جنون نوح ♡بالدارجة مكتملة♡

الجزء 46

◇جنون نوح◇
بارت 226

غدا غاايساافر ولي مااعرفش إمتا غاايرجع واش اسبوع شهر شهرين مااعرفش شحاال على حساب فوقتاش ماا سلى سلعة غاايجي
وبالو كلو مع الماس ماابغيش يمشي ويخاليها من وراه ويكون اناني ويخاالي مراتو من وراه يمكن جرحاتو بكلمها ولكن ماا يقدرش يعااقبها بهد طاريقة كان عوال غير على شي اسبوع ولكن وفق على هد صفقة لي غاادي يديرها إتفاق مع دااني وغاادي يربط ليه يديه بواثيقة بلي هادي اخير صفقة تهريب يديرها معه لي هنى نوح غاا يلقى كيفاش يزير دااني ويخاليه يبعد عليه على داكشي قرر يقبل بهد صفقة لي غاايضرب فيها ضربتو ويخرج من المافية بحال شعرة من العجينة
ولكن ضرب الحساب لكولشي وماضربش الحساب ل الماس كيفاش يبعد عليها كيفاش يقدر يسمح فمراتو شهر شهرين او اكثر بقى كايفكر بحل الحمق لحى داك البيسي من يديه ونااض كاايضور ف البيت بحال الحمق ويفكر فيها مااقدرش يبعد عليها ولكن هد شي لمصلحتها ولمصلحتو بااغي يعيش حيااتو عاادي مع مراتو وماايخاافش ويبقى عاايش مع الهاجس ديال شيحد غااينتقم منو بمراتو ولا بميمتو اما الحريق لي كايجيه للراس هداك هو اخير هاامو مع هد المشاكل وقادر يضحي براسو ويخاطر هد المخاطرة لي شحال هادي كان عاندو زاايد ناقص ولكن دابا لا كايحس براسو عااندو مسؤولية كبيرة على كتاافو وهيا الماس لي خص ضااروري يرجع على قبلها كايفكر ملي غايمشي تليفونو غاايكون طاافي على حساب الخدمة ياعني ما غيهضرش معها وغاتبقى مشطونة عليه وهو اكثر طااحت لبالو يمكن داني يلقى هادي هيا الفرصة ويدير ليها شيحااجة فكر بزااف مااعرف اش يدير تلف واحد تلفة ديال الغداايد ولا بااغي غاا ينطح راسو مع شيحيط ما متقبلش فكرة يبقى اكثر من شهرين مايشوفهاش كع متقبل هد الفكرة ومابغاتش تدخل ليه لرااس
غزز شفاايفو بالغدايد ومااحس على راسو غير هز تليفونو كاايصوني على عمران
🎀عند دراري🎀
عمران : لي كان جالس هو وبلال وامين وامينة وحتى الماس جالسة معاهم حاطة يديها على حنكها الحلاقم جالسين كايلعبو البارتشي و امينة كاتفرج ف تلفزة ريحان والماس مااشي معاهم فهد العالم عقلها وبالها كلو مع نوووح لي كااتستنى غاشي إتصال منو بالها غااا معه كاتحس بقصى عليها بهد القرار لي خداا وبحالة ما متيقاش بلي سفر وسمح فيها مع عائلتو لي كاايحاولو ماايحسوهاش ب الفرق وكاايحاولو يطمنها بلي غير شي يوماين ويرجع امينة لي ملي جات دخلات عليها للبيت ولقاتها كاتبكي بقات كاتسولها حتى عودات ليها كع لي طرا ليها مع نووح لي حلات فمها من صدمة ولدها وكاتعرفو ما كيحملش لي يستحمرو ولكن متأكدة من ولدها ماايسمحش ف مراتو ماافيهش هد الفعاايل

حاولت تقنع الماس ب تهبط معهم لتحت تبدل الجو وتتفرج معها ريحان وحتى الماس مارفضاتش وهبطات معها وامين لي كل مرة كاايقول ليها بااغي يضحكها وفنفس الوقت كايلعب مع دراري البارتشي قول كاايعلمهم يلعبو البارتشي لي كل مرة هو لي كايربحهم...