جنون نوح ♡بالدارجة مكتملة♡

الجزء 75

◇جنون نوح◇
بارت 376

وصلات للبيت الماس ونوح ودخلات عليهم وجهها صفر وحالتها حالة بالحشمة....
الماس كانت لابسات ليها عائشة ورحيمو قندورة بيضاء وفولار ف الصفر عااندو شنااشل هه هابطين على الوجه وحزام على هاديك القندورة ف الاسواد و الابيض ولبسو ليها منديل فيه شروط حمرين وخاضرين وزرقين وبيضين رقاق ولبسو ليها الشاشية فوق راسها فيها الاوان ومزوقة ب الاحمار والاصفار و الاخضر دارو ليها فندوتا فلون بشرتها و كحلو ليها عوينتها وطلعو ليها شفار بمسكارة وشرطة ب الالينر لي زادو كبرو عااوينتها ودارو ليها عكر حمررر بحال دم الغزال حنيكاتها اصلا حمرين مادروش ليها الفاراجو جااات بنت جبلية كااتحمق وتفتن
الماس (شافت ف جداتها بخوف) : ... ش شعندك اعزيزا و واش دار ليك شيحاجة
الحاجة جلسات على الفوطوي وجمعاات يديها عندها وبقات غاا كتبرقق فعااينيها ماابغاتش تهضر
امينة (قربات عااندها) : ... شعندك الحاجة واش القط سرط ليك لسانك ولا شيني
بقات سااكتة ودموع تغرغرو ليها فعاينيها...
رحيمو... جلسات حدا الحاجة وصغرات عوينتها فيها...
رحيمو : اواااعدي معرافتشي علاش كاايقولي خاطري وقلبي عطااك علاش كنتي كاتقلب
الحاجة حطات يديها على حنكها وهبطات ليها دمعة على خدها وبقات سااكتة ...
الماس قربات عندها وتحنات على رجليها وشدات ليها فيديها
ألماس (قوصات حواجبها فيها بحزن) : ... اعزيزة شني عندك قولي انا عارفة قالك شيحاجة ما عجباتكشي
شاافت فيها وطلعتها من التحت حتى الفوق جات كاتفتن..
الحاجة (تنهدات) : ... هيييه حاااار ابنتي حااار مااايجي لا ب الحزارة ولا بسياسة
الماس (مسحات ليها دمعتها) : ... قولت ليك اعزيزا ماتمشيشي عاندو مايبغيشي
الحاجة (طااحو دموعها) : ... هئ كنت باغة نشوف صبااحك بااغة نشوف صبااحك لي 17عام تقريبا وانا كاانحضي فيه ههئ شاارفك لي عصيت الله باش ماايخدو ليك حد هئ
الماس بقات فيها جداتها عاارفة عقلها عقل ناس زمان مااعرفات ما تقول ليها بقات ساكتة...
عائشة (قربات عند.الحاجة) : ... نعلي شيطان الحاجة رااه هادشي مايبغيه لا الله لا العبد رااه هادوك اسرار البيوت بينها وبين راجلها ونتي ماحشمتيش على وجهك الحاجة ومشيتي عند راجلها كااتطلبي منو صبااح مرااتو
الحاجة بقات سااكتة وهيا كاتفكر شنو قال ليها وخصوصا الهضرة اللخرة مااتوقعاتوش يكون مقزدر حتى لهاد الدراجة...
رحيمو (شاافت ف الحاجة) : ... خاايله اخالتي زوهرة قولي شني قالك
الحاجة (خنزرات فيها) : ... ماا قاليشي مااقالي والو...
غير قالت هكاك وهيا تدخل اميمة وغفران لي كانو تابعين الحاجة وسمعو كااع الكلام ديال نووح والحاجة والكلمة الاخيرة لي قالها ليها فشلاتهم بصدمة
رحيمو (شافت ف اميمة) : .. فاين كنتي ابنت الحرام...
اميمة (كاتشوف ف الحاجة) : ... غ غاا هنا
غفران كااتشوف تاهي فب الحاجة بزز حابسة ضحكة
امينة (شافتهم كيفاش كايشوفو ف الحاجة) : ... ياك لباس
اميمة (شاافت ف امينة) : ... اواااعدي اخالتو نووح مااكايحشمشي
رحيمو (خنزرات فيها) : ... اسكت العايلة احشم
اميمة (شافت ف رحيمو) : ... وعلاش غاانكدب عليكم اماما والله ما كيحشم ساقسي غفران شني قال نعزيزة زوهرة
الحاجة (خرجات عااينيها فيهم عرفتهم تبعوها) : ... ياااكو اولد الكلاب تبعتوني ياااكو
غفران (شاافت ف اسية لي كاتغمزها تسكت وهيا بزز حابسة ضحكة) : ... ههههههههههه اويلي هههه رااه كلاشها عمرها باقة ضور بساااحتو ههههه(شافت ف اميمة لي ناضت تضحك) ش ههه شوفتيا ملي قال ليها واش نتي لي حو*تيها كيفاش طلعات كااتسطم ف جلايلها فدروج 😂😂😂😂
اميمة : 😂😂😂 ماتفكرينيش