جنون نوح ♡بالدارجة مكتملة♡

الجزء 95

◇جنون نوح◇
بارت 481

🎀🎀🎀 داااز دااك نهاار وداازت اربعة اياام بضبط لي فهااد اربعة اياام نووح كان مشغول مع محمد لاحساب القاضية ديال دااني وقليل فاش يرجع لدار اغلابية كايرجع غير ف الليل ومعطل اما الحريق لي فراسو غير كايحس ب الوقيتة ديالو قربات كايمشي يتعصر ف طنوبيلتو وغير يولي لباس يرجع لخدمتو
واما الماس كاتبقاا كاتستنااه مسكينة شحال حتى كاتخودها عااينيها وتنعس عااود ينوض فصباح ويخرج بكري غير كايفطر معاهم و يودعها ويخرج ومايرجع حتى لنصايص الليل وخصوصا هااديك الدار لي فكتامة وبضبط ف إساكن لي شرها من اخت الحاجة كايفكر يدير فيها مشرووع ديالو ويكون تما ف شمال مزال عااد كايفكر اش يدير فيها وحتى الخدمة تراكمات عليه ف إسباينا ف على داكشي كايمشي للشاركة ديال عمران وبلال من تماا كاايخدم خدمتو حيت دابا ماناويش يمشي لإسبانيا نهائيا ...
الماس هااد الايمات دازت غا توجد عااندهم للضيوف لي غاايجيو عند نوح هيا وامينة متفاهمين بحال اي ام مع بنتها مااشي عروسة مع مرات الولد اما الحاجة البوحاطية ملي يكون نوح فداار كاتبقا فبيتها ما كتعتبش باب بيتها وغير تعارفو خرج تنزل عاندهم عاادي وماكيبقى يضرها والو وامينة لي مافهماش البلان وحتى واحد ماعاود ليها على االحبس لي كان فيه نووح ولا على اش دارت الحاجة ....
اما الحلاقم تفرقو هااد اليومين نووح حلف ف بلال وعمران ولاو كايمشيو للخدمة ديما اما امين فهاداك ربة الكبدة على دراري مابقاش كاايبغي يرجع للشمال وكايتمنى العطلة تطول الام ديالو والاب ديالو كايطمئن عليهم غا فتليفون وصاافي. وملي كايمشيو للخدمة دراري كايبقاا يضور مع الحاجة زوهرة تعطيه بااش يتقهواا ههه كاتعطيه وكايخرج يضور ف رباط ويتسارة مع راسو ويتعنب على البنات ديال الرباط 😂 ...
...طااح الليل و العشاء ادناات هادا شحال و نوح اليوم غير مشاا منو الحريق جاا بكري للدار ما تعطلش كيف ديما غير جاا طلع البيتو مسخسخ لقى البيت خااوي عرف الماس ماكيناش هناا غااتكون غير ف الكوزينة مع اسية وامينة دخل دريكت للدوش دار دوش خفيف وتوضاء لاو فوطة على خاصرو وخرج جهت دريسينك لبس عليه سروال تجين وقاميجة كحلة ماخشهاش مع سمطة مخاليها مطلوقة على سمطة لي واخا هكاك سمطة كاتبان جاات القاميجة مطرطقة عليه طوا ليها كمايمها شوية وحل زوج صدايف مخالي عنقو وصرو يبان برجولية لبس فرجليه تقاشرو ومالبسش سبرديلة ولا صباط غير بانطوفة سوداء رجالية لبسها فرجليه ودار سااعتو ورش ريحتو وسرح شعرو لي مابقاش ليه الوقت حتى يحااسنو سرحو الور شوية وهز تليفونو وخرج من البيت هاابط التحت باغي يشوفها فين هيا متواحشها بزااف وكايغزز لساانو عليها م كثرة ما توحشها واخا كايشوفها ب الليل ونهار الا متواحشها وحش واحد خور مشى ديريكت للكوزينة لقى الكوزينة خاوية وفيها غير هيا واقفة حدا البوطااجي وكاتزوق واحد الكيكة بشكلاط لي شوية كاديرو ف الكيك وشوية كاتكلو كاتزوق الكيكة وكاادندن بواحد الاغنية وقف ف باب الكوزينة كاايشوف فيها كيفاش كاتتحرك مع هاديك البوطاجي وكيفاش صبعها عاامرين بشكلاط ومرة مرة تلحسهم بلسانها بقا متبعها بعااينيه وقرب عندها بشوية وهوا كياحك بصبعو الكبير جنب فمو برجولية
وقف من وراها وصور يديه على خاصرها حتى حس بيها قفزات ليه بين يديه وشهقاات
الماس : ... هاااااء
نوح (قرب لودنيها وقال بفحيح) : ... هششش
الماس (خدودها ولاو حمرين بالحشمة وقالت بصوت حنين وخفيف) : ... ن نوووح ههه
نوح (حط راسو على كتفها وقرب بوجهو لخدها وحط نيفو على خدها وهوا كايدوز يديه بشوية على كريشتها) : ... قلب نوووح
الماس (هزة يديه لي محرين وعامرين بشكلاط وكاتهز راسها بغنج حيت كايدغدغها بنيفو فحنكها) : ... ههه بعد خالتو امينة ولا اسية غاادي تجي هد
نوح (مغمض عااينيه كايشم فخدها) : ... ما محيدش
الماس : اواااعدي وخالتي
نوح واحد اليد خلها على كريشتها و واحدة طلعها وحطها على صدرها شدو بين يديه من فوق الحوايج كايحك عليه بيديه بشوية ويتنهد ليها فخدها
نوح (بصوت مبحوح) : ... بااغي نجرب الحو* ف الكوزينة
الماس (خرجات عااينيها) : ... ش شني 😳😳
...
نوح غير قال هااد الكلام حتى سمع تحنحين عقد حجبانو وحيد راسو من كتاافها وشااف من وراه لقاا ميميتو واسية وغفران وجههم حمررر
الماس غير سمعات تحنحين عرفات هاادو غير هما لي دخلو شدات عااينيها حشماانة منهم وقالبها كايضرب
نوح (شااف ف ميمتو) : ... اش حب الخاطر
غفران غير سمعااتو اش قال قلبات روايض خارجة من الكوزينة
امينة (حشمات وخصوصا سمعااتو اش قال ليها بقات غا كتفتف) : ... ام ه هاا جاو زعمة المهم ف صالون
نوح (عقد حجبانو ومسح للحيتو) : ... وااش واكلة التبن اميمتي دوي مقاد
اسية : الناس لي كاتستنى راهم ف صالون داخلهم امين قبايلة
نوح مزال شد الماس من خصرها ومقرب ليها اما هيا مزالة قالبة وجهها جهت البوطاجي ب الحشمة غير سمعهم اش قال بعد منها وزاد خارج وقبل مايخرج شااف فيهم
نوح : ... قولو للحاجة تهبط ..
وشاف ف الماس لي مزالة على حالها وخرج ...
امينة (مشات عند الماس) : ... هااااويلي على ديرو ليا الفاحشة ف كوزينتي 😳
الماس غير سمعتها اش قالت طلقتها بجرية طالعة لبيتها ومنها تعلم جدتها تهبط لتحت
.....
نوح دخل للصالون لقى سي حمد ومعااه واحد راجل كبير نوح قرب عند سي حمد وبااس ليه راسو وقرب عند داك الراجل لي كبير وبااس ليه راسو وجلس حدااه
نوح : ... كيف رااك اسي عبد سلام
عبد سلام (شاف فنوح وقال ومع حرف التااء كاينطقو ب حرف الثاء مع السنان لي ماعندوش) : ... بخير نثا لي كيف رااك
نوح (هز راسو مزين ... شاف ف سي حمد.) : .. الواليد ولا كايسمع مزين
سي حمد : الحمد لله بفضلك هاديك العمالية نفعااتو
نوح : مزين ونتا كيف رااك
سي حمد : بخير نحمدو الله
نوح شاف ف عبد سلام وبقاا سااكت ماعندوش مع كثرة الكلام وهوما هكاك حتى دخل بلال وعمران سلمو عليهم وجلسو حدا امين لي حااني رااس ههه وهوما هكاك حتى دخلات امينة واسية ب أتاي والحلوة شاافو السي حمد وتفاجؤ كان كايحساب ليهم غاا يكونو شي نااس غراب ...
امينة (حطات صينية ديال اتااي) : ...مرحبا بسي حمد كيف راك وكيف خاليتي ختي عائشة
السي حمد (حااني عااينيه احتراما ليها) : ... الحمد لله بخير كاتسلم عليكم
امينة (شافن فالحاج عبد سلام كاايبان رااجل كبير) : ... مشااء الله اسي حمد شكون هاادا
سي حمد : هاادا الواليد ديالي الحاج عبد سلام
امينة (قربات عااندو وبااست ليه يديه حيت كاايبان راجل كبير ماشي باقي صغير) : ... كيف نتا الحاج بخير
الحاج (شااف فيها رااسو قرع وسنانو طايحين وللحيتو بيضاء وتجااعيد فوجهو وفيديه ولكن لي زوين فيه عااينيه خااضرين وبااينة كان فأيامو تيتيز لابس عليه جلبية بيضاء وبلغة صفرة وريحت المسك كاتعطعط منو) : ... الحمد لله ابنثي ونثي
امينة : الحمد الله نشكرو الله