جنون نوح ♡بالدارجة مكتملة♡

الجزء 57

◇جنون نوح◇
بارت 281

مايمكنشي تكون شيحاجة حيت مستحيل يكون دخل عليها بلى ما تحل ليها هيا تقف...
....
الماس لي كاتحس بشيحاجة كاتجبد ليها فشعرها فتحات عاينيها زرقين بشوية وهيا تشوف توسكا لي نااعس ليها على شعرها ضورات عينيها لقات جداتها كاتشعل شوميني طلعات عاينيها ف السقف وتفكرات كع لي وقع ليها هد نهار ولي سمعات بلى ماتحس دموعها بقاو كاايهبطو وكاتنين غير بشوية
الحاجة (سمعات الانين ديالها عرافتها نااضت مشات عندها ف الاتجاه ديالها وشاافت فيها وقالت):هئ سمحلي ابنتي ندمت علاش عاودت ليك
الماس (فتحات عيانيها لي مضببين بالدموع وقالت بصوت خاافت ومرعد كايقطع ف القلب ): هئ م هئ ماابغيتوشي هئ....
الماس (مدات يديها لجداتها ليشدة ليها فيديها وقربت عندها كاتبوسها ليها وتبكي):هئ ماتخاليهشي يديني معه هئ
الحاجة (شافت فيها وهيا كاتبوس ليها فراحت يديها بحنان):هئ انا لي يقرب ليك نقتلو نتي بنتي انا وبنت شامة
الماس : هئ و هئ ومرات نوح هئ
الحاجة (ضحكات فعز دموعها): هههئ اه تينا المرا دنوح ويماه دولد نوح
الماس (ما فهماتش كلام جداتها شافت فيها وهيا شفيفاتها كايترعدو ب البكى ): هئ كيفاش هئ ي يماه دولد نوح

الحاجة(هبطت يد الماس وحطتها ليها فوق كرشها): الحشيشة دقلبي كبرات وتزوجات ودابا حاملة باش تولد لي شي عويل ستيتو...
الماس )وسعات عاينيها ف جداتها): هئ ك كيفاش ععاود 
الحاجة : شعندك ابنتي فهمك قليل تينا حاملة
الماس( شدات على كرشها بيديها من فوق الغطى وحركات راسها ب الا ): هئ و والله ما هئ مانتيقك تينا رجعو فيك الكدوب
الحاجة ( خرجت عاينيها فيها): مال يمك كدبنا عليك خطرة واحدة دابا عاتبقى تجبدا علينا ديما وانا ماشي حمقة نكدب عليك فهدشي
الماس ماهضراتش مع جداتها شافت فيها وهزات الغطى بحال دراري صغار وغطات راسها كلو حتى خشات الغطى فوق راسها وحطات يديها بزوج فوق كرشها حتى ماحسات براسها غااا كتضحك من تحت الفراش ب هستيرية دوك الدموع كلهم وداك الغوات كلو تحاول فلحظة عند الماس ل ضحك
الماس (حاطة يديها على كرشها ): ههههههههه ههه ههههههه
الحاجةشافتها اش دارت وكيفاش كاتضحك من تحت الغطى يحزاب ليها بنتها سكنوها الجنون غير هادي 3ساعة كانت كاتبكي وتشهق وحتى كانت فواحد الحالة لي خايبة خرجات عاينيها فيها اما توسكا فهداك بقى كايحك راسو فراسها من فوق الغطى باغي يدخلو معها
الحاجة : رجوع الله ابنتي ياك لابس على هد ضحك
الماس ( مزالة كاضحك ما دتهاش فكلام جداتها حاطة يديها على كرشها وهيا نااسية كولشي كلمة واحدة ف عقلها كاضور تينا حاملة واخا ماعرفاتش كيفاش ولا علاش ما فهمات والو ولكن الفرحة وهد الضحك لي كاضحك دابا لي هادي شهر واكثر ما بقاتش زارتها الضحكة لوجهها كاضحك وتشهق فنفس الوقت الشهقة لي مزالة كاطلع ليها من البكى لي بكات):ههههههئ هههههههههههه
الحاجة ( ماعرفاتش مالها ولكن ما تنكرش حيت فرحات ملي شافتها كاتضحك): ما دحركشي رجليك من على الكورسي برحاش ما يعودشي يهبط الدم الى هبط الدم منك غايهبط داكشي لي فكرشك
الماس ( غاسمعات كلام جداتها وهيا تسكت من ضحك وقالت من تحت الغطى):هااا شني لا مانتحركشي