جنون نوح ♡بالدارجة مكتملة♡

الجزء 132

◇جنون نوح◇
بارت 666

غير تغداو نااضت الماس وامينة معاهاا ناضت غا تطلع بحالهاا باش ترضع بنتها وترتح اما بليل ماغتهبطش حيت جااين الرجال وغايديرو امسية غير ديال الفقهاء والشيوخ و المستمعين
غير طلعو الفوق وفتحو الباب ودخلو وهوماا يلقااو شيخ الشباب اسي نوح البنداري جالس على سرير بكل أناقتو ورجولتو وهيبتو وهز بنتو بين يديه وكايشوف فيهااا كان لابس عليه بحال اللبسة ديال العيد تقريبا جبادور ابيض وفوق منو جلبة بيضاء وبلغة ف الابيض حتى هياا لابس سااعتوو وخاتم زواجو وريحتوو مالية البيت
امينة (غير شاافت نوح وهياا تصلي على نبي بصوت خاافت) : ... صلات على نبي ومشاء الله عليك اولدي ربي يحفظكم من العين
نوح (شاف ف ميمتو) : ... امين
امينة (قربات جهة ولدهاا وباست ليه فوق راسو وهيا ماقدهاا فرحة بيه وهبطات عاينيها للحفيدتهاا) : ... شااامشومة البنداري هههه اااش هااد زين ابنتي ااش ههه
نوح هز عاينيه ف الماس لي واقفة وكاتشوف فيه طلعهاا وهبطهاا بعاينيه وعوج راسو غير بشوية كاايشوف من وراهاا لا يكون شعرها مطلوق من وراا ضهارهاا طلع عاينيه فيهاا
نوح : جلسي
الماس (توجهت جهتو وجلسات جنبوو الماس جالسة على جنبو اليمين وميمتو على جنب الشمال ودايرينو هو ف الوسط شاقت ف بنتها وهزات صبع يديها كادوزهم على خدودها الموردين) : ... واش بكات
نوح : لا
الماس (ضورات عاينيها ف البيت) : ... وعزيزة فايناهيا
نوح (يالله غايدوي وهو يسمع الدق ف الباب) : ... دخل
دخلات الحاجة زوهرة ومن وراها الحلاقم لي عاينيهم ف الارض داخلين وحتى هماا محلقين على الحالة ناوين يجلسوو مع رجال فسبووع
نوح (غير شافهم وهو يعض شفايفو وخنزر فيهم) : ... ياااك لبااس
الحاجة (شاافت ف نوح) : ... جبتهم يشوفو بنتك شاامة ابني
امينة (ناضت جهتهم وهيا كاتضحك وشدات عمران وبلال من يديهم وحتى الحاجة شدة ف امين لي بززز مسكد الوقفة) : ... ههه اجيو تشوفو زين هههه
نوح بقاا مخنزر وهوما كايشوفهم قربوو جهتو يشوفو شاامة لي طلعو بثلاثتهم عاينيهم ف بنت نووح غير شاافوهاا وهوماا يخرجو عاينيهم و اولهم امين لي بقاا مبعصص فيهاا عاينيه
امين (تكلم بلى مايحس) : .. ارسول الله
نوح غير سمعو وهو يركز بنظارو فيه اكثر وحضن بنتوو لصدروو بحالة مخابيهاا وهو مخززز فيه وكاينعل شيطان ماينوضش يفرتشخ بووه
عمران (شااف فنوح وهو مزين وجهو بإبتسامة) : ... مبروك اخوياا تتربااا فعزك وفعزناا إن شاء الله
نوح (هز راسو بشكر) : ... امين
بلال : مبروك زيادة
امين (مقدرش يطلع عاينيه ف نوح) : ... مبروك
نوح : الله يبارك فيكم
الحلاقم شافو ف المااس وباركو ليهاا حتى هيا امينة تحنات على شامة وهزتهاا من يد نووح وخلاتو غير كايشوف غير هزتها من حضنو وحطتهاا فيد خووه عمراان وهو يعض شفايفو ورجع راسو للجنب ما كيشوفش فيهم ركز بنظارو ف المااس وهو عض على شفايفو بجهد
عمران (هزها بين يديه كايشوف فيهاا ويضحك) : ... هههه وااافين اعاامو ههه
بلال (قرب ليها وباسها فوق راسهاا) : ... ويتك ويتك على زين هههه
امين (هاداك بغاا يطير بحالة غير شافها وهو يصحصح) : ... عندنا الزين سلالة من ولد الخال للخالة ههههههه
نوح ماقدش يصبر ونااض بحالو لا ينوض يهرس شيحد فيهم على قبل بنتو ... زاد خاارج بحالو يجلس مع رجال حيت دابا المغرب قريب يأذن ورجال غايبداو يجيو وهو بنفسو خص يستقبلهم
امين غير قشع نوح خرج وهو ينقز على شاامة بواحد البوسة للحنك حتى مسيكينة خلاعهاا وناضت تبكي فيد عمران
الحاجة خرجات عاينيها ومشات ل امين دفعااتو وهزات البنت من على عمران وبقاات كاتهززهاا باش تسكت وفنفس الوقت كاتعاير ف امين
الحاجة : ... تيناااا خااصك تبوووس البغال من دوك شفايف الله يعطي لبابك سريسرة كنتي باش طير الحنك د العايلة
عمران (شاف ف امين وخسر صيفتوو) : ... ومنين نتاا كاتحمااق على الولاد اولد الكلبة سير تزووج وديرهم
امين (كايشوف ف شاامة لي سكتات) : ... انااا بربي ما نتزوجهاا
بلال (شاف ف امين) : ... شكون لي تقبل عليك نتاا اصل
امينة (خنزرات فيهم) : ... زيدو بحالكم عااندو يرجع ليكم ويهرس لباباكم دااك الفم
امين (شاف ف الماس) : ... ختي المااس اناا خوك يااك
الماس (شافت فيه وضحكات) : ... ههه اه خااي
امين (حط يديه على فمو وكايرغبهاا) : ... العاار غير تكبر شاامة زوجيهاا ليااا