جنون نوح ♡بالدارجة مكتملة♡

الجزء 90

◇جنون نوح◇
بارت 456

البوليس شدو نوح وزادو مدخلينو لداك المكتاب عند الكميسير ودخل من وراه حتى محمد المحامي والحاجة بقات برا حتى يعيطو ليها ...
نوح غير دخل جلسوه قدام الكميسير كان راجل كبير شوية ولي هوا الشاف الكبير ديالهم جالس وكايشوف ف نوح لي مخنزر ف خواان لي حتى هوا كايشوف فيه
كان تما خوان وعماد و عدنان خال الماس
الشاف الكبير (شااف ف عماد) : ... نتا خرج
عماد شااف ف خوان لي قال ليه بعاينيه خرج ... خرج عماد بحالو وبقاو غير هاادوك
الشاف الكبير (شاف ف نوح) : ... نوح البنداري عاارف راسك علاش هنا
نوح (شااف فيه) : ... اه
الشاف الكبير : ... اولا الكميسير سعيد رافع ضدك شكاية بلي راك تهجمتي عليها فوسط الاستجواب
نوح كايهز رجلو ب الاعصاب ... وماجوبوش
محمد (شااف ف الشاف الكبير) : ... الموكل ديالي تعرض ل الاستفزاز البارح ماكانش إستجواب ف المستوا من قبل الكميسير سعيد
الشاف الكبير : عارف بلي سيد راه ف الكلينيك
نوح (شااف ف الكميسير) : ... ومن بعد
محمد (تحنى لودن نوح وقال بشوية وبتراجي) : ... نووح هاد الكميسير نازيه فخدمتو ما نلقاوش معه شي مشكل ومافيهش تخلويض على داكشي كااانرغبك تحكم ف اعصاابك الله يرحم الوالدين لما جاوبو على أسئلتو واخا غير على قد السوؤال
نوح كايغززز شفايفو بالغديد وهوا كايشوف ف الكميسير لي جدي فخدمتو ونوح مامسوقش لهادوك لي كايطلعوه ويهبطوه بعاينيهم ...
الكميسير (شاف ف خوان) : ... على ماعرف لي رافع الشكوة داني توين علاش ما كاينش
خوان (شاف ف نوح لي ما مسوقش ليه) : ...احم اكيد كولشي شاف الفيديو ديال الاعتداء على داني توين لي هو خويا وبسباب الاعتداء لي تعرض ليه ما يقدرش يحضر
الكميسير (شااف فيه بنص عين) : ... مزين .. (شاف فنوح لي هز منخارو لسماء) : ... داني توين متهمك بلي نتا لي عتاديتي عليه
نوح (شاف ف الكميسير) : ... إنا إعتداء فيهم
الكميسير (طلع فيه حاجبو) : ... ياعني فايت ليك دايرها
نوح : الى كان عندك دليل مرحبا
الكميسير : عتاديتي عليه اه لا
نوح شااف ليه فعااينيه نيشان وماجوبوش
محمد : الموكل ديالي ما عندو حتى شي دخل لا ب الاعتداء ولا ب الفيديو
عدنان (قاطعو) : ... البارح عتارف قدامي وقدام الكميسير سعيد بلي هوا لي قام ب الاعتداء على الموكل ديالي
محمد (شااف فيه وقال بسخرية) : ... عندك شي داليل بلي عتارف
الكميسير (شاف ف المحامي عدنان) : ... فين الداليل
عدنان (مسح على للحيتو) : ... الكاميرا ديال المكتاب كانت خاسرة
الكميسير : إدا ما كين إعتراف..(شاف فنوح ورجع شاف فالشكاية لي قدامو) واش كاتقول ف القاضية ديال انك مزوج ب فتاة قاصر
نوح لا راد فقط كايشوف فيه
محمد : البنت مزوجة بيه ب الرضى ديالها وعلى سنة الله وراسوله وحتى الواصي على البنت هيا جداتها والى سماحتي لينا ندخلوها تعطي اقولها
الكميسير : دخلها
محمد ناض وخرج من ورا الحاجة غير شوية ودخلات
الحاجة (شافت فيهم) : ... سلام عليكم
الكميسير : جلسي الالة
الحاجة جلسات قدام نوح وشاافت ف عدنان لي ما كيشوفش فيها ...
الكميسير : اش كاتجيك الماس البنداري
محمد حيد لكارط من يد الحاجة وعطها للكميسير كايشوف فيها
الحاجة (شاافت ف نوح لي مشبك يديه ومرجع راسو اللور على الكورسي قول جالس فدار ابااه هه) : ... هاديك بنت بنتي شامة انا عزيزاها
محمد (شاف ف الكميسير) : ... ياعني جداتها
الكميسير : بنت بنتك مزوجها فسين غير قانوني الحاجة عارفة هادشي ماشي قانوني
الحاجة : عاارفة ابني
الكميسير : وملي عارفة علاش تزوجي بنتك لراجل كبير منها وهيا مزالة قاصر
الحاجة (شافت ف عدنان لي غير شافت فيه الحاجة حيد عاينيه منها) : ... انا اسي البوليسي جيت عندك لهنا ماشي غير على قبل راجل بنتي الماس انا مراا مضلومة فهااد البلاد تشويت ف الكبدة ديالي وحتى حد ماوقف جنبي من غير ابني نوح
الكميسير (شبك يديه وشاف فيها بإستفسار) : ... تفضلي الالة قولي اش عندك
الحاجة (شافت فيه ودارت يديها على قلبها وكاتهضر بحرقة) : ... اناا اسي الكميسير بنتي تشويت فيها وهيا بنت 18عام بنتي جااا كلب د الخلى ما كنعرفوه ما كيعرفنا تكرفص لي على بنتي وضيعها وضياع شبابها بنتي حملات منو هئ بنتي حملات وكرشها كبرات بنتي(شافت بنص عين ف عدنان) بنتي خوتها تبراو منها وبقيت ليها غا انا هئ
الكميسير : علاش ما علمتيش البوليس ب الاغتصاب ديال بنتك