جنون نوح ♡بالدارجة مكتملة♡

الجزء 127

◇جنون نوح◇
بارت 641

الحاجة خرجات عاينيها وحشمات و وجهها ولا حمررر اما امينة كاتشوف فنوح وتغمز وتقول ليه العار لماا هدن سووق راه المراة مزالة مجروحة وجرحها باقي جديد من ناحية كبدتها وهو ما مسوقش ليها اما الماس هاديك جاميع الاوان الطيف فوجهها وكااع لي فطبلة كولشي بقاا مخرج فعاينيه من كلام نوح للحاجة
الحاج عبد السلام ماعرف اش يقول فقط حنى راسو على واحد الكاس ديال تاي وبقاا ساكت
الحاجة (شاافت ف نوح وقالت وهيا ماعجبها حال) : ... إوى نسااء ابني نووح الى ضحكو في وجهك غني و اطرب وإيلا حلفووو فيك غير اهرب وكل مرا هزة حقها فسمها
نوح (شاف فيها وطلع حاجبو) : ... حيت المرا ضلعة عوجة
الحاجة (شاافت فيه وقالت كلام لي خلى نوح يندم علاش كلمها يكون خلاها هكاك ومايحاشيهاش لأصل ملتها) ... المرا ماتتقاد بالعناد وما يكرمها غير جواد (غير قالت كلامها ضحكة ضحكة صفرة بحالة كاتغيضو ولي فهم هو بحالة كاتقول ليه نتا ماشي من ولاد الجواد)
نوح عقد حجبانو مخنزر وماابقاا باغي يزيد معاها ف الغااا الشي لي كان باغي وصل ليه وهاهيا لسنهاا تطلق ودابا اش جاب مايسدو ليها ماعندوش مع كثرة الكلام ولكن الحاجة وهيا هكاك جالسة والحزن كان باين على خطرها ما خلاش راسو يفكر زوج مرة وبغاا يجبر بخطرها و بالطريقة لي كايعرف يدوي بيها مع الحاجة واخا هو والحاجة الى حتى مشااو وفاتو زووج كلماات صاافي كايقلبوها بالمعااني لي تجرح وضر ف الخاطر ولكن نوح هيهاات بغاا يسكت ومايجوبهاش ولكن والو مايقدش دقتو يفديها وربي كبير الى ما كانتش بيديه تكون بلساانو
نوح (شااف ف الحاجة لي كاتشوف ف الحاج وترمش وهضر نيشان ماابقاا باغي يجبر خاطرها تعطيه غا تيساع هاد ساعة ندماتو) : ... الفلووس كاتشري النفووس وتولي الشارفة عرووس
الحاجة شاافت فيه وهيا وجهها ولا حمرررر اما الحااج نااض يكحب من الحشمة مسكين وامينة صافي هزات راية البيضاء
نوح (شافها كيفاش شاافت فيه وغطرطق وتبخ الدم من هاد المسنطح المقزدر هز يديه ومسح على للحيتو برجولية وطلع فيها حاجبو وزاد على مابيها بكلامو) : خاصك غير السواك يا عوجة الحناك
الحاجة صااافي دااابت قدام السي عبد السلام وماابقاا ليها كلام مع هاد المقزدر سدات فمهاا وضربات الطم خايفة تزيد معااه فالحديث ويزداق مطلقها من راجلها لي زوجها بيه نوح وجاها بحال الماء الحلال
الماس (شاافت ف نوح وهيا حشمانة من تصروفاتو مع جدتها وقالت بصوت خاافت) : ... نوووح
نوح (شاف ف الماس مخنزر) : ... مالناا
الماس (شافت فيه وهيا حنكها غايطرطقو وقالت بصوت خاافت وهيا كاتحط ليه زبدة البلدية قدامو بيديها صغار باغاه غايسد فموو ويخالي جدتها فتيقاار هه) : ... احم افطر
نوح (هز يد الماس وباسهاا وهو متبع غير عاينيها زرقين وكيفاش كاتحرك دوك شنايف مامتسوق لحد مراتو ولي ماعجبو حال ينوض يقااود من حدااه) : ... ماانكل زبدة مانشرب رايب وما تحلى لنوح القعدة وحبيبتو غايبة
الماس عضة شفايفها هيا كاتهدر فشرق وهو فالغرب ولكن مع ذالك حلاوة لساانو وكلامو كايخاليهاا دوووب حيدات عاينيها منو بالحشمة وحناات راسها اماا نوح بقا متبعها بعاينيه وسااكت وكااع لي تماا كايشوفو فتعامل نوح ل الماس واخا صعيب وقااصح الا معاها مكبر بيها قدام ميمتو وقدام عائلتو دايرها فعاينيه والماس باش تحافظ على حب نووح خاصها غير تمشي معااه بالنية وتكون تسمع الهضرة وعمرهاا طيح من عاينيه ولا يشووف غيرها واصلا ماايقدرش يشوف غيرها واخا تكون كيف بغات تكون حيت نوح عشق روح المااس وقلب الحليب لي عندهاا بااشرو بالاكل كاايفطرو وهوما ضاحكين ناشطين ويا سلام كولشي كايهضر وهضرة تجبد هضرة الا نوح ساكت وعااقد حجبانو وكايفطر وهو سااكت وغير بواحد اليد اماا واحدة دايرها تحت طابلة وبضبط على كريشت المااس حط يديه عليها كايتلمس ويشرب فقهوتو اما هياا بززز كاتكل وهيا قاطعة حسهاا مسكينة قاطعها فيها مااكيهداش وماكيتهداش ولي فيه مايهانيه
امين كايشوف ف نوح كيفاش عااقد حواجبو وكايفطر باغي يهدر مع دراري ولكن كل واحد فيهم جالس مع مراتو ودايرينو هو ف الوسط وبلال فجنبو جالسة غفران و عمران جالسة ف جنبو اميمة
امين نخص بلال وعمران دقة واحدة وبزوجهم رجعو كايشوفو فيه ويقولو ليه غير بوجههم اش خاصك شاف فيهم وهز واحد البيضة مسلوقة قاسمها على زوج ونعت ل بلال وعمران بعاينيه يشوفو فيها
بلال (غير شاف ف البيضة وهو يضحك) : ... هههه واايلي ماعندهاش الحمر فوسطها
عمران : هههه
امين (بطنز) : ... الفروج كان داير البروطيكس 🙂