ဇာတ်လိုက်မရဲ့ သိမ်မွေ့နူးညံ့တဲ့ သူငယ်ချင်းလေး။

Part 3

Unicode

အခန်း ၃

သူမသည်သူ့အားကွာရှင်းချင်ကာ သူမဗိုက်ထဲမှကလေးအား ဖျက်ချ‌ချင်ခဲ့သည်။

ဤအတောအတွင်း ဘာဖြစ်ခဲ့သနည်း...

သို့မဟုတ် သူ့အားလှည့်စားရန် သူမအတွက် နည်းလမ်းလား။

အန်းရှမှာ လူစားလဲခံရသည်ဟု မော့ယွီစန်းမတွေးခဲ့ပေ။

အဆုံးတွင် မော့ယွီစန်းသည် သူ့အားထိတ်လန့်စေခဲ့သည်။

သူ့အား ကွာရှင်းရန် ငြင်းဆန်နေခဲ့သော အမျိုးသမီးမှာ သူပြင်ဆင်ခဲ့ပြီးသော ကွာရှင်းစာချုပ်အား တကယ်လက်မှတ်ထိုးခဲ့သောကြောင့်ဖြစ်သည်။

ထို့နောက် သူမသည်သူနှင့်တကယ်ပင် ပုဂ္ဂလိဂဆေးရုံသို့ သွားခဲ့သည်။

“မစ္စမော့ရဲ့ ဖျက်ချရေးခွဲစိတ်မှုက အရမ်းအောင်မြင်ပါတယ်။ ဒါကိုလုပ်ဖို့ အကောင်းဆုံးအချိန် ကျော်လွန်ခဲ့‌ပေမယ့် ကံကောင်းတာက သူဆက်မလွယ်ထားလို့ မဟုတ်ရင်တော့ ကျွန်မတို့‌ ဆေးသောက်ပြီးဖျက်ချရတာမျိုးလုပ်ရမယ်”

မော့ယွီစန်းသည် သားဖွားမီးယပ်ဆရာဝန်အား နားထောင်ခဲ့သည်။ သူသည် ယခုမတိုင်မချင်း အစစ်အမှန်အဖြစ် မမြင်နိုင်သေးပေ။

ကလေးမှာ... ထိုကဲ့သို့... ပျက်စီးသွားသည်လား။

သူ၏စိတ်မှာ အနည်းငယ်တင်းကျပ်နေခဲ့သည်။

အန်းရှအား ကလေးဖျက်ချရန် ဆက်တိုက် တွန်းအားပေးနေသူမှာ သူဖြစ်သော်လည်း မည်သို့ပင်ဖြစ်စေကာမူ အမျိုးသမီးမှာ သူ့ကလေးအား လွယ်ထားခဲ့ရသည်။

“ဆရာမ ဆရာမ၊ ကျွန်မခန္ဓာကိုယ်က တစ်ခုခုမှားလို့လား။ ရုပ်ပိုင်းဆိုင်ရာ အဆင်မပြေဘူးလို့ ခံစားရတယ်... တစ်ကိုယ်လုံး အားနည်းနေပြီး ဗိုက်နာတယ်...”

မေ့ဆေးသက်ရောက်မှုပြီးနောက် အန်းရှမှာ အထူးသဖြင့် နာနေသော သူမဗိုက်ကြောင့် နေမကောင်းပေ။

ဤခံစားချက်မှာ သူမအားစိတ်တုန်လှုပ်စေခဲ့သည်။ မူလစာအုပ်တွင် မူလပိုင်ရှင်၏ခန္ဓာကိုယ်ဆိုးရွားသွားရသည့် အကြောင်းပြချက်မှာ သူမကလေးအားဆုံးရှုံးခဲ့ရသောကြောင့်ဖြစ်သည်ဟု သူမမှတ်မိနေခဲ့သည်။