جنون نوح ♡بالدارجة مكتملة♡

الجزء 123

◇جنون نوح◇
بارت 621

غير خرج من بيتو خرج تليفون من جيبو كايشوف ف المساج لي جااه كان ديال طوني لي جاا وكايستنااه التحت
زاد هاديك طريق وهبط نيشان التحت غير هبط جاا ف ميمتو لي شافت فيه بإستغراب
امينة : ولدي فين غادي على صباح
نوح (قرب ليها وباس ليها فوق راسها) : ...غادي لإساكن
امينة (شافت ف طبلة ديال الفطور) : ... جلس وفطر بعدا راه خوك عمران وبلال صباح بكري مشااو لإساكن رتااح اولدي وريح هاد راس شوية وخالي شغال والخدمة حتى ترد صاحتك
نوح (هز يديها وباسها منها وشااف فيها) : ... ولدك العجل مايحتاج راحة راني مولف تماارة اميمتي ولي مكتابة غاتكون غاتكوون ورااحتي فراحتك اميمتي
امينة (قربات ليه وباستو من وجهو وشافت فيه) : ... سير اناا رااضية عليك دنياا واخيرة اكبدتي ولكن ماتخرجش حتى تفطر وتشرب دواك
نوح : الدواء عندي ف الليل والفطور غانفطر برا غير هااني بالك وخاطرك (حنحن ) احم فطري غير نتيا وفطري ليا معاك ولادي وتهالايلي فراسك
امينة (ضحكات) : ... هههه كون هاني
نوح باس ليها على راسها ثااني وزاد خارج من داار غير خرج من الڤيلة وهو يشوف طوني واقف وحدااه توسكا لي كايشوف فدوك الكارد لي جاابهم عمران ملي وقعات هاديك الواقعة تاصل بيهم عمران يجيو دار كلها عاامرة بالكارد لي توسكا كاايشوف فيهم ويغززز فسنانو ههه ومع طوني داير ليه الكماكة ديالو ماعندو كيف يدير يمشي ليهم وخصوصا لابسين الكحل بحال الكارد ديال داني لي توسكا مزال ليه قبلت عاينيه
توسكا غير شااف نووح وهو يفردع ف طوني بجهد لي طلق ليه من سمطة ومشاا كايعرج برجليه جهت نووح لي عاينيه ف الفخد ديال توسكا لي دايرين ليه عليها الفاصمة ومضورينها ليه على فخادو ورجليه
نوح توجه جهت توسكا بمشيتو رجولية غير قرب عااندو تحنى عليه كايحيد ليه فهاديك الكماكة ديال الحديد غير حايدها ليه خرج توسكا لساانو كايلهث ويسووط نوح مسح ليه على رااسو بيديه وشدو من سمطة وقربوو عااندو بجهد وبااسو من راسو
نوح : لعوود لي تحكرو يعميك صداقتي كلب مااشي جرو
توسكا كااينبح ويخرج ف لساانو كاايبغي يلحس يد نووح لي ماكيخليهش يقيصو بلساانو من نهار لي ولا كايصلي مابقاش يخالي توسكاا يقيصو بلساانو ولا باللعاب ديالو
نوح (شاف فواحد من الكارد) : ... خودو
توسكا كايشوف ف نوح وينبح حتى لواحد دقيقة شااف جهت الباب ديال الڤيلة لي واقف تما امين غير شاافو وهو يزيد فنبااحو
امين لي سمع نبيح وهو يخرج يتأكد باغي يشوف واش توسكا ولا شي كلب اخور غير فتح الباب وشااف توسكاا وهو يخرج عااينيه وبالخصوص منين شااف حتى توسكا كايشوف فيه وينبح بزربة سرطااح دااك الباب ومشااا جهت الحااجة كاايجري ههه ومخلوع مسكين والدم هارب ليه من وجهو
الكارد جاا جهت توسكا هو وشي ثلاثة ديال الكارد معااه كايتعاونو على توسكا
طوني (غير خداو توسكا تحت نظرات نوح ونظراتو شااف ف نوح وتوجه جهتو) : ... Buenos dias Nouh/صباح الخير نوح
نوح طلع عااينيه فطوني وطلع حااجبوو وزاد متوجه جهتو وهو كايغزز ف شفايفو غير وقف قدام طوني لي كايشوف فيه وداير إبتسامة بلهااء على فموو لي بسرعة ختافت منين شااف العجل لي دخل فيه بواحد اللكمة للوجهو وبلى مايرمش
نوح (عطاا للكمة لطوني لي جاا طاايح فوق طنوبيلتو وحط يديه على حنكوو وكاينين شااف فيه نوح وقال بعصبية) : ... هااد صبااح خيرك حيدها من فمك وزيدها فكرك اولد القح*ة
طوني كاايتلوى ويحك فدقنوو لي يمكن تهرس باللكمة لي عطاها ليه نووح
نوح (قرب جهتو وهزو من كمايم الكويرة ديالو ولسق وجهو مع وجه طوني لي علامة الالم باينين على وجهو) : ... باااغي تزهااا قولهااا اولد القح*ة قولهاااا مانخاليش شغلي معلق فعنقك قول ليااا انوووح ماابقا عجبني شغل معاااك و واقتها رووح تقااود
طوني (حط يديه على يدين نوح لي قااجو من جاكيطة ديالو وقال بشوية وهو كايحاول يتفك من بين يديه بدون اضارار) : ... ماا مايحسابش ليا غايبغي يقرب ليك تااني
نوح (خسر فيه صيفتو ودفعو بجهد من حوايجو) : الى كنتي راااجل وبااغي تبقااا معااشر رجال تبعني اولد القح*ة تبعني
غير قال كلامو زاد جهت طنوبيلتو مخالي طوني كاينفض حوايجو ويشوف لا يكون شيحد شاافو ههه وخصوصا لا يكونو الحلاقم مخشين فشي بلاصة وشاافوه حيت حتى هو ولاو كايتلهاو بيه مسكين
نوح زاد مخنزر جهت اللوطو ديالو غير ركب خدم الكونطاك وخرج يديه من السرجم ديال اللوطو كايشير بيديه لطوني لي جااا جهت اللوطو ديال نووح وفتح الباب وركب حداه لي غير ركب نوح قلع طاااير خاراج من الڤيلة ومقلع مع طريق مااكيشوفش قدامو
طوني بقااا سااكت وهو كايشوف فسااعتو ويحك فحنكو بواحد اليد ورااسو ضارو كاايقول فنفسو لفين غاادين على صبااح بقاا شحال هكاك صاابر كايقول نسولو ولا نبقاا سااكت بقاا شحال هكاك حتى سمع كلام نوح
نوح (كايشوف فطريق) : ... حل داك المجر
طوني (مد يديه لداك المجر ديال اللوطو وفتحو لقاا فيه زووج مسدسات جبدهم طوني كاايشوف فيهم وقال) : ... اخير ماكين
نوح مد يديه وخدا ليه واحد من بين يديه طلق من ديلكسيون ديال اللوطو لي غادية وحدها محكم فيها غير برجليه وحتى اطوماتيك مادرهاش ليها كايقلب فداك المسدس واش فيه رصاص لقااه عاامر برصاص وكاافي و واافي بنسبة ليه واخا تكون قرطسة واحدة كاافية ليه مع دااني
طوني (شااف ف نوح) : ... لفين غادين
نوح (خشاا المسدس من ورا ضهرو وعوط جلستو ورجع كايصوك وقال نيشان وهو عااينيه مضلمين) : ناااوي نقتل
طوني (رمش عااينيه ف نوح بصدمة) : ... ك كيفاش
نوح (زاد فسرعة ديال اللوطو) : ... كي سمعتي
طوني بقاا سااكت وهو كايضور كلام نووح فراسو يمكن كاايضاربو ويتقاتلو ب العصى وشحال من مرة شدو سلاح بين يديهم ولكن عمرهم ستعملووه للموت على انهم يقتلو شيحد فاايت ليهم عااوقو شحال من واحد من رجليه ولا يديه ولكن ضربة ديال الموت عمرهم داروها بقاا كايبلع فريقو وهو كايحك يديه مع داك المسدس وعااقلو كايدي ويجيب عارف نوح اش كايسوا عارفو ماشي حيط قصير لي جاا ينقزو عاارفو يقطع رجلين وريوس غير بلساانو ولكن حتى داني لا يستااهن بيه حتى هو ذيب فصفة إنسان رااجل حمق وماكيفكرش بالمنطق ولي جاات لراسو يديرها وربي كبير