جنون نوح ♡بالدارجة مكتملة♡

الجزء 108

◇جنون نوح◇
بارت 546

غير قال كلامو زاد خارج من الدوش منبعد ماشطخ الباب من ورااه معصب وزاد هاديك طريق هبط التحت ...
اما الماس غير خرج هزات يديها كاتشوف فيهم وتبكي ولاو حمرين ب الفريك ومقهورين ب الحمورة وخصوصا صبع يديها شاافت فدوك ضفار وبقات كاتشوف فيهم صراحة جاوها زوينين ومع الحنة لي فيديها زادت زينت يديها البهلة بقات كاتشوف فيديها والدموع نشفو على خدها بقات شحال هكاك كاتشوف فيهم ماتنكرش عجبوها وبزااف ويديها جاوها على كانتها بلى ماتحس خرجات ليها ضحيكة صغيرة وهيا كاتشوف فيهم وناسية داك البركان لي شعلاتو على صبااح وطلعات ليه الدم وغدداتو كااع
غير شبعات شوفات من يديها بدات دير روتينها الصباحي
• نوح غير هبط من الفوق مشا عند امينة علمها بلي الماس طلع ليها ماكلتها الفوق وماتهبطش التحت ومااضورش معاهم حتى للعشية وزاد خرج فيها عاينيه على دوك ضفار لي حتى هيا ضربات الطم وسكتات ماقالتش ليه شكون لي دارهم ليها واخا نوح عارف هادو غا فعيل مرات عمران ولكن باغي يخالي هاد نهار يدوز على خير غير سلى كلامو مع الام ديالو توجه الطابلة ديال الفطور لقى دراري كلهم مجموعين منهم امين عمران بلال السي حمد وسعيد والحاج عبد السلام وحتى طوني معاهم جالسين غا هوما رجال اما النساء لخرين غا يفطرو ف اللكوزينة
امين (كان كايهضر فودن عمران وبلال غير بشوية) : ... خاصنا شيخات
عمران (بطنز) : ... ديرها واعرة
امين : عارف راسي واعر وكنفكر غا ف الحوايج الوعرة
بلال (شاف فيه وخسر صيفتو) : ... نتا جيب طراكس كااع
امين (هز راسو بلا) : ... تؤ انجيب شيخة تسونامي
عمران : الا كان ض (يالله بغا يهضر وهو يقاطعو كلام نوح )
نوح (شاف فعمران وبلال) : ... محتاجين شيحاجة
عمران : لا اخويا كولشي كاين
بلال : يكثر خيرك اولد العم كولشي موجود
نوح (شرب من قهوتو وشاف ف بلال) : ... الواليدين ماجينش
بلال : لا جاين راه غايجيبهم سفيان يمكن غايشدو هيلي كوبتير
نوح (غير سمع سميت سفيان غززز شنايفو) : ... مرحبا
.....
كملو فطورهم وشبعو غير كلاو ناض نوح وشاف ف طوني ...
نوح : عندك ماتقضي
طوني (شاف فيه) : ... لا والو
نوح : إذا غاندربو توسكا
طوني (ناض واقف) : ... هيا الولة
ناض نوح وتبعو طوني للجردة وحتى السي حمد وسعيد وعبدسلام كلهم نااضو وتبعو نوح باغين يتفرجو من بعيد ويشوفو كيفاش غايدربو توسكا
اما امين وبلال وعمران فهادوك باغين يمشيو لصالون الحلاقة باش يحالقو على الحالة لي عمران وبلال كراو صالون خصيصا ليهم وحتى امين لاسق فيهم باغي يمشي معاهم اما امين شااعرو بدا يطلع مابقاش قرع ولكن عااندو تحسينة ديال العسكر 😂😂

كل واحد وفين مشا وكل واحد مشا يقضي شغلو

امينة غير فطرو التحت دارت زوج ديال الصينيات ديال الفطور واحدة ل الماس و واحدة لغفران واميمة مابغاوش يفيقهم من النعاس يالله يرتاحو شوية عائشة طلعات ل اميمة ولغفران يفطرو و امنية ل الماس
الماس واقفة ف البالكو لي مسدود كاتشوف فنوح وتوسكا وطوني لي لابس عليه واحد الكابة كبيرة كايقرب لتوسكا وكايدير ليه حركات مستفزة باش يهجم عليه وكايعاضو من هاديك الكابة ونوح شد توسكا من عنقو كايطلق ليه غير كايشوفو غا يهجم على طوني وهو يعاود يشدو بزربة من عنقو وطوني مسكين سخااف هههه و السي حمد وسعيد كايضحكو على عبد السلام لي كايشوف ف طوني وتوسكا كيفاش كايهجم عليه ويقول ارسول الله ويترعد غا وحدو