جنون نوح ♡بالدارجة مكتملة♡

الجزء 47

◇جنون نوح◇
بارت 229

☆الفصل الثالث بعنوان : أنت لي☆

قد لا أراك يوميا لكنني أحبك كل يوم 🌎💜

.... ملي كانخدو شي قرار مصيري ومجهول ماكنعرفوش اش كايستنانا هكدا وقع لنوح لي خدا قرار مصيري ومشى لروسيا
لي بهد القرار سمح ف قلب الحليب. وسمح فميمتو وتغرب تااني فبلادة الناس باش يقدر يفك راسو من قبضة دااني ويرجع لمراتو و لميمتو ودارو وهو هااني ومايبقاش شيحد كايهدد فيه...
(هادي شهر وهو(نوح) فمدينة نوريلسك الروسية كاينين فواحد المستودع كبير حاطين الاطنان ديال سلعة حدااهم كاايخدموها هو وشي 10ديال رجال صيفطهم داني من إسبانية كاايخدمو سلعة ونوح جالس هز بريك ديال النار وكايشوف الجودة ديال سلعة للحيتو كبرة وشفايفو تششققو بالبرد وعاينيه حمرين داليل على انه ما كيشبعش النعاس لابس سروال تجين وتريكو ديال صوف غليض وكبوط اسواد غليض وطربوش على راسو والقب ديال الكبوط بسباب البرد لي ملي جا وهو كا يمرض بسباب البرد لي عاندو منو حساسية كبيرة ودابا كايلبس شحال ديال الحوايج باش مايبردش
نهاار كلو وهو واقف وخداام كايشوف سلعة وكايعاون الدراري ف الخدمة لي كاايديرو الحشيش على شكل مكعبات ديال شكلاط وكاين لي كاايديروها ف الخناشي ويخيطهم وحتى كاايديروها ف البيدونات كباار ديال الماء كايعمروه فدوك القراعي ويخيطهم برحاش كاتجيهم سااهلة فتهريب ف البحر وماتفزكش اما لي كاايديروها ف الخناشي هادوك غايفرقهم نوح غا ف المنطقة

◇جنون نوح◇
بارت 230

أنت لي

.... شاعلين النار فواحد البرميل كبير وسط المستودع كايسخنو بيه ونوح عااقلو غاايب غير عااقد 11فجبهتو ولا على نقشة لي كاايهضر معه كاايقمعو كاايحس براسو عاايش تحت الضغط الاتفاق لي دارو بلى خبار دااني لي وقع عليه قبل مايجي لي طوني هو لي خربق الملفات لداني وخلاه يوقع على الاتفاق بلى ماايحس على اساس هادوك الوراق غير ديال الفلوس لي غا يخرجو من البنكة ولي غا يحتجهم نوح فسفر وهكذا ستحمرو دااني و وقع بلى ماايحس....
ونوح كايستنى غاا وقتاش يسالي هد الحزاق كلو ويمشي بحالو باالو مامعهش عقلو كلو مع حبيبتو مع الماس وميمتو شهر ما شفها شهر ما هضرش معها شهر ماسمع صوتها مااعرفش كيف داايرة ولا اش هما احوالها تغرب ف بلادة الناس تاني شحال هدا كان عندو عاادي كايقول ميمتي معها عمران ولكن مراتو ماايبغيش حتى بينو وبين راسو يقول فجنبها عمران حيت هو لي خص يكون معها وفجنبها مااشي خووه تفكير وعدم التركيز ستنفذ طااقتو ولا غا غادي وصاافي هاا شهر دازز وهو باقة ليه الخدمة لي مااعرفش كيفاش يدير يساليها بسرعة .... )

🎀الحوار بالاسبانية 🎀
عمر: (شاب جزائري حتى هو من المافية ولكن غير الكارد)... سي نوح سلعة لي غا تاخود هد صباح واجدة