جنون نوح◇
بارت 141

توسكا: برا الكوخ مغزز على سنانيه.... اععععععع هاااو هااو
( كاتكونو كاتقرو حتى كاتلقاو راسكم كاتنبحو سموحاات 😅)
نوح: عقد 11 فجبهتو وسااط مغدد... ببفف هدا مسمار وطرقناه ...
خلى توسكا كااينبح ومشى يشرب قهوتو على خااطر خااطرو وما تعرفش فاش كايفكر حتى لواحد دقيقة وهو يطيح عماد فبالو ودار إبتسامات إستهزاء...
نوح: حك دقنو مغدد... زااامل لي حطو دهن راسو بلعسل وخشاه في غار النمل ....
بقى هكاك جالس حتى شاف باب بيتو تفتح والماس خاارجة منو ولبسات طربوش ديالو على راسها وشعرها طويل ما كيبانش خشااتو تحت تريكو...
الماس : شاافتو وقربات عااندو بحشمة ... ك كيف بقيتي
نوح: حط يديه كايدلك راسو وشااف فيها... بخير ونتي
الماس : بخير... دورات عاينيها فأرجاء الكوخ... ف فاينوا بوسكا
نوح: حك جبهتو بيديه... سميتو توسكا
الماس : هزات كتفها ب برائة.. انا كانعيطلو بوسكا وهو كايجي عااندي
نوح: ... قولي نتي لضسارتيه
الماس : هااا
نوح : لبسي شيحاجة ديالي سخونة وكولي شيحاجة غا نخرجو
الماس : ف فاين غا نخرجو واش غانمشيو عند عزيزا
نوح: طلع حاجبو فيه: سربي
الماس : وااخا ولكن فاينوا توسكا نعطيه يفطر
نوح: تؤ غاسيري انا نعطيه

◇جنون نوح◇
بارت 142

الماس : ما عوداتش معه الهضرة اصلا الليل كلو وهيا كاتستنى غير فوقتاش يجي صباح باش تمشي عند جداتها واميمة دخلات الكوزينة سخنات الحليب ودارت فيه الخبز من ديما كاتعجبها هد الاكلى حيت ملي كانت صغيرة كانت كا تستنى غير فوقتاش عزيزاها تحلب البقيرة وتعطيها الحليب تسخنو ودير فيه الخبز وتااكلو وحتى منين كبرات هاادي اكثر اكلى عزيزا عليها وكاتعجبها...
فطرات بزربة ونوح ملي كانت هيا كاتفطر هو كان دخل للبيت ... لبس عليه سروال دجين وبودي دصوف فوق منو جيلي وصباط اسواد سراح شعرو اللور و دار ريحتو ومسح على لحيتو بيديه وخرج لقها دااخلة للبيت
نوح: مااتعاطليش...
قال ليها هكداك وخرج وخلى الماس مدوخة بريحتو لي دخلات ليها مع جيوب نيفها وداايبة ف رجولتو غير خرج وسرطاح الباب من وراه عاد توكضات
الماس : ضربات راسها بيديها... اوااعدي العاايلة اعمل عقليك....
دخلات للبيت بقات لابسة نفس حواايجو غير لبسات عليها كبوط ديالو من الفوق وزادت خشاات طربوش فراسها وشاافت فرجليها لي ما عندهاش السبااط
الماس : احححاا وشني عاانمشي معه بلى سبااط ولا اووف
... توجهاات لسبابطو وخدات صباط ديالو طاالع شوية فالاسواد لبسات تقاشرو ولبسات صباطو جها بحال تراكتور فرجليها ...
الماس : وقفات حدا المراية وشاافت فراسها... ايما على حالة
شافت فراسها وفتحات الباب وخرجات من ورا نووح لي وااقف حدا طنوبيلتو كايستنها غير خرجات شاافها مااعرف اش يقول تريكو فجيه والكبوط فجيه وسروال فجيه وصباط جاوها كباار راه غير هو كاايلبس 41فرجليه وهيا 36 المهيم المنظر ديالها كاايضحك
نوح: بقى شحال كاايشوف فيها هيا لي شدة فيديها وكانفركهم بتوتر...