جنون نوح ♡بالدارجة مكتملة♡

الجزء 21

◇جنون نوح◇
بارت 101

جلسات الماس وباشرو ب الاكل ونوح عااينيه غير فيها وكايتبنن ف طااجين ديالها هيا متوترة وحشمانة... من نظاراتو كلات غير شوية وجمعات يديها وشربات كوكا وهو كمل داك طااجين كلووو وكاايشوف فتوسكا بحالة كاايتعاند معه لي توسكا سلى ماكلتو وكاايشوف فنوح بعيون بااريئة بحال عطيني ناكول معاك ...
تغداو وشبعو عد رجع نوح كايشرب قهوتو على خاطرو وعااينيه متبعين الماس لي كاتجمع طاابلة
نوح: شاف فيها جات جلسات على الفوطوي جاامعة يديها عندها كاتلعب فيهم بتوتر حيت حاسة بنظاراتو ليها وهو عرافها باغا تسولو على شيحاجة

نوح: حط كاس القهوة من يديه وحك جبهتو بزوج صبع وغزز شفايفو بشوية وهو كايشوف فيها... احم سولي
الماس : شافت فيه ودغيا حنات عاينيها بتوتر وتشجعات ... ف ف فاين حنايا دابا
نوح: شاف فيها وطول الشوفة فيها... حنى فكثامة
الماس : بحالة ماسمعاتوش مزين يحزاب ليها غير تخايل ليها
الماس : ش شني
نوح: مسح على وجهو بسخط ... شنو لي مافهمتيش
الماس : نااضت بفرحة ... حلف حلف بالله يااحنايا دابا ف كثامة ههه دابا انا قريبة على عزيزة واميمة ههه (شهقات) هاااء اواااعدي هد الداار لي حنى فيها دابا هيا نفسى لي كنت معاك فيها وانا ستيتوا( ضورات عاينيها الكبار فدار بفرحة) ولهيلا ياا هيا ههه
نوح: بلق عااينيه فيها وفضحكتها وكايشوف فيها كيفاش فرحات منين عارفت راسها ف كثامة...
نوح: وهو عااقد 11فجبهتو نااض وجلس على الفوطوي حداها لي هيا سكتات وبقات متبعه بااعاينيها حتى جاا حداها...

نوح: جلس على الفوطوي وفرشح رجليه بجلسة رجولية وشااف ديريكت ف شوميني وف العافية ...
نوح: الرجال تهد الجبال والنسا تهد الرجال...

الماس : فهمات كلامو يمكن اول مرة تفهم شي عبارة منو حيت هادي بظبط عزيزاها كانت كا تقولها ليها ديما...
الماس : شاافت فيه وتشجعات ودارت راسها بحال ماسمعاتش اش قال وقالت... دابا تينا ماشي ولد نصراني
نوح: دار وشاف فيه بعااينه وطلع حااجبو فيها... يااقولي نتا يااسكتي
الماس : وجهها رجع حمر ندمات علاش سولاتو يالله جاات ناايضة وهو يوقفها بصوتو
نوح: عمري نكرت اصلي وفصلي
الماس : شافت فيه وبعدات عليه شوية وجلسات بصح باغة تعرفو شكون هو وتعرف اصلو وفصلو وعلاش كا يقولو ليه ولد النصراني
نوح: دار شاف فيها وحك على لحيتو وبقى كايشوف فيها عكسها هيا لي حنات عاينيها... جيت لكتامة صغير جاابني زمان الغدار لبلاد الكيف والحشيش على قبل ميمتي وخويا خدمت وتكرفصت شحال من وااحد دااز على راسي شحال من مرة طيحت ونوضت باش نوصل لفين انا دابا ماكنش هامني يكون حرام ولا حلال المهيم مانحنيش الراس وبرضات ميمتي وربي وصلت لفين انا واخا هكاك مارضيش على راسي اول مرا جيت لكثامة راجل لي جابني نصراني وهو لي قال للحاج انا ولدو ومشات عليا انا ولد نصراني...
الماس : فركات يديها فبعضياتهم وماطلعاتش عاينيها فيه حيت هو مزال مركز بنظارو فيها...
الماس : ام وتين(كانت غاتقول تينا وهيا تحبسها فحلقها🙂) احم ونتا علاش ماقولتيشي للحاج بلي نصراني ماشي بااباك