جنون نوح ♡بالدارجة مكتملة♡

الجزء 63

◇جنون نوح◇
بارت 311

★جنون نوح★انت لي★

بشوية ويضربو بجهد مع الارض وسي حمد كاايحاول يهدنو بالقران ولا يخفف عليه

نوح شد بقبضة يديه على سي حمد و هو كايحس ب القران بحالة كايعطيه وحد رااحة كاايحس ب تبوريشة طالعة معه مااعرف واش يتصنت ل القران لي كايحس بيه كايهدنو ولا ل الحريق لي غا يشقق ليه راسو بقاا شحال هكاك هو كايتقطع وسي حمد لي مستغرب من حالتو ماعرفش اش بيه ولا شنو واقع ليه تقريبا سااعة وهو هكاك حتى حس براسو تخشب عليه نهائيا ومابقاش كايحس ب الحريق من غير بعض وخزات الابر راسو تخشب عليه مااقدرش يهزو هز عاينيه ف سي حمد لي ماعرف اش يدير مابغاش يمشي يعلم مراتو لا يخلعها ولا حتى حد فيهم وخصوصا ان نوح شد ليه على يديه بجهد وكأنه مابغيهش يمشي لفين وخاايف يمشي يقولها ليهم ويخلع الماس. وحتى أدن صلات العشاء فاتت عليه ومأدنهاش بالخوف على نوح

بقى شحال هكاك مخشب عليه راسو وسي حمد باقي كايقرا القران الكريم ويشوف فيه وجهو ولا مزير ماتفسروش والعروق تنفخو فراسو والعرق هاابط عليه ولا كاايخلع ومع فااتح عااينيه وكايشوف فسقف المسجد المنظر ديالو كاايخوف قول رورحو غاتخرج بقى شحال هكاك حتى حس براسو ولا كايخفاف عليه شوية بشوية وبداو مالمح وجهو كايترخاو ومابقاش مكنزز ومزير كيف الاول هز راسو بشوية وشاف فسي حمد لي فوق راسو كاايقرا عليه القران وباينة فيه مخلوع عليه طلق ليه من يديه و طلع يديه بزوج حاطهم على راسو وكأنه كايدلكو بصبااعو بقى شي 5دقايق هكاك كايكرر عملية تدليك حتى ولا كايحس براسو مزين وهو يوقف راسو بشوية وسي حمد متبعو بعاينيه ناض من الارض وجلس جالس مربع رجليه كاايرد النفس ويغزز شفايفو من وخزات الابر لي كايجيوه مرا مراا

سي حمد : صدق الله العظيم. (شاف فنوح وقال بتساؤل وهو كايشوف فيه ويفحصو بعااينيه وحط يديه على كتفو... ):
اش هادشي اولدي اش هد الحالة كنتي صاحة سلام بحالك بحال العجل

نوح(طلع فيه عاينيه الحمرين وقال بصوت متعوب ومبحوح): واالو مولف دابا مزين

سي حمد ( خرج عااينيه فيه): كيفاش هد مولف واش فاايت جاك هاد الحريق

نوح(مسح على للحيتو):تقريبا 5 شهور وانا كانعاني منو حتى وليت مولفو

سي حمد : واش من نيتك ابني واش عاارف راسك اش كاتقول راه هد.الحريق مااشي طاابيعي راك بحالة كاتنتحر بهد الفعل وبهد قلة الاهتمام لي فيك

نوح(بسخط):صافي بدل الموضوع

سي حمد : 5شهور ديال الحريق وبااقي باغي تبدل الموضوع راه خاصك طبيب خاص تشوف اش كاين فهد راس راه نتا ماشتيش راسك كيف رجعتي بالحريق