Ashish's Obsession (DIS#2)

Chapter 4

Aurelia's POV

Nakatulala ako habang nakatayo sa harapan ng malaking bahay-hindi mansion na 'to, hindi na ito matatawag na bahay sa laki at lawak. Binalingan ko si Kuya driver.

"Sigurado ka po ba Kuya na dito ang address? Baka po nagkamali lang kayo?" duda kong tanong at tiningnan ang address na binigay ni papa, tama naman ang nasa address.

Binaba ni manong ang mga dala kong bagahe sa compartment ng kotse at bumaling sa akin. "Opo ma'am, ito po lugar na nasa address," napakamot ng ulo si manong habang nagpapaliwanag.

Matipid akong ngumiti. "Hehe sige po Kuya salamat." Nasa isang exclusive subdivision ako ngayon, tumunog ang cellphone ko at si papa ang tumatawag.

Nakahinga ako ng maluwag at sinagot ang tawag. "Hello anak, nasaan ka na?" tanong ni papa.

Napatingin muli ako sa mansion. "Nandito po ako sa sinabi ninyong address pa, sa harap ng mansion na ata ito."

"Sige antayin mo ako."

"Sige po." Inayos ko ang mga bahagi ko napabaling ako sa pintuan ng gate ng bumukas ito, nanlaki ang mata ko ng makita si papa mula doon na lumabas, he's wearing formal suit, ganon parin ang itsura niya walang pinagbago gwapo pa rin. "Papa," tawag ko at tumabok at niyakap siya. I really miss him.

Ginulo ni papa ang buhok ko. "Dalaga na talaga ang anak ko ah, dati maliit ka palang ngayon halos hindi na kita makilala," tumatawang biro niya.

Namumula ang pisngi kong humiwalay kay papa at napatawa rin. "Grabi ka naman pa, kamusta ka na pa? Maayos kalang mas lalo ka atang bumata at gwapo, sigurado ka pag nakita ka ni mama kikiligin 'yon sa 'yo," panunukso ko, namula bahagya ang pisngi ni papa. Confirmed miss na niya si mama at kinikilig pa.

Napailing siya at tumawa na para bang nagbibiro ako sa kanya. "Ikaw talaga, saan na ang mga gamit mo? Iyan na ba lahat?" Kinuha lahat ni papa ang gamit ko at pumasok na kami sa mansion.

Hindi ko pa rin maiwasan ang namangha sa laki at expensive ng lugar na ito, sa harap ng malaking gate ay mahabang pathway at sa harap nito ay mayroon malaking puting fountain, dumadaloy doon malinis na tubig mula sa taas nito pababa, mayroon itong apat na palapag, sa harap ng fountain ay double door, napaawang ang bibig ko ng kusa itong bumukas.

Wow hi-tech?

Malawak na sala ang unang makikita pagpasok sa mansion, iniwan lang namin ni papa ang gamit ko sa Living room at dumeretso kami sa pool area. Napapalibutan ng rosas, Gumamela at iba't-ibang klase ng bulaklak ang makikita sa kapaligiran malaki at malawak ang swimming pool area na matatagpuan sa backyard ng mansion, una kong napansin ang lalaking nagbabasa ng dyaryo, he peacefully sat at the couch while sipping his hot coffee. Hindi ko alam pero habang papalapit ako sa kaya ay biglang tumibok ng malakas ang puso ko sa kaba.

Napatingin ako kay papa ng umubo ito para kunin ang attention ng Mr. Vandross. "Sir, nandito na po ang anak ko," magalang na saad ni papa at pumunta ito sa tabi niya.

Binaba ni Mr. Vandross ang binabasang dyaryo at nagkasalubong ang tingin namin, he's wearing reading glasses mas nakakadagdag yon sa awra niya, ang kanyang mga gray na mata ay mapapasunod ka talaga, sa palagay ko'y nasa early fifty years old palang siya at kahit may edad na may bakas pa rin ang kagwapuhan nito noong bata pa kahit ngayon.

"Take a seat young lady." Tinuro niya ang kaharap na upuan.

Tumingin ako kay papa, tumango lang siya at ngumiti. Naupo ako, hindi pa nag-iinit ang pwet ko sa upuan ay parang gusto ko ng tumayo dahil kinakabahan talaga ako.