جنون نوح ♡بالدارجة مكتملة♡

الجزء 126

◇جنون نوح◇
بارت 636

غاتقولو علاش المااس كاتبكي اكيد ماغتبكي عدنان كايبقا خالها من دمها ودم مها بكات عليه على طريق لي مشاا فيها و وصلاتو للموتو كاتبكي على حرقة جدتها لي ولدات ورباات واحدة دفنتها هادا شحال تحت تراب ودابا غاتدفن ولدها الثاني حتى هو تحت تراب... قلبها ضرهاا على جدتهاا وماتكدبش ضرها حتى على خالها واخا ماشافت منو غير الويل الى بقااا فيهاا.. ومازادت حرقت الماس غير منين سمعات الحاجة اش كاتقول وتبكي هناا الماس تصدمات وتشلالت مسكينة
الحاجة (كاتشوف ف نوح لي معنق المااس وعاينيه ف الحاجة كايشوف وسااكت حتى هضرات هياا كاتبكي وتشهق) : ... هئ هئ ه هاااد الدنياا غريبة وعجيبة هئ هاااد الدنياا غدارة هئ و ولدي حبيبي حبيتو من قلبي وقطعت من لحمي و وكلتو هئ و ولكن هو طعااني هئ وطعنة الحبيب بكاتني ت تبع لياا ولد الحرام ل لي تعداا لياا على ختو وقتلها ف شببها هئ ه ها هو قتلوو وقتل راسو هئ هاا النصراني ولد الكلبة جااب اخرتو واخيرة ولدي المسخوووط على يديه هئ هئ (هزات راسها الفوق كاتدعي وتبكي) ي ياااااربي هئ يااربي كيف رزااني ف بنتي شااامة رزيه ي يااربي هئ يااربي كيف شتت لياا عشي وشتت ليااا ولادي يتشتت عندك ياااربي هئ ك كيف خدالياا عدنان عاااندوو وحرم ولدي راسو من رضاات ميمتوو حرمووو من رضاااك هئ ي ياااربي ك كيف شفت الويل ب سبابو يشوف الويل عندك هئ هئ و ولد الحرام بسبابو ولادي بزووج تفندتهم تحت الارض هئ ح حرمني من شااامة وحرمني من المسخووط هئ ل لي كنت نقوول ربي غايهديه ويجي يطلب العفوو من ميمتو هئ هئ(شافت ف نوح وهيا كاتبكي) علاش قتلوو وقتل راسو علاش هئ ك كون خلااه ربي يخلصهم بزوووج هئ هئ ع علاش يمشي ومايطلبش سمااحة من ميمتو علاش هئ هئ
الماس كلام جدتها فهمااتو مزين وعرفات بلي حتى دااني ماات وبلي عدنان هو لي قتلوو ومنبعد قتل راسو .. شهقتها زاادو علاو من كلام جدتها قلبهاا كاتحس بيه بحالة شيحد جااب شي سطل ديال المااء مثلج وكبووه ليها على قلبهاا حساات بتبوريشة ديال البرد سرات فجسدهاا قلبها تهز وتحط وجسدها كذالك هزات عاينيها فنووح وهيا عاينيها حمرين ومبكين
الماس (بصوت خاافت) : م مااات
نوح عض شفايفو وهو كايشوف فيها ومزال حضنهاا عااندو مامسوقش للعائلة لي كايشوفو فيهم كاايشوفها غير هياا صاافي اما الشي لاخور مااعطيهمش قيمة من الاساس شاف فيها
نوح (بصوت مبحوح ومدعدع ونبرة صوتو كاتحس بيها فشكل) : ... بقااا فيك ؟؟
غير قال كلامو بقا كايشوف ليها فعاينيها بحالة كايقلب على الجواب من عااينيها بحالة باغي يقراا اش كايضور ليها فراسها ولكن صدماتو من سؤالها
الماس (شاافت ف نوح وهيا دموع كايطيحو ليها من عاينيها على خدها كاتحس بيها فشكل بحالة محكورة ومقهورة شاافت فيه وقالت بصوت خافت) : ... و واش غ غايكون شاهد
نوح (عقد حجبانو من سؤالها) : ... كيفاش
الماس (شافت ف نوح وهيا قلبها مزير) : ... م ملي كايموت شيحد مغدور او مقتول ك كايقولو ع عليه شاهيد هئ و وربي ما هئ ماكيحسبوش
نوح (حيد الماس من حضنو وحطها على رجليها وحط يديه على وجهها كايمسح ليها على خدودها بزوج بيديه وقال بفحيح وكولشي كايسمع) : ... ونتياا ش شنو بغيتي يحاسبو ولا لاء
الماس (صاافي نهاار ب البكاء حطات يديها على يدين نوح لي على خدها وزيرات عاينيها وهيا كاتبكي وتشهق وتقول بحرقة) : ... هئ ب هئ ب بغيت ر ربي ي هئ هئ ياخود حق يماااا و هئ حقي هئ هئ و وحق عزيزة و هئ وخالي عدنان هئهئ و وحقك ح حتى تيناا ا انوووح هئ هئ (فتحات عاينيها فنوح وقالت بصوت باكي كايقطع القلب ويوجع الروح على هااد الكياثة والبراءة لي كاتبكي) هئ هئ م ماابغيتوشي ي يكوون شهيد هئ ب بغيت ربي مايسمحلوشي هئ (شافت فيه وحيدات واحد اليد ديال نوح من وجهها وحطتها على قلبها وقالت بشوية وهيا كاتبكي ) هئ ق قلبي ما هئ ما كيكرهش هئ ع عمري ك كرهت ش شيواحد هئ و هئ هئ و واول مرة ن نكره شيحد هئ هئ هوووا هاداك هئ ا اول مرة هئ هئ كا كنكرهو بزاااف هئ هئ (شافت ف نوح بحالة كاطلبوو يريحها بعاينيها وقالت وهيا كاتبكي) م ما هئ ما غيكونشي شهيد ي ياااك هئ ر ربي غ عايحاسبو هئ
نوح (كان مركز بنظراو فعاينيها ويديه لي على قلبها كايحكها بشوية فوق صدرها وقال بصوت حنين وبجدية وهو كايشوف فيها) : ... وااحد كاافر وملحد ماعندو حتى شي ديانة كاينتامي ليهااا وداير غير المعاصي في حيااتو وشحال نهش وعض وكلى من للحم بنادم (صغر عاينيه ف الماس) حراام تسوليني على الكلب واش غايكون شاااهيد حرااام
الماس (كلام نوح نقولو ريحهاا شاافت ف نوح وقالت بصوت خافت) : ...و وخالي
نوح سيرة دااني ماكتهز فيه حتى شعرة ومامسوقش ليه ولكن عدنان بحالة بفعلتو ماشي هناا نوح من الحبس إنماا دار ليه عبئ كبير فوق كتاافو وعدنان غايكون هيا هايدك النقطة الكحلة فحياتو واخا ماقتلوش هو ولكن عدنان عطى فرصة ثانية للنووح لي نوح هاديك الفرصة تمنااا لو كان ماعطهااش ليه عدنان حيت نوح ما مولفش يدير الفعلة ويتخبااا ما مولفش يدير شي مصيبة ومايتحملش نتائج افعالو مولف راسو على انه عمرووو يتخباا من وراا بنادم ودابا باش يتخباا من وراا عدنان جااتو فشكل ماا قدرش يتقبل الفكرة ولكن يشووف حتى يشوف كايلقى فيديه الاسرة لي الى حتى مشاا وخطااا عائلتوو ماغيبقاا فيهاا مايتجمع حيت هو ركيزة ديال هااد الدار والى خطاهم عائلتو غاتشتت واولهم الماس وميمتو وبالخصوص عارف الى حتى ومشاا قدم راسو غايمشي فيها مؤبد ولا إعدام حيت قااتل ومغتصب مواطن إسباني وماشي غير مجرد شخص ف إسبانية وهو مابقاش يقدر يبعد على المااس غير نهاار كيفاش غايقد يبعد عليها على طول الحيااة
نوح (شاف فيها) : ... الله وعلم
الماس (حيدات من نوح وشافت ف جدتها لي كاتبكي مسكينة عاينيها ولاو حمرين بكثرة البكاء شواتهم وراجلها السي عبد السلام جالس حداها وكايونسهاا ويواسيها) : ... ع عزيزة هئ
الحاجة (فتحات يديها لبنت بنتها لي غير فتحتهم الماس مشاات عندهاا وجلسات على ركابيها وعنقات جدتهااا بجهد وحاطة راسها على صدر جدتها لي عمرها خطتها) : ... هئ هئ الله يبنتي الله هئ ر ربي كااياخود الحق هئ و ومسخوط ميمتو خدااا حق ميمتك هئ ق قتلوو وهناناا منوو ومن افعالو هئ هئ
نوح غير كايشوف وسااكت
الماس (حيدات راسها من حضن جدتها وشاافت فيها وهيا كاتبكي وقالت بصوت خاافت وحنين وباكي) : ... ي يرحم يمااااك اعزيزة رضي عليه هئ م ماتقولوشي المسخووط هئ ه هو ماااات هئ
الحاجة (شاافت ف الماس وهزات راسها ب لا وهيا كاتبكي) : ... هئ ل لا ك كون بغااا رضاات ميمتو ك كوون طلبهااا مني هئ هئ
نوح (مسح على للحيتو وقرب جهت الحاجة وتحنى على رجليه منبعد ماطلع سروال برجولية بيديه جلس قفازي فجنبها وشد يد الحاجة بين يديه وباسها وطلع عاينيه فيها) : .... ادعي وصبري الحاجة والموت الغفلة لا تنسيهاش المووت عليناا حق واخا ولدك زهق روحو بيديه الى ربي لي كتب ليه هاد المكتاب (شاف ف الماس وعقد حجبانو ورجع شاف ف الحاجة) ماننسا فعلة ولدك مانقولش ليك لوكان بقاا حي نعفوو عليه ماانكدبش عليك عيب راجل فسكاتو و ولدك موتو حسن من حياتو والموت ليه خير مايبقا حي (شاف ف الحاجة لي كاتشوف فيه وقال نيشان بدون مايرمش) ولدك مابغاش يدير عاقلو من جهة بنت بنتك ياعني الحاجة موت ولدك كانت غاتكون يادابا يا منبعد
امينة وكااع لي تماا خرجو عاينيهم فنوح كلامو رزين و كلامو ف الوجه ماكيعرف لا الوقت المناسب ولا الغير المناسب كايجي نيشان شاافت فولدها و وسعات عاينيها بالحشمة
امينة : ... نووووح
نوح (شاف ف ميمتو ورجع شاف ف الحاجة) : ... امااا الكلب النصراني موتو كانت غااتكون على يدي وربي مااخيبنيش(شاف فيها وقصح شوفتو وقال بفحيح) الى شدك نوح بنياابو مايفكك منو لا مولاي إبراهيم لا حبابو الحاجة دقتي نفديهااا وربي كبير
الحاجة شاافت فنوح وهيا مستغربة بحالة كايوصل ليها بكلامو شي حاجة ولكن مافهماتوش اش بغاا يقصد بقاات غير كاتشوف فيه مسكينة وهيا كاتمسح ف دموعها اما الشي لاخور كلو بقااا كايشوف فنووح كولشي بقااا كايحاول يفسر كلام نووح وباغين يفهموو معنااه و واش كايقصد