جنون نوح ♡بالدارجة مكتملة♡

الجزء 84

◇جنون نوح◇
بارت 426

نوح : ومن بعد
طوني : قال فشكاية على أنك تزوجتي ب بنتو لي مزالة فسن قاصر وبلي هوا كانت عااندو علاقة حب مع الام ديالها و وقعو شي مشاكل ولا منعرف وتفارقو وهيا بقات حاملة وبلي ولدتها وتوفات وهوا شحال وهوا يقلب على بنتو لي ربتها جداتها وملي لقها لقاك بلي تزوجتي بيها المهيم راه خارج فيلم ميريكاني ودابا على ماسمعت بلي الاستدعاء صيفطوها ليك للمغرب
نوح (غمض عااينيه بسخط وغزز على سنانو) : ...مزيان
طوني (بإستغراب) : ... نوح واش سمعتي اش قولت ليك
نوح : صيفط ليا العنوان ديال دارو
طوني (حك دقنو) : ... واخا
نوح قطع عليه وشاف جهت الماس لي مزالة نعسة وزير على قبضة يديه حتا ولات زرقة ومشا متجه للدوش بسرعة ... دخل تحت الرشاشة بسرعة كايغسل وهوا مكنزز على راسو ب الاعصاب نااري ويكون قدامو دابا يفرتشخو دوش بزربة وهوا كاايشوف كتاافو كيفاش مقمووش عند الماس ومحفور بضفارها
غير سلى ودار الوضوء الكبير محايد الجنابة غير سلى لوا فوطة على خااصرو ومسح شعرو خرج من الدوش بسرعة ومشا لتليفونو هازو لقااه صايفط ليه عنوان داني حك على للحيتو مغدد ديال بصاح لاح داك تليفون ومشا هز حوايجو لي كانو عليه كايلبسهم لبس عليه كولشي حتا من صباطو لبسهم ومشا متوجه عند الماس لي ناعسة جلس فجنب الفراش كااايفيقها بشوية وهوا كاايشوف فيها
نوح (بصوت مبحوح) : ... Mi belleza /جميلتي
الماس غارقة ف نعسها مااحساش بيه مسكينة مهدودة عااندو وحتا البكي لي بكاتو اليوم والغوات لي غوتات لا من شهوة لي كانت فيها ولا من الخوف عليها ما قدراش تحل عااينيها وخصوصا مع الحمل كاتحماق على شيحاجة سميتها نعس ماشي كاتنعس كااتغيب
نوح عرف راسو سخسخها اليوم عيا يفيق فيها و والو ناض واقف ودخل للدوش جاب حوايجها وخرج عندها شافها مزالة غاارقة جلس على الفراش وهز ليها راسها كايلبس ليها ف بيل سماطي ف الابيض لبسها ليها ولبس ليها حتا سليب وهوا عااينيها ما كيهداوش غاارق ف تفاصيلها لبسها عليها الحوايج تحتين وشد الكسوة كايلبسها ليها وهيا مرا تحل عااينيها وتشوف فيه ومرا تغمضهم دقة واحدة وتبقا تمط فشفيفاتها بصوت ... شاف ليها فشعرها مااغيعرفش يجمعو ليها مع طويل ماعرف اش يدير شاف فداك اليزر ديال الفراش وهوا يهزو كمشها فيه كلها ما مخالي فيها كايبان والو مشا جهت طابلة هز تليفونو دارو ف جيب ودخل للدوش وهز تليفونها وشي لاخور غادي يوصي عليهم صحاب لوطيل يجمعوه ويصايفطوه ليه للدار ....
رجع ليها هزها بين يديه وزااد خاارج ومعا دابا هاديك 11 ديال الليل ولوطيل فيه شلى فروع ها فرع ديال الريسطو وفندق و ديسكو وكازينو المهيم فيه شحال من حاجة والدنيا عاامرة والبرجوازين كايخرجو غا بلليل وهادي هيا سعتهم ديال الخروج غير خرج كولشي بقاا كاايشوف فيه ماعرفين اش هز ما كتبانش ليهم فداك ليزار لوكان ما الماس مضورة يديها على عنقو كون قالو هادا قااتل شي روح وغاادي دابا يلوحها فشي بلاصة
نوح ما مسوقش ليهم غا عاقد حجبانو ومخنزر وزاد هابط فلاسنسور غير خرج من لاسنسور مشا للإستقبال عطاهم بطقة الغرفة و وصاهم على اي حاجة كاتخصو يصيفطوها ليه وزاد مخاليهم كايشوفو فيه غير خرج لقا الكارد ديال الاوطيل جاب ليه طنوبيلتو وفاتح ليه الباب ركب الماس هكاك ودار ليها سمطة وضار هوا لجهتو ركب ومدارش السمطة خدم الكونطاك وزاد محرك مع طريق طاااير ...
الماس هاديك شابعة النعس مع راسها شكون بحالها لقات راجل بحالو داير ليها بحال الماء القليل ارا غاا تطلق راسها معاه وماتتعندش يدير معها كثر من هكدا ....