جنون نوح ♡بالدارجة مكتملة♡

الجزء 115

◇جنون نوح◇
بارت 581

اما امين هاداك غير جاا عمران توجه هو للغرفة لي فيها الماس و وقف قدم الباب ماتحركش من تمااا البنت بحاال ختوو تربات على يديه فاا مستحيل يسمح فيها فهااد الضروف وخصوصا خاايف يتلهاااو مع نووح وينسااوها هياا واكيد دااني غاا يلقهاا فرصة ليه ويدير فيها مااعجبوو حيت الجبل لي كاايردعو العجل لي كايخلعوو طاايح الدخل بحال شي جثة هامدة
وهوما هكاك جالسين حتى شااافو نوح خارجين بيه مزال على حالو من غير دايرين ليه واحد شبكة على راسو كلها سلوكة وحتى شي سلوكة على قلبو ومعلقين ليه سيروم ودايرين ليه القرعة ديال الاكسيجين مزال بسروالو وبسباطو غير من الفوق عرياان طاايح فوق داك البياص بحال شي عجل لونو شاااحب وفموو بيض ماكيرمش... من بعد ماادرو ليه عدة فحوصات وشخصو حالتو مزين جاا وقت العملية الجراحية لي غاتحسم مااصير نووح يااامشلول يااا متوفي

امينة غير شاافتو هيا وعمران نااضو كايجريو جهتو
دكتور: رضوان دكتور ثااني وهو لي غاايقوم بالعملية لنووح راجل كبير شوية ومعااه حتى دكتور الاول لي شخص حالة نووح ل امينة وعمران هو دكتور ياسير
قبل ماتقرب ليه امينة حتى كاانو خداوه كايجريو بيه فداك الكلوار مدخلينو للغرفة ديال العمالية لي جاات قدام الغرفة لي فيها المااس نااضو كلهم ومشااو لتماا واقفين على اعصابهم
امينة مخشية فحضن عمران وكاتبكي قلبها غاايخرج بالبكاء تسهطات مسكينة بالها غا مع نووح اما هااديك لي لداخل كاتتنفس بززز مااحس بيها حد نسااوها من غير لي من دمهاا امين لي مااتحركش من حدا بابها كايستنى غير شي فرملية ولي طبيبة تخرج ويطمنوه عليها

عند نوح🎀

غير داخلوه الغرفة العمليات الجراحية حطوه على سرير
دكتور رضوان قرب للراس ديال نوح كايحيد منها هاديك شبكة وشي سلوكة دايرينهم ليه فوق دماغو حيد ليه كولشي وشااف فالراس ديال نووح لي قرعوه ليه حسنو ليه راسو كلو على قبل العمالية اما واحد الفرملي كايفتح ليه سمطة ديال سروال حيدو ليه سباطو و حوايجو كلهم مخالينو زبط من غير ستروه بواحد الغطى خفيف من التحت
دكتور ياسير (لابس عليه الحوايج ديال العمالية بحال دكتور رضوان وقرب جهتو) : ... نبدااو
دكتور رضوان : على باركة الله اولدي
ضاارو عليه عدة فرمليات وفرملي كل واحد وشني حااضي هالي داير بالو مع تخطيط القلب هالي داير بالو مع الطونسيو هالي داير بالو مع ضغط الدم كل واحد وشنو كايدير صوت الالة ديال تخطيط القلب ف الغرفة مسموع كاتسمع غير تيك توك تيك توك تيك توك
الاطباء بداو خدمتهم وبداو يفتحو فراس نووح وكايقلبو على العرق لي فيه المشكل على داك العرق لي دوزها على نووح لمدة 6شهور واكثر مرمدو وجندخو وعاايشو لليالي ديال الالم وهادشي كاان فيه غير ديفو وااحد وهو فيه الدم مكبد كان يحتاج عمالية صغيرة يقدرو يسرحوليه العرق وصاافي .. ولكن بإهمالو لصحتو طرطق ليه العرق بالاعصااب وبتفكير وبظغط لي كان مضغوط طرطق ليه العرق فراسو وهاهو دابا يااربحة ياادبحة عفواا يا دبحة يا دبحة بحال ماات بحال بقااا يااك ياا يمووت يا يتشلل فامعندوش حاال ثااني ولكن كيف قال عمران ربي كبير وكولشي بيد الله...رااجل لي كان يهد جبال غير بصوتو وكولشي داير ليه حسااب والف حسااب رااجل لي عمرو تلاح فسبيطار او نقولو عمرو فحياتو وصل ليه من غير مع الماستو ولا مع ميمتو ولا خوه .. وهااد المرة دخل ليه شوف يخرج شوف مايخرج وربي يرحم الجميع برحمتو ويرحم نووح ياابموتو يابحياتو
الماس طاايحة على سرير دايرين ليها الاكسجين وعااينيها مغمضين ودموع طايحين ليها من عااينيها بززز كاطلع النفس مهدودة على سرير غير كريشتها منفوخة قدمها بحال شي كميشة و قلبها لي كايضرب بعنف داخل صدرها العافية شااعلة فيه كيف ديما رجعاات اللومة لرااسها رجعاات اللومة لنفسها بلي هيا سبابو حتى وصل هناا ماعرفاش مسكينة هياا غير سباب وصافي اما نوح سبيطار وهااد الحالة كان غاايوصل ليها غايوصل يا بسببها يا لا حيت هادشي لي مكتاب ليه وهو غير إنسان قد ماكان قوي غاايجي وقت ويويلي ضعيف وكيف قالو ناس زماان رابح من المرة والخااسر من المرة والماس بنسبة لنووح كانت هيا ربحو وراس مالو من هاد الدنياا والى كان وصل لهاد الحالة فا ماشي بسببها هاادا غير مكتابو و واش قدر عليه الله
اما هيا عقلها صغير وردة فعلها كانت طبيعية مااشي معقول تشوف جزء من ماماها لي توفات ملي ولدتها وحملات بيها وهيا كارهة راسها و ولدتها وهيا فرحنة بيها تشوف جزء من ماماها وماتبكيش وتسمع على الالم والمعاناة وصراع القاتل لي عااشت فيه الام ديالها وهيا كاتغتصب وماتحماقش فراه خاصها تكون بدون قلب وبدون رووح فاا ردة فعلها مع نوح كانت طبيعية وماجاش نوح وقال عليها قلب الحليب مااقال ليها قلب الحليب الى وفعلا قلبها حليب
امين وعمران وبلال واقفين بثلاثة بيهم مع الحيط وجههم شااحب وعقلهم غاايب كولشي على اعصابو اما الحاج العاقيل وامينة فهادوك جالسين على كراسة جابهم ليهم بلال يجلسو ويرتاحو شوية ... امينة دمعتها مانشفاتش على ولدها الكبير الولد لي هزها من الفقر وجوع للخير والخمير.. الولد لي واخا تزوج ودار مراتو بقا معها هو هو ماتبدلش مانساش ميمتو ماحسسهاش بلي راني صافي تزوجت غااضبري لراسك بالعكس معاملتو مع مراتو نفس معمالتو مع ميمتو نووح عمرو تبدل نوح قلبو حنين واخا يعيا يقصح فقلبو مع البراني مع ميمتو ومراتو كايرطاب ويولي هشيش زبدة.. فكرة ان ولدها يمووت مابغاتش تدخل ليها لراسها كاتقول يااربي يبقاا لياا ولدي يااربي يعيش ليا ولدي يااربي واخا يتشلل نهزو فضهري ونوكلو بيديا ونبدل ليه ونغسل ليه غااولدي يبقاا لياا الحاصول غااتحمااق مسكينة
داازو سعاات وسعاات وهوما واقفين تمااا تقريبا اكثر من 6سعات وهوما واقفين ماخرج عندهم حتى واحد وماشافو حتى واحد ل خباار ولا والو غير هما لي واقين فداك الكلوار وكولشي سااكت حتى حد ماكيهضر كولشي سااكت وضاارب طم
حتى لوحد دقيقة حتى شاافو الغرفة لي فيها الماس تفتح باباها كايشوفوها خاارجة كاتخطوي برجليها وعاينيها مقلوبين غير شاافتها امينة نااضنت جهتها وشدات ليها فيديها مخرجها عندها وحتى عمران معونها نااض الحاج من كرسيه وجلسوها هيا
امينة (جلسات قدامها على كرسيها و كاتمسح ليها على خدها لي فاازك بدمووع) : ب بنتي هئ سمحلي مشطونة مع نوح ع هئ علادكشي م هئ مدخلتش عندك هئ
الماس خشات راسها ف حضن امينة نيفها حمررر و دموعها طايحين وهيا سااكتة غير شهقة كاتطلع ليها صوت باش تهضر ماعندهاش وكاتحاول تتنفس هواء طبيبعي عاادي ... وهوما هكاك حتى جات طبيبة لي كانت مع الماس جاات دخلة للغرفة لي فيها الماس وهيا تقشعها
طبيبة (توجهات عند الماس) : ... ماشي اول مرة تجيك كريز؟؟
الماس طلعات عاينيها فيها ماجوبتهاش
امينة (شاافت ف الفرملية وجوبتها بصوت مبحوح ب البكا) : ...لا فايت ليها جاتها
طبيبة (جبدات واحد الكريطنة من جيبها كاتفتحها وتهضر) : ... من هناا فوق غااتولي تستعملي الربو حيت تقدر تجيك كريز فأي للحظة لقينا عندك حساسية الربو التحسيسي
عمران قرب عندها هو وامين اما امينة خشات الماس فحضنها كثر ماعرفات تبكي على ولدها ولا على مراة ولدها المصائب جاوهم دقة واحدة الله يستر
عمران : ك كيفاش
طبيبة (شاافت ف عمران) : ... الرابوز غاتحتاج ليه ملي يجيها ديق ف التنفس غاادي تستعملو وتولي مزين راه هيا ملي كاتبكي كايتخنق كايتسد ليها الانبوب ديال الهواء لي كاياخود ليها الهواء الرئة ديالها كايتخنق ملي كاتبكي بزااف ويقدر يسبب ليها هادشي فكريز خااطيرة الله يحفظ على داكشي ضاروي من الرابو و خصوصا هيا حاملة خاصها تاخود إحتياطتها
امين : واش ديما تستعملو
الطبيبة : لا غير منين تحس براسها تخنقات غير تستعملو وتولي مزين وضروري فين ما مشات تاخدو معها وما عندوش شي اثر جانبية على الجنين يااعني عاادي
عطات الطبيبة رابوز ل امينة لي عنقات الماس عندها بجهد وبقااو سااكتين صاافي هادشي لي كان نااقصهم غير الماس تمرض حتى هيااا ويتزاد ليهم هم فوق هم ولكن حمدو الله بعدا ماشي بحال نووح لي ماعرفو اش عاندو
سول عمران هاديك طبيبة على نوح لي قالت ليهم ماعرفاش وداكشي ماشي من اختصاصي ومشات بحالها مخاليهم كايستنو شيحد لي يطمنهم ستة سااعات وهوما لدااخل وحتى حد ماعلمهم بشيحاجة شحال وهوما على اعصابهم وحتى حد ماطمنهم