جنون نوح ♡بالدارجة مكتملة♡

الجزء 106

◇جنون نوح◇
بارت 536

توسكا غير عطاه نوح بداك الروس بحالة دخل ليه مع العظام جلس ف الارض وحط راسو على ربيع ومخرج لسانو كاايتنفس وهو كاينين بصوت خفيف وعااينيه ف البالكو لي الماس مابقاتش فيه دخلات
نوح غزز سنانو ونااض واقف فتح الباب ديال دويرة ديالو لي حتى هيا ديال الزاج كاتبين كولشي ياعني توسكا يقدر يشوف الداخل والخارج من الفيلة وعااينيه غاتكون على صغيرة والكبيرة وحتى انهم دايرين ليه بحال مكبر الصوت ف دارو غير ينبح صوت ديال نبحتو كاتمشي ف الڤيلة كلها .... غير فتح الباب خرج واحد سنسلة ديالو طويلة ودارها ليه فعنقو وخلاه هكاك نااعس وكاينين بصوت خاافت عرف رااسو قلب ليه راسو بداك الروس غير ربطو زاد دخل لداخل ومشى دريكت للدوش لي لي كاين التحت دخل ليه وشااف فيديه لي فيها الدم فضهار يديه ماقصحوش بزاف غاا نيابو لي شااحطوه حط يديه تحت روبيني ديال الماء وغسلها مزين حتى مابقاش فيها الدم ومسح يديه ف الفوطة وخرج جهت الصالون غير دخل لقاا امين جالس على سداري ومخشي فصدر الحاجة وكايترعد مسكين بالخلعة شااف فصالون لقاهم جمعو روينة وكل واحد و واش كايدير وامينة جالسة وسطهم كايعاودو ليها اش طرا
نوح (شاف ف عمران) : ... طلع للفيلاج وجيب مانقاصيو ف العشاء
امينة : هانيتينا اولدي حتى دابا مابقات وقيتة ديال نديرو شي عشاء عاينين
عائشة (شاافت ف امينة) : ... مايحتاجشي يجيب العشاء حنى ماشي برانين نديرو شي كاس د اتاي وشيحاجة خفيفة واخا غا البيض
رحيمو : والله ماكين علاش يمشي حتى نلفيلاج فهد الوقت د الليل الدنيا تماك دابا عامرة غير بشمكارة
عمران (حتى هو ماكان فيه مايمشي كايقول فنفسو لهلى يخاطيك عليا انسيبتي ههه) : .... ونتوما تعرفو
نوح (شااف فيهم) : ... ديرو لي عجبكم ...
غير قال كلامو خرج من صالون وزاد تجاه واحد البيت بابو بيض غير فتح بابو ودخل ليه غير دخل ليه بقا شحال كايشوف فيه كان بيت خااوي ماافيه والو من غير زربية ديال الصالة ف الابيض ف الارض مطلوقة وفيها مكة المكرمة بالون الاسواد وف الحيط مكتبة صغيرة ف الابيض فيها عدة مصاحف وعدة تسابيح وف وسط البيت منقوشة ف الحيط ب الكفص الله واكبر ب الاون الابيض وحتى منقوش سورة الناس وسورة الفلق غير دخل لداك البيت كاتشم ريحت المسك وكأنك فبيت الله غير وقف فبابو حيد صندالة من رجليه ودخل لداخل و وقف قبلت القبلة بااغي يصلي العشاء والمغرب لي مزالين عليه ....

🎀عند الماس لي لقات فدريسنك كاينين فيه الحوايج بقات غاا كتشوف فيهم إمتا جابهم وشكون جابهم معااه ماعرفاتش هزات من دوك الحوايج سروال اسواد والفوقي ديالو ف الاسواد فنفس اللون ف الاسواد وطويلة حتى لركبة وفيها نونوس بيض فصدرها لبسات معاها فولار ف الابيض منبعد ماصلات كااع لي عليها لبسات بنطوفتها وهبطات التحت وهيا هاابطة كاتحاول تعقل على بيتها ماكدباتش امينة ملي قالت هادي القاهرة ماشي الڤيلة لي كانت كبيرة وزاد نوح كبرها كثر وشحال من حاجة بناها برا الڤيلة ومنها صالة ديال الرياضة و حتى واحد المسبح صغير كاين داخل هاديك الصالة لي منبعد ونعارفو علاش ههه...
غير هبطات التحت زادت هابطة ف دروج لي فلون الاسواد هابطة فيه وهيا كاتشوف ف سقاف ديال ال ڤيلة غير هزات راسها وهيا تشوف المراية الفوق بقات شحال كاتشوف راسها الفوق دابا عاد نتبهت للسقاف لي فيه المرايات بقات مبهوطة فيه اول مرة تشوف بحال هااد الديكورات بقات هابطة فدروج حتى هبطات التحت وبقات واقفة الحس مقطوع ماكين حد زادت لصالون فين كانو جالسين لقات الدنيا خااوية ماكين حد يالله سمعات صداع والهضرة من القنت لاخور ف صالة مونجي يالله بغات تتحرك وهيا تشوف نوح لي خارج من داك البيت غير خرج منو شااف فيها طلعها من التحت حتى الفوق اش لابسة توجه جهتها وشد يديها بين يديه وزاد غاادي جهت الصالة وهيا من وراه غير وصلو عاندهم كولشي دار وشاف فيهم كاانو حاطين اتاي والبيض مسلوق والبعض مقلي كل واحد وكيف كايبغيه وحاطين زبدة والجبن وزيت وزيتون العسل شكلاط المهم حاطين غا داكشي ديال الفطور هوا لي غا يتعاشو بيه ههه منها عشاء منها مريندا جلس نوح فراس طابلة وجلسات حتى الماس حداه لي ملي شد فيديها شافت فدوك الضربة لي فيديها بقات كاتشوف فيهم وترمش بغات تسولو وماقداتش
غير جلسو حطات امينة حدا الماس الحليب وحدا نوح قهوتو كولشي بااشر ف الاكل اما نوح ف غير حاضي الماس بعاينيه وكايشوف فيها بنص عين كيفاش عااينيها خارجين ف العسل الحررة لي قدام الحاجة زوهرة ديما داكشي لي كايعجب الماس كايتحط قدام الحاجة زوهرة بلى مايفكر زوج مرة مد يديه ليه وحيدو من حدا الحاجة الزهرة لي يالله بغات تمد يديها ليه حيدو من حداها وحطو حدا الماس لي حشمات من تصروفو ديما كايديرها للحاجة
الحاجة زهرة بقات غااكتشوف فيه بعاينيها وهو ماكيشوفش فيها رجع يشرب قهوتو شاافت ف الماس وقالت
الحاجة زهرة : ... بنتي ملي تشبعي من العسل عطيني معاك
الماس يالله بغات تقول ليها خوديه وهو يسبقها نوح
نوح (شااف ف الحاجة) : ... كاتوحمي !!
الحاجة خرجات عااينيها فيه بصدمة وهزات راسها ب لا وهيا حشمانة و وجهها ولا حمررر اما السي عبد السلام ولا كايكحب وحدو ويشوف فولدو السي حمد وعرستو عائشة ويهز راسو بلا
نوح : إوى كولي البيض
الحاجة مابقات باغة تجاوبو حشمها قدامهم وزاد كمل عليها امين لي بدل حوايجو ولي الفرحة غا تخرج ليه من عاينيه ملي لقا نوح داير ليه حتى هو بيتو وحاسب حسابو صرحة ماكانش متوقعها
امين (شاف ف الحاجة وبظبط فسنانها) : ... جاااو معاك سنان اعزيزة بصحة
الحاجة خرجات عااينيها فيه كاتسكتو ...
امين (هز عمران لي كايشوف ف اميمة ويغمزها غا من تحت الدف وقال بشوية) : ... كون غا مادرتش سنان كانت غاتضرب مصيصة لجدي عبدسلام واحد المصيصة ياسلام
عمران شاف ف الحاجة لي كولشي كايشوف فيها وحاابس الضحكة ورجع شاف ف امين وقال بطنز
عمران : ... كون غاا كلى ليك توسكا داك زنطيط اتبي حق رب يانتا سوق مووك خااوي حتى جداك ماخليتيها فتيقار وكاتفكر ليها ف مصيصة
امين (حط يديه على تبو من تحت طابلة والخلعة رجعات ليه) : ... مال توسكا كع ز*بوبا اصاحبي غا لي عااندو معااه شي حسااب ينقز ليه لتبوو اووو
عمران : راه بحالو بحال مولاه ماشتيش نوح اش دار لبات الماس ههه
امين : استاهلو ولاد الق*اب
عمران (بطنز) : ... حتى نتا من دوك ولاد الق*اب🙂
بلال (جالس قدامهم وسمعهم اش قالو قرب عندهم وقال لعمران وهو فنفس الوقت كايشوف ف امين لي مطلع حاجبو ف عمران) : ...الحياة كاتبقى تلاقيك غا مع ولاد لقحا* أوفاش كتلاقا مع ناس مزيانين كايلقاوك وليتي ولد القح*ة حتا نتا
امين (خنزر فيه) : ... شنو دابا انا ولد الق*بة
بلال : غير باش نكونو متفاهمين اتبي فقط عبارة ولد"البح*ة" ماكتعنيش بلي موك قح*ة راه تنسبات لك نتيجة لفعايلك اولد لقح*ة او حاشة تكون موك قح*ة اولد لقح*ة
امين : ياعني حتى نتا ولد القح*ة🙂
بلال : 😐😐
عمران : 😂😂😂 من نيتك ابلال كاتشرح لواحد كايكفت بزيت بلدية راه هو القح*ة ماشي ميمتو
امين : الدنيا دوارة كيف تشفيتو فيا اليوم غااتجي نوبتكم ونتشفا فيكم حتى انا
عمران : وخشي صبعك ف دوراة 😅
امين : تفكرت واحد المقولة ديال الدنيا دوراة العاقلة تزوجت والق*بة بقات تكفت بخيارة
بلال : ههه هادي عندك اولد الخشبة هه
هما كايهضرو بشوية بينتهم ويضحكو ويقاشبو على امين لي كون ما كان نوح كون طير ليه توسكا تبو لي ماتعرف مالو مع تبوبا والشي لاخور لي فطابلة كولشي كايهضر ويتهاود ومنهم السي عبد السلام لي صوتو مجهد يتسمع من الباب ديال الفيلة شي كايضحك شي كا يتهاود رجعات نفس الاجواء ديال خطبت عمران واميمة نفس الضحك والنشاط رجع الدار عمرات بناس الخير وناس الضحك وناس النشاط والناس لي مافقلبهمش الحقد والحسد ونوح من بعد مادوز نص حياتو مع ولاد الحرام من نهار لي تعرف على الماس و ولاد الخير والحلال دخلو ليه لحياتو وهيا اول واحدة منهم كانت فال الخير عليه وماينكرش هادشي ..
غير كلاو وشبعو نااضت اميمة وغفران والماس كايجمعو الطابلة جمعو كولشي للكوزينة لي غير دخلات ليها الماس وهيا تخرج عوينتها كانت زوينة كبير ف اللون الكري كلها فلون درهم وقدها قداش ومجهزة بكولشي ديالها وعندها باب كاتخرج للجردة ... جمعو طابلة وتعاونو اميمة وغفران يغسلو الماعن والماس كاع داكشي لي شاط من المكلة كاتجمعها فبواطات ولا ترد كل حاجة لبلاصتها وفنفس الوقت كاتتحدث مع البنات
الماس : ههه دبا غدا نقيش د الحناء شحال تواحشت الحناء
اميمة : واش نوح ماكيعفشي الحنة
الماس (تفكرات فعرسهم كيفاش كان كايبوس يديها عادي) : ... لا ما كيعيفشي عادي
اميمة (خسرات صيفتها) : ...عمران كايعيفها
غفران : ههه كيف نتي كاتعيفي دفلو مانعرف كيفاش غااديري ف ليلة الدخلة
اميمة : وقولتلو يبوسني بلى مايحاديني بدفلو
الماس غير سمعتها اش قالت وهيا تتفكر نوح لي الى ماخرجش للسانو وعمرها بدفلو ماتحلاش ليه البووسة هه بقات ساكتة وهيا حشمانة وخصوصا بااغة تهضر معاهم بخصوص داك الموضوع ديال نوح واشنو بااغي منها وبااغة تاخود نصائح من عند اميمة ولكن ماعرفاتش كيفاش تجبد معااهم الموضوع
غفران : اجي انا ونتي غاتصاوب لينا كوفورة واحدة
اميمة : اه ماكرهتش نصاوب لراسي ولكن مااشي مشكل انا نعطيها اش بغيتها تصاوب ليا
غفران (شاافت ليها فطرمتها) : ... بغيت بحال ترمتك واخا غا فالعرس
اميمة (بطنز) : ...عليك بالحلبة وشبة وطب*وون الكلبة 🙂
غفران (بحزن مصطنع) : ... يااكي الكلبة