جنون نوح ♡بالدارجة مكتملة♡

الجزء 87

◇جنون نوح◇
بارت 441

اميمة (بفرحة) : ... بصح
الماس : والله
اميمة كانت لابسة قفطان ف الابيض ومطروز ب المدهب وشال ف لون القفطان دايرة ماكياج خفيف شوية ومع هيا سمرة جا معها لون القفطان كاايهبل جاها زوين ودايرة فوق راسها تااج كانت باغة تحيد الفولار ولكن رحيمو حلفات فيها ماتحايدو ودارت بنااقص وضد فرحيمو لبسات تااج فوق شال واخا هكاك جاها زوين
غفران (شافت ف الماس) : ... شوف هاد القفاطن وصات عليهم خالتو امينة قالت لينا لبسو منهم لي عجبنا وانا مابغيتشي نختار حتا تختار تينا اختي الماس
الماس (شافت ف القفاطن لي معلقين) : ... لا كبدة غير لبس لي عجبك انا نوح قال هوا لي غايجيب لي شني نلبس ...
وهيا كاتهضر حتى دخلات عائشة
عائشة (شافت ف اميمة) : ... مشاء الله ابنتي جيتي كاتفتن
اميمة : ههه شكرا اخالتو
عائشة (شافت ف الماس) : ... بنتي نوح صايفط ليك شي سخرة انا حطيتها ليك فبيتك
الماس (بفرحة) : .. واخا انا غانمشي دابا
اميمة : امشي لبس واجي عندنا نهبطو
الماس (رخات شفيفاتها) : ... والو مانقدرشي قالي ماكينشي الهبوط الى ماجيتشي انا ندار
اميمة (عقداة حجبنها) : ...بفف انا هاد راجل عندك مابقيتشي كانفهمو
الماس (ضحكات) : ... ههه حتى نفهمو انا لي مرااتو ههه
غير قالت ليهم هكاك خرجات تجه بيتها غير دخلات البيتها شافت جهت الفراش وهيا تفتح عوينتها بجهد فواحد البواطة ف الاحمار كبيرة على الفراش مشات ليها كاتجري فتحات البواطة باغة تشوف اش فيها غير فتحتها وهيا تشوف اش فيها كانت فيها واحد الكسوة زوينة غير شافتها وسعات عوينتها فيها بفرحة
الماس : .... ههههه اوااعدي هادي ديالي
كانت كسيوا ف الشيبي ماشي بيضاء ولكن لونها ف الزرق فاتح بحال لون فستان سندريلا (الصورة) وكان معها حتى شالها ف الابيض وصباط ف لون الكسوا عندها طالون حاني شوية ماشي عالية بزاف كولشي عجبها بقات كااتشوف فهاديك الكسوة لي خرجتها من هاديك البواطة و وقفتها قدمها كاتشوف فيها بفرحة حطتها على الفراش وبقات كادوز عليها يديها حمقتها ...
وهي هكاك حتا شافت فواحد البواطة صغيرة داخل هاديك اللعلبة كان لونها حمرر حتا هيا هزتها وفتحتها غير فتحتها وهيا تخرج عااينيها كانت عاامرة ب العكر و ب الالوان بقاات كاتشوف فيهم شافت واحد الوريقة صغيرة محطوطة مكتوب فيها شيحاجة هزاتها وقراتها
كان مكتوب فيها
💬... قولي بسم الله وكولي ...

بقات كاتشوف ب إستغراب مرة تشوف ف الورقة مرة تشوف فهاديك البواطة لي عاامرة ب العكر والالوان بقات كاتشوف فيهم بإستغراب ... ومع ريوقها سالو على العكر من صبااح وهيا باغة تااكلو دابا ملي شاافتو وهوا لي جابو مافكراتش زوج مرات هزات واحد بين يديها جاها فشكل رطب و تلسق ليها فيديها شمت فيه بنيفها غا ريحت شكلاط والحلوة بلى هواها خشااتو في فمها غير خشااتو وهيا تخرج عااينيها
الماس (بصدمة) : ... اوااعدي ههه هدا الحلوة ماشي العكار ههه
مضغات منو كاتتأكد غير شكلاط في فمها كايدوب ومدااقو وااعر كاايحماق بغاات تتسطى كلاتو كلو عرفات هاد العكار كلو غير شكلاط وكل عكر فون ومداقو فشكل ثااني ضربات زوج فدقة كلاتهم وهيا كاتشوف فكااع داكشي لي جااب ليها
الماس : ... هههههه
وهيا هكاك حتا صنا تليفونها هزاتو من على الفراش وهيا غير شافت سميتو ضحكات بلى هواها وجاوباتو
الماس : ... ههه الو
نوح (حس بفرحتها غير من هاديك ضحكة لي دارت) : ... عجبوك
الماس هزات براسها اه بحالة الهبيلة كايشوفها
نوح (عاود سولها) : ... دوي
الماس : ا ااه مزيونين شكرا بزااف
نوح (مسح على راسو لي كايتشقق عليه ب الحريق لي بداه) : ... لبسي عليك وجلسي فبيتك حتى نجي والى قدرتي قلبي ليا حوايجي
الماس : واخا شني نقلب ليك
نوح (تزير عليه الحريق) : ... على دوقك
الماس : واخا
غير قالت ليه هكاك قطع عليها وبقا كايتلوى فطنوبيلتو من الحريق واقف بطنوبيلتو غير حدا الفيلة مابعيدش اصلا مابغاش يخلعها كيف ديما ويعيشها فرعب حتى هااد العشية بااغيها دوز هاد العشية مزيانة وتبقا على رحتها ... كان باغي يمشي لطبيب ولكن مابقاش ليه الوقت نهاار وهو وطوني كايبحثو على عدنان لي ماعرفوه فين هرب ولا تخبا قول الارض تشقات وبلعااتو ولي هاد الاختفاء ديالو ما مريحش نوح نهائيا ....
الماس يالله بغات تسولو اش قال ليه طبيب وهوا يقطع عليها ... حطات تليفون من يديها وخلات كولشي هكاك ودخلات للدوش باغة تغسل حالتها غير دخلات مادوشاتش حيدات من عليها بجامتها وطلقات شعرها سرحاتو على طولو ومشطاتو وعودات جمعااتو غسلات سنانها وجهها ويديها ورجليها المهيم غير طرفات حالتها خرجات من الدوش تجه دريسنك جبدات ملابس داخلية من غير ستيان لبسات عليها الملابس الداخلية داخل دريسنك عاد خرجات لابسة عليها غا شورط قصير فوق الفخاد صوفيطما صماطي فلون الابيض ... شافت فهايدك الكسوة لي على الفراش تحنات ليها وهزتها لبستها عليها جاتها هيا هاديك مع فصالتها شاافت فراسها وبقات كاضور بيها مع منفوخة من التحت جاتها كاتحمق غير لبستها تجهت للمراية وشاافت ف مكياجها بقات شحال كاتحنزز فيه اش غادير و واش ماغديرش حتى سمعات الباب دق قالت شكون وجوبتها غفران ...
الماس : دخول
دخلات غفران وشافت ف الماس
غفران : ... وااايلي على تيتيزة
الماس (شافت فيها قريبة تبكي) : ... ماكنعرافشي نعدل المكياج
غفران (ضحكات) : ... لهلى يحاوجك احبيبتي انا نصايبو ليك ...
نقزات عندها غفران كاطير ... غفران كانت لابسة قفطان ف الغوز بيبي و شال ف لون القفطان وصنيدلة ف الدهبي بحال الحزام ودايرة ماكياج خفيف جات زوينة
جات عند الماس لي رجعات قبلتها دارت ليها فندوتا وصوبات ليها مسكارة وطلعات ليها شفارها وداخل عااينيها دارت ليها قلم ف الابيض وزادت عليه الكحل وعكراات ليها بعكر حمرر مااصوباتش ليها بزااف وجات زوينة جابت ليها شالها غااتصوبو ليها دارتو ليها بحال ديال تواركة جاها زوين صوبات ليها كولشي واخير لمسة هيا ريحتها رشتها ليها جاات كاتحمق ...غفران بقات غا كاتشوف فيها
الماس شاافت ف المراية وهيا تخرج عااينيها
الماس (بفرحة) : ... ههههه هاادي انا
غفران (حطات هاديك ريحة من يديها وخرجات كاتعنز قريبة تبكي) : ... هئ ماانعرف انا ماما علاش كانت كاتتوحم علاش مازويناش بحالك هننن
الماس (بقات غاكتشوف فيها شافتها خرجات كا تعنز وتضرب رجليها مع الارض) : ... ش شعندها هادي