جنون نوح ♡بالدارجة مكتملة♡

الجزء 88

◇جنون نوح◇
بارت 446

نوح غير سمع عدنان ابراهيم غمض عااينيه بسخط ومااشافش فيه بقاا على طابيعتو وبكل مافيه كايحاول يتحكم فرااسو
الشاف : تفضل
عدنان شاف فنوح لي ماشافش فيه وحس بيه بلي ماعاطيه حتى شي إهتمام و مامسوقش ليه .. مشا وجلس على الكرسي فاصا فاص قبلت نوح لي ماااكيشوفش فيه ...
محمد (شااف ف عدنان اكيد ملي سمع سميتو عقل عليه) : ... اهلا عدنان غبورات هاادي
عدنان شااف ف محمد كايعرفو شحال من مرة تلقاو ف المحكمة ولكن عمرها كانو فشي قاضية ضد البعض يمكن هادي اول مرة ..
عدنان (حنحن وقال بصوت مبحوح شوية) : ... احم اهلا محمد
محمد : عااام تقريبا ماشفتك فين كنتي غاابر (شااف فحالتو وفجسادو لي ولا ضعيف بزااف و وجهو فيه شي كدمات زرقين واثر الجروح) واش كنتي مريض
عدنان (شاااف ف نوح بتوتر لي مزال على حالتو ورجع شاف ف محمد) : ... ك كنت مسافر
نوح طلع راسو فعدنان وطلع حااجبو فيه لي غير شاافو عدنان سرط ريقو وحيد عااينيه منو عكس نوح بقا مركز النظر فيه ما محيدش عااينيه منو ومرة مرة يهز الفك السفلي ديالو ب الغديد ...
الشاف ... (شاف ف عدنان) : ... فين صاحب الشكاية
عدنان (بكل ماافيه كايحاول مايتوترش تحت نظرات نوح ومايتسوقش ليه .. جبد من الملف ديالو شهدة طبية وعطاها للشاف) : ... هاادي شهادة طبية من قبل سي دااني بلي ما يقدرش يجي نظرا لحالتو الصحية وهوا حاليا ف المصحة كايقدمو ليه العلاج الكافي (شاف فنوح لي ماحيدش عااينيه منو غير شافو مزال كايشوف فيه حيد هوا عااينيه) احم وانا هوا المحامي ديالو ولي مكلف بهاد القاضية و الشكاية لي قدمنها واكيد فخبرك بكولشي والتهم لي منسوبة للبنداري
نوح ما حيدش عاينيه من عدنان فيه واحد الهدوء غريب لي خوف محمد ههه ..
محمد : مااعندكمش الحق تحطو الباطل على الموكل ديالي ب تهم خاطيرة بحال هاادي وبدووون اي داليل
عدنان (شاف ف محمد) : ... داااك الفيديو لي تحط ف موقع تواصل الاجتماعي هو اكثر داليل بلي ( بقاا ساكت شوية غير باش يجبد سميت نوح على فمو ماقدرش ههه) احم بلي البنداري هوا لي تعدا عليه ...
محمد (شاااف فنوح لي مزال كاايشوف ف عدنان) : ... شنو هوا داليل بلي نوح هوا صاحب الفيديو وهوا لي تكرفص عليه
عدنان : ماكينش داليل واضح ولكن الواكيل ديالي رافع شكاية ضد البنداري والفيديو كاايفحصوه ف الاستخبارات والتحقيقات يمكن نلقاو شيحاجة لي البنداري مانتبهش ليها و(شاف ف الكميسير) وغدا إن شاء الله غانجيب تصريح من عند واكيل الملك بتفتيش منزل البنداري يمكن نلقاو دلائل بحال السلاح الابيض لي تعدا بيه على ضاحية ولا الكاميرة او الهاتف لي قاام بتصوير بيه الفيديو
محمد (شاااف ف الكوميسير) : ... وانا غانقدم إعتراض الواكيل الملك على هااد تصريح مايمكنش يدخل لدار عباد الله باش يقلب على دلائل
الكوميسير (شااف فنوح لي ساكت وكايشوف ف عدنان عمرو شاف شي رااجل بحال هدا بحال الحالة الجاوية ما تعرفش اش تحت راسو) : ... اش كاتقول اسي البنداري فهادشي لي منسوب ليك
نوح (حيد عااينيه من عدنان وشااف ف الكوميسير نيشان بعيون كلها تحادي) : ... الحق مر و ما يرضى بيه غير الحر كيفي الى كنتي دااوي على ولد الق*بة فأنا لي ختنت لبوووه
الكميسير (خرج عااينيه فيه ماكنش يحساب ليه غايعترف بهااد السهولة نهائيا) : ... اا اش كاتقول يااعني معترف ب اش درتي
عدنان (شاف ف الكوميسير ب فرحة) : ... رااه قولت ليك هوا لي دارها
محمد (شاف ف نوح بصدمة) : ... اش درتي
نوح ما جوبوش
الكميسير (شاف فنوح) : ... يعني نتا معترف ب الجريمة لي درتي
نوح (شااف ف الكوميسير) : ... كلامي كانقولو مرة وما كنعاودوش والا كان عندك شي داليل على الكلام لي عتارفت بيه تقدر تقدمو للمحكمة
محمد جاتو الضحكة حيت عرف نوح قلب عليهم القفة ...
الكوميسير (جمع تغوبيشتو) : ... تاااا اش كاتخور حناا ما كلعبوش هناا
عدنان ضحكة تجمعات ليه وبقاا كايضور عااينيه ف البيرو كايقلب على شي كاميرة
محمد (شاف ف الكميسير ودار ضحكة جانبية) : ... كيف قال سي نوح الى عندكم شي داليل بلي راه عترف تقدرو تستخدموه ضدو احم
عدنان (بقاا كايشوف ماشاف حتا شي كاميرة ف المكتب) : ... و واش ماكيناش هناا شي كاميرة المراقبة ولا شنو
الكميسير (مسح على للحيتو مغدد وماحيدش عااينيه من نووح لي كاايشوف فيه بتحدي) : ... ما كيناش كانت خاسرة وصيفطنها للمعلم