جنون نوح ♡بالدارجة مكتملة♡

الجزء 109

◇جنون نوح◇
بارت 551

الماس (شاافت فيه) : ... قالتلي خالتو امينة غا نوصلوهم غير لباب برد ونرجعو بحالنا مانتعاطلوشي
نوح (مسح على للحيتو) : ... واخا
الماس (بتساؤل وهيا كاتعض فشفايفها) : ...غانمشيو نلكوخ ياك ؟ ...
خايفة يكون بدل رائيو
نوح (عاينيه غا فشفيفتها لي كاتعضهم) : ... نوصلو لباب برد ونشوفو
الماس قلبها ضرب خايفة يبدل رائيو ويضرب ليها كولشي ف زيرو
نوح (شاف ف الصاك لي هزة فيديها وخصوصا هيا بدلات ليه الصاك ماشي نفسو لي جابو هو) : ... شنو هاداك
الماس (شافت فيه بتوتر) : ... و والو غير البيجامة ديالي الى مشينا نلكوخ نجبر (نلقى) فاش نبدل
نوح : مايحتاجش كولشي كاين تما
الماس (حطات يديها على كريشتها) : ... لا هاد البيجامة كاتعجبني و غانكون مرتاحة فيها كثر
نوح (قرب ليها وشدها من يديها وزاد خارج من البيت) : ... لي عجبك
زاد هابط ب الماس لي شداة ليه فدراعو بجهد حيت طالون بزز كاتقد تمشي بيه وحتى هو شاف طالون لي لابسه فرجليها وزاد ضور يديه على خصرها مقربها لجنبو ماباغيش يخسر ليها خاطرها وفنفس الوقت ماباغيهاش تجيب ربحة غا الخلعة داك نهار ملي كانت غاطيح مزالة لدابا فيه ...
زادو نيشان للجردة لقاو العريسات كايودعو الامهات ديالهم بزوجهم كايبكيو اميمة معنقة رحيمو و والسي سعيد معنقاهم وكاتبكي وعمران من وراها كايمسح ليها على ضهارها واخا هبيلة وحمقة الى قلبها حنين وفهاد اللحظة كولشي يقدر يبكي فراق الوالدين صعيب بزااف
اما غفران هاديك حالة خاصة حرقت باباها لي ماحضرش لعرسها كاتحرقها فقلبها العرس كلو وهيا صابرة ولكن دابا منين شافت اميمة معنق باباها وهيا لا بقا فيها الحال معنقة اسية و كاتبكي وتشهق وحتى بلال قرب ليها وعنقها هيا واسية بحالة كايقول ليهم ماعندكم ماديرو بيه انا معاكم ...
هاد المنظر لي شاافت الماس قدام عاينيها وكيفاش كايبكيو فأحضان الامان والحنان خلها بلى ماتحس على راسها تشوف فنوح لي حتى هو كان متبعها بعاينيها كيفاش كاتشوف فيهم
الماس (شافت فيه ورخات شفيفتها وعاينيها تجمعو فيهم الدموع وقالت بصوت متقطع لي قطع القلب ديال نوح) : ... حتى هئ انا ب بغيت ما هئ ماما وبا هننهئ
نوح بسرعة ضور عليها يديها وخشها فصدرو وضورها لجهة لخرة ووقف هو عاطي للناس بضهر بحال الحيط لي يشوفهم يقول هادا كايبوسها كولشي بقا غا كيشوف فيهم وخصوصا منين دخلو كولشي رجع كايشوف فنوح والماس وبهد تصروف لي دار قالو هادا صافي كايبوسها وخصوصا امينة والحاجة لي خرجو عاينيهم ..
نوح خشها فصدرو وخشا راسو فعنقها كايشم ريحتها لي جاتو مختلفة على قبايلة ولكن فنفس الوقت كاتجدب وزوينة ومع لبسات طالون جات طويلة شوية خشى راسو فعنقها فوق الزيف وقال بفحيح لي خلى الماس تزيد تتخشى فيه
نوح : ... انا هو باباك والى بغيتي نكون حتى ماماك ماعنديش مشكل
الماس (زادت تنخششت فيه وضورات يديها على ضهرو) : ... هئ خالتو امينة هيا ماما ثانية هننهئ
نوح (خرج راسو من عنقها وبعدها شوية من صدرو حتى شاافت فيها ودوز يديه على خدها كايمسح ليها عليه بحنان) : ... كولشي ديالك
الماس (هزات يديها ومسحات عاينيها من الدموع وشافت فيه ب برائة) : ... غانمشيو للكوخ ياك🙄
نوح (عقد حجبانو فيها.ماعرف مالها مع الكوخ جابت ليه الشك) : ... علاش
الماس (حطات يديها على كريشتها و واحد اليد هازة بيها داك صاك) : ... ت تشاهيت نمشي لليلو كا احم كانرتح فيه
نوح ماجوبهاش حيت الشك بدا يدخل معااه وعارف شيحاجة ماشي هيا هاديك شدها من يديها ورجعها فجنبو ومابقاش عاطي للناس بضهر طلع عاينيه ف المعزومين وبالخصوص ف امينة والحاجة لي كايشوفو فيهم ماعرف مالهم ومع ذالك ماحكرش شاف جهت امين لي قدامو هاديك راقصة جالسة ولكن لابسة عليها العباية ديالها عض نوح شفايفو وعايط عليه حتى شاف فيه امين وجاا جهتو
امين شاف فيه وهو كايقفقف قال صافي غايكون غا عرف بالقاضية ديال راقصة
نوح (غير قرب عااندو زاد خشا الماس فيه لي هاد الاخيرة حشمانة من ولد خالها) : ... تيسر عند العساس غايعطيك شيحاجة
امين هز راسو بواخا ومشا ...
الماس (وهيا هكاك حتى شافت ف راقصة وشافت فنوح) : ... هاديك العايلة كاتعرف تشطح
نوح (شاف فيها وشاف فين نعتت ليه) : ... ومنبعد
الماس : كانت لابسة الحوايج د المصرين
نوح (عقد حجبانو ف الماس وشاف فيها) : ... كيفاش
الماس (كاتشوف فهاديك البنت لي شيرات ليها وحتى الماس بتسمت ليها) : ... قالت لي خالتو امينة كايقولو ليها شيخة تسونامي هههه
نوح (شاف فهاديك البنت وهبط عاينيه على لبسها حتى شاف الخلخل لي فرجليها وشدة ديال شعرها لي مطلوق باينة فيها شيخة شااف ف الماس) : ... شكون جابها
الماس (شافت فيه) : ... امين
نوح عض شفايفو وزير على لكمت يديه وهو هكاك حتى جا امين وضحكة غا تخرج ليه من عاينيه وشاف ف نوح
امين : عطاني سوارت ديال طنوبيلتك هههه شكرا بزااف
نوح (شاف فالكونطاك لي فيديه و شااف فيه وغزز على سنانو) : ... الى خاليت بووك باقي ضور ليا فدااري اجي دفل على طواسلي
امين (شاف فيه وخرج عاينيه) : ... ش شنو
الماس شاافت فنوح بصدمة ... 😳
نوح (غزز سنانو مجنن) : ..بااقي ليا غا الق*اب لي مادخلوش ليا لداري عندي انا هنا الافتتاح ديال البيران اولد القح*ة
امين (خرج فيه عاينيه) : ... و والله ما
نوح طلق من الماس وشنق على امين شادو من قاميجتو البيضة وجراو من قاميجتو وزاد داخل بيه الداخل ديال الڤيلة مخالين الماس كاترمش بعاينيه وعضة على لسانها يحساب ليها نوح فراسو هادشي ما فراسهاش بلي دخلها امين غير بتخابية وبلي نوح مافراسو مايتعاود ... الماس كانت كاتدوي غير عافوية وخصوصا كانت معجبة برقص ديال هايدك البنت ... ندمات علاش هضرات و بقات واقفة كاتشوف وتعض فشفايفها حتى جات عندها امينة والحاجة كايجريو يسولوها اش واقع حيت عاينيهم كانو على كولشي اما بلال وعمران شافو اش وقع وخلاوه منو لنوح حيت هاد الليلة امين جبد ليهم غا صداع مع اميمة وغفران
امينة (شافت ف الماس وقلبها كايضرب) : ... مال نوح مع امين ابنتي