جنون نوح ♡بالدارجة مكتملة♡

الجزء 83

◇جنون نوح◇
بارت 421

غفران (بقات غااسكتة بحالة جاب ليها الله غاا كيقول) : ... و واش من نيتك
بلال (شد ليها فيديها وحطها على قلبو) : ... غفران راه بصح دااوي بااغيك
غفران (نترات يديها من يديه وغوتات عليه) : ... بلال انا ماشي لعبة عندك رااه هاديك غفران الهبيلة مابقاتش يمكن واحد الوقت دليت براسي ليك فادابا لا دقة لي خديتها من عندك قواتني
بلال (مسح على للحيتو بيديه وهوا داير واحد اليد فوسطو وساط بجهد) : ... ن ندمت ندمت حتاا شااب رااسي اغفران
غفران (شافت ليه فشعرو وقالت بطنز) : ... ماشفت لا شعر شاايب لا زمر ياعني ماندمتيش
بلال (دار راسو ماسمعهاش) : ... سمحليا
غفران (شاافت فيه) : ... علاش درتي ليا هكاك
بلال (قوص حجبانو وشااف فيها وهوا على وجهو علامة الندم) : ... كنت برهووش
غفران (ضحكات ب الغدايد) : ... ياك انا لي كنت برهوشة ياك هكدا قولتي ليا
بلال : ندمت اغفران
غفران (شافت فيه وعيونها تعمرو بدموع) : ... ع علاش درتي ليا هكاك هئ
بلال (وتك على الحيط ورجع راسو للور وشااف فيها) : ... كانعرف غاانتفلى على بنات الناس ونتي مابغيتكش تكوني منهم
غفران (شافت فيه) : ... هئ وعلاش قولتي ليا هكاك هئ كون جيتيني نيشان ماديرش ليا هكاك انا هئ شفتك وبغيتك وجيت ع عاندك وعترفت ليك هئ
بلال (عض شفايفو مغدد) : ... كنتي صغيرة ا غفران كيفاش بغيتيني نبغيك وانا حاسبك بحال ختي امم ولكن دابا لا مااعرفتش كيفاش ولكن باغيك تكوني ليا
غفران (هزات راسها بلا) : ... لا هئ ما صغيراش هئ كنت راه ف عمري 16 هئ راني كبيرة دابا ماغديش تضحك عليا بزوج كلمات ملي كنت انا بغاك نتا ما كنتيش باغيني وحتا انا مابغاكش بيت نكمل قرايتي ونبني مستقبالي ونبغي راجل هوا لي يبغيني الاول ماشي انا
بلال (قرب ليها وشدها من كتافها مقربها عااندو) : ... غفرااان ما تقوليش هكا راه ماحسيت بقمتك حتا مشيتي ما تحاسبينيش على قلة عااقلي واصلا كون بغيت فهاديك اللحظة وقولت ليك حتاا انا كنبغيك كنت غانكون غا كداب ونضحك عليك كيف ضحاكت على لي فااتو
غفران (نترات ليه من يديه ومسحات دموعها وهزات راسها بواخا وهيا تقول ليه كلام لي هادي عاام غرسو ليها فقلبها ودابا باغة ترجع دقتها) : .. واخا إوى شوف ابلال نتا مزال صغير ومبرهش ماعرفش راسك اش كاتقول من الاحسان ليك تمشي للبيرو ديالك وتبع خدمتك اما الحب وداكشي مايصلاحش ليك كبر عقلك وما تبقاش برهوش وانا خااصني شي حد لي يكون كبير وشاارب عااقلو مثلا بحال خويا نووح اما نتا انا ماشي من سهمك ونتا ماشي من سهمي اكي
بلال (خرج عااينيه فيها بصدمة نفس الكلام لي كان قالو ليها هاادي عاام) : ... غفران
غفران (عقدات فيه حواجبها) : ... فووت ساحتي وخاليني ختك
غير قالت ليه كلامها خرجات من داك البيت وطلعات كاتجري فدروج حتا وصلات لبيتها لي كاتنعس فيه هيا واميمة كان خااوي تلاحت على الفراش كااتبكي بسكات وهيا كاتفكر هاادي عااام اش وقع منين كانت جات فعطلة الصيف عند ماماها وبقاو هنا ف الفيلة كاانت معتبرها بحال ختو لا هوا ولا عمران يضحكو معها ويقشبو معها لدارجة منين يخرجو يخارجوها معاهم عاادي ولكن هيا كانت اغلاب الاوقات مع بلال حيت ضاحوكي كثر من عمران كايضحك معها بزاف ويقشب عليها وحتا هيا هكاك تعلقات فيه لدارجة تقول ليه ملي تجي من الخدمة جيب ليا معاك شكلاط ولا اي نوع من انواع الحلويات وحتا هوا ما يخسرش ليها الخاطر شخص مارح عتبرها بحال ختو كان إهتمامو بيها عاادي ولكن هيا لا بلى ماتحس جاتها مراهقتها عليه بلى ما تحس براسها تعلقات بيه تافكيرها كلو تعلق ف بلال وقلبها ولا فيه غا بلال كااتشوفو كيفاش كايهتم بيها ومايخسرش ليها وهيا تفهم غلاط بلى ما تحس فتحات قلبها ليه مخاليه يعبر بوابة قلبها ويتربع عليه ماهيا مراهقة جاتها المراهقة عليه وبغااتو..
حتا لواحد النهار لي شافتو مع واحد البنت كان جا لدار من ورا شيحاجة وجابها معه مخاليها ف الوطو ديالو ومع هيا كانت ف جردة شاافت هااديك البنت منين كانو ف اللوطو كيفاش قرب لهاديك البنت وبااسها من فمها وماابعدش طول معها ف القبلة غفران لي كانت شافت كولشي على عاينيها وبغاات تمووت ب البكاء قلبها تعلق بيه بلى ماتحس ومنين شاافتو مع هاديك نااضت فيها العاافية ديال الغيرة بقات حاضياهم حتا تحاركو وهيا جلسات فهاديك الجردة مابغاتش تدخل لداخل كاتبكي وتشهق وهيا كاتقول هو ديالي وكايبغيني كيف كانبغيه وغاايجي ونقول ليه كولشي بلي انا كانبغيه وما نخاليهش ليها وفعلا بقات كاتستنها تما حتا طاح ضلام وهيا تشوفو داخل بطنوبيلتو مشات جهتو كاتجري وهيا كاتبكي غير وقفات حداه وهوا نزل كايهضر فتليفون وطايح بتعناب فتليفون وغير شافها قدامو وهيا كاتبكي قطع وشااف فيها بإستغراب وسولها
بلال : غفران م مالكي