ခင်ဗျားကြီးကိုမုန်းတယ် ချစ်ရသူရေ!(ခင္ဗ်ားႀကီးကိုမုန္းတယ္ ခ်စ္ရသူေရ!)

EP.27

Unicode...

အတန်းဆင်းချိန်ဖြစ်သောကြောင့် အသီးသီးတရုန်းရုန်းပြန်သွားကြသော ကျောင်းသားများနှင့် အတန်းသန့်ရှင်းရေးရှိသောကြောင့် အသီးသီးအတန်းထဲတွင်အလုပ်ရှုပ်နေကြသော သူများသည် အမျိုးသားသန့်စင်ခန်းသို့ ယောင်၍သာ ခေါင်းလှည့်၍မအားပေ..။

ထို့ကြောင့် ထူးခြားစွာပိတ်လျက်သားရှိ‌နေသော သန့်စင်ခန်းကို မည်သူမှသတိမထားမိခဲ့ချေ။ ပိတ်လျက်သား ကျပ်ထိုးထားသော သန့်စင်ခန်းတံခါးကို ခပ်လျော့လျော့မှီ၍ ဖုန်းထဲရှိပျံလွင့်လာသော အသံကိုဂရုစိုက်နားထောင်ဟန်ပေါ်နေသော အမျိုးသားတစ်ယောက်..။

မျက်၀န်းများသည်စူးရဲပြီးပြတ်သားဟန်ပေါ်၏..၊ ခပ်တိုတိုညှပ်ထားသော ဆံနွယ်တို့နှင့် တံတောင်ဆစ်ထိခေါက်တင်ထားသော အကျီလက်စတို့ကြား တစ်စွန်းတစ်စပေါ်ထွက်နေသည်မှာ လက်မောင်းဆီမှအရင်းခံထားသောအမာရွတ်ဖြစ်၏။ နေလောင်ထားသောအသားအရည်..ခပ်ခြောက်ခြောက်နှုတ်ခမ်းပါးတစ်စုံနှင့် ဖြူသာမြင်ပါသည်ဆိုလျင် ထိုသူမှာစံသော်တာဆိုသည့် သူမှန်းတန်း၍သိပေလိမ့်မည်။ သို့သော် ထိုသူ့၌ ဖော်ရွေသော အပြုံးတို့သည် ပျောက်ချင်းမလှပျောက်ကွယ်နေ၏။

"သွေးဘုရင်_စစ်က တကယ့်အန္တာရယ်များတယ်.. သူ့ကိုကြည့်လိုက်တာနဲ့ အရှိန်အဝါကို ကျွန်တော်ခံစားမိတယ်.. phoenix barမှာဖြစ်သွားတဲ့ လူအစုလိုက်အပြုံလိုက် ပျောက်သွားတာ သူနဲ့ဘဲပတ်သက်နေရမယ်လို့ထင်တယ်.."

(Splitအဖွဲ့မှူးပြောသလိုဆို ကျွန်တော်တို့သေချာစောင့်ကြည့်ဖို့လိုနေပြီ ပထမဂိုဏ်းကအရမ်းအန္တာရယ်များလို့ တော်ရုံမထိရဲပေမဲ့ အရမ်းလွန်လာရင် သာမန်ပြည်သူတွေကိုထိခိုက်မှာစိုးရိမ်မိသား..)

"ဟုတ်တယ်.. အနာဂတ်မှာအင်အားကြီး‌ခေါင်းဆောင်ဖြစ်မဲ့သူက ဒီလိုနေရာမျိုးမှာရှိနေတာဆိုတော့ သံသယဖြစ်စရာများတယ်.. ပြောလို့ရတာမဟုတ်ဘူး မြေအောက်လောက က ဘယ်သူမဆိုစိတ်ကမှန်တဲ့သူတွေမဟုတ်ဘူး.. "

(ဒါဆို splitအဖွဲ့ကိုများ...)

"ဟင့်အင်း မလှုပ်ရှားနဲ့ဉီး အရမ်းလှုပ်ရှားအောင်လုပ်လို့မရဘူး.. အခုကြည့်ရတာတော့ သွေးဘုရင်_စစ်က ဒီကလူတွေနဲ့တော်တော်လေးအပေါင်းအသင်းဖြစ်နေပုံရတယ်.. အဲ့လိုဆို သူ့ကိုထိတ်လန့်အောင်လုပ်မိသွားရင် အဲ့လူတွေကိုသဇာခံဖြစ်အောင်လုပ်သွားနေဉီးမယ်.. ဘာဘဲဖြစ်ဖြစ် ကျွန်တော်တို့လည်း သူ့လိုသခင်လေးကို သတ်လို့ရတဲ့အာဏာမှမရှိတာလေ.. အခုလောလောဆယ် စောင့်ကြည့်နေရုံဘဲတက်နိုင်မှာ.. ဒါပေမဲ့ တစ်ခုခုမှားရင်တော့.... သူဘယ်သူဘဲဖြစ်ဖြစ်ရှင်းပြစ်ရမယ်"