جنون نوح ♡بالدارجة مكتملة♡

الجزء 86

◇جنون نوح◇
بارت 436

عمران : ههههه نوضو تقاو*و خاليونا نعسو
......
💛💛 اصبحنا واصبح الملك لله 💛💛
قالو جدودنا...
كاين اللي عندو الهم اللي مايتلم....
وكاين اللي يرقد بلا مايخمم....
وكاين اللي من طيحة يتعلم....
وكاين اللي طول حياتو يتألم.....
وكاين اللي يغلط ويندم....
وكاين اللي خشين ويلعبها يفهم....
وكاين اللي غير بالقليل يحلم.....
وكاين اللي يخدم ويردم....
وكاين اللي والو وبغا يحكم.....
غير صباح صباح ضربتها امينة الفيقة
لي غير حلات عااينيه شاافت نوح معنقها عااندو بقات غاا كترمش فيه وتشوف طلعات راسها شوية وهيا تشوف الماس لي خااشية عنقها فنوح وكاتنفس ليه فعنقو و واحد اليد عندها مخشية تحت تيشورت ديالو.مطلعها على صدرو فوق للحمو و واحد رجليها مطلعها على فخادو وغارقة فنعس اما هوا خاشي نيفو فشعرها كايتنفس فيه وعاقد حجبانو برجولية ....
امينة بقات غا كاتشوف فيهم وخصوصا فنوح كاتقول واش انا هاد تقزديرة كلها ولدتها انا نااعس مع مراتو ومتعانقين وميمتو حداه ونااعس بأريحية بحالة ما كيناش. ولكن ما تنكرش ماحيدهاش من فراشو باش يرتح هوا مع مراتو ياعني بحالها بحال مراتو بنسبة ليه بزوجهم هما زوج ديال نساء مهمين فحياتو .. شافت ف دراعو لي نااعسة عليها وهيا دير ضحكة زوينة وغا ب الحس قربات لنووح ودوزات يديها على للحيتو
امينة (بصوت خاافت) : ... ولدي حبيبي وركيزة الداار لهلى يحرمني من شوفتك ونطلب الله يطولي ف عمري حتا نشوف ولاد ولادك ...
غير قالت ليه هكاك حنات عليه وبااستو من جبهتو وهيا كاتمسح ليه على للحيتو بيديها وتشوف فيه شاافت ف الماس مدات يديها لليد لي ماخشيهاش تحت تيشورط ديال نوح وقربتها عندها وبااست ليها رااحت يديها
أمينة (بفرحة) : ... كون مانتي مانشبع من شوفت ولدي ولا تعمار داري قدامك قدام الخير علينا ابنتي ..
باست ليها راحت يديها وحطتها على صدر نوح ...
ناضت من حداهم ولبسات فولارها وخرجات من البيت ...
نوح لي حس بميمتو اش دارت و واش قال غا خرجات فتح عااينيه وشاف فسقف بقا شحال كايشوف ويفكر كلام ميمتو لي زرع الراحة فقلبو اهم حاجة هيا تكون راضية عليه وثااني حاجة لي فرحاتو هيا متفهمين هيا والماس وماكينش شي مشكل بينتهم الام قلبها حنين ومرات الولد قلبها حليب ...
نوح شااف ف الماس لي حاطة رجليها على فخدو وخااشية واحد اليد تحت تيشورط ديالو وخاشية وجهها فعنقو ... باسها فراسها وزاد قربها عااندو كثر منخششها فيه بحال المشة بقا كايدوز يديه على ضهارها بحنان ورجع كاايشوف فسقف كايشوف بعيد وكايتفكر كااع لي داارو البارح لي ماندمش عليه وماكرهش يرجع يكمل عليه ولكن تفكيرو كلو ف الماس لي قالت ليه باغا تشوفو وطلبات منو يقلب عليه وهوا مستحيل يخاليها تشوفو ولا يخاليه يقرب ليها ...
بقا شحال هكاك تفكيرو مشوش ورااسو غا يتشقق عليه ماكرهش شي كاس ديال القهوة هبط عااينيه ل الماس وهوا يضور يديه بزوج على خصرها حتى جابها هيا التحت وهوا فوق منها ب الخلعة شهقات وفتحات عااينيها وطلعات راسها بجهد حتا تزادحات بجبهتها مع جبهتو لي هوا مارمش بعااينيه وهيا تقصحات وحطات يديها على جبهتها وزيرات على عااينيها
الماس : ... اااااي هئ اححح
نوح سمعها كيفاش كاتنين وتوحواح وغمض عااينيه بسخط ...
الماس (تقصحات فراسها ومخردلة بنعااس راسها تشقق) : ... اححححح بفف ر راسي هئ
نوح (حيد ليها بواحد اليد يديها من فوق جبهتها وشاافها دغيا ولات حمرة هاابط عااينيه لعوينتها لي دموع هبطو منهم) : ... هشششش
الماس (تقصحات فراسها ديال بصح) : ... هئ اححح راسي
نوح (حط صبعو الكبير كايدوزو بشوية على جبهتها) : ... عندك البكا غا بتواحويح
الماس (دموعها طااحو على خدها) : ... هئ ت تقصحت اححح
نوح (قرب بشفايفو لجبهتها وباسها منها وهبط لودنيها وقال بلطف وبصوت مبحوح بنعس) : ... المراة للحلاحة تغلب سحارة والوحواحة غلبتهم بزوج ...
الماس (فتحات عااينيها بجهد من كلامو وهيا شهقة كاتطلع ليها وتهبط) : .... ه هااا
نوح بقا هكاك فودنيها وزااد قرب ليها كثر وبااسها منها واحد البوسة لي بورشتها مشاات ليها فطبول ديال ودنيها باااااردة وطلعات معها الرعدة ...
حيد من ودنيها وهوا كايحك للحيتو فخدها ... حيد منها وشاف ليها فجبهتها وهوا عاقد حجبانو ...
نوح : مزالة كاضرك
الماس (طلعات ليها شهقة صغيرة) : ... هاائ ل لا
نوح (شاااف فيها وهبط عااينيه ل شفيفاتها الحمرين وهبط واحد اليد حطها على كريشتها) : ... كي صباح ولد بااه
الماس (كاتشوفو كيفاش كايهضر ويشوف ليها فشفيفاتها قالبها كايفرفر) : ... م مزين
نوح (خشا يديه تحت الفوقي ديال البيجامة وحطها على كريشتها وقال بعيون ناايمين فيها وبصوت مبحوح بنعس): ...بغيت توام
الماس (خرجات عااينيها فيه) : ... اااء
نوح (دوز يديه بشوية على كريشتها حتا طلعات معها تبوريشة) : ... كانستناك غاوقتاش تولدي ولد البنداري وغير تحطيه(ضرب يديه بشوية فوق كريشتها ) نعاود نعمرها ليك ولكن ب توام
الماس (غاايسكت ليها قلبها بهاد الحراكة ديالو بزز هضرات) : ... اممم ك كايعجبوك العواول ستيتوين (الاطفال )
نوح (عقد حجبانو وهوا مزال كايشوف فشفيفاتها) : ... كيفاش
الماس : احم ز زعمة العيال ستيتوين
نوح (حيد عااينيه من شفيفاتها وشاف فعااينيها زرقين نيشان) : ... لا
الماس (خرجات عااينيها فيه) : ... اوااعدي وعلاش كاتقول خاصك العيال ستيتوين ملي ما كيعجبوكشي
نوح (طلع فيها حاجبو من براءتها) : ... مادويتش على ولادي دويت على ولاد غيري
الماس (هزاة كتفها ب براءة) : ... و بحال ولادك بحال العواول(الولاد) دناس
نوح (هز راسو بلا) : ... ولاد نوح ماغايكونوش بحال ولاد ناس
الماس (شاافت ليه فعااينيه نيشان وهيا ماحساش بلسنها لي تطلق ف الهضرة معااه) : ... م ماكينشي الفرق
نوح : كاين