មកហើយ!!!
ង៉ោង!!!
សម្លេងម៉ូតូដ៏កញ្ចាស់របស់ជុងហ្គុក ត្រូវបានបើកដោយកញ្ញារូបស្រស់ហានីល ក្នុងល្បឿនមធ្យម តែអ្នកដែលមិនធ្លាប់ជិះម៉ូតូមកពីមុនវិញនោះ ភ័យឡើងរឹងខ្លួន មិនហ៊ានសូម្បីតែកម្រើក ឯដៃទាំងពីរ របស់គេវិញកាន់នៅគូទម៉ូតូខាងក្រោយយ៉ាងណែន។
(សុំកុំឲ្យអាជូ ឬកូនចៅឃើញខ្ញុំក្នុងសភាពបែបនេះឲ្យសោះ) ពេលនេះគេមានតែភាវនា ក្នុងចិត្តប៉ុណ្ណោះ។ កម្មមួយនេះគេអ្នករើស គេគឺជាអ្នកទទួលសមហើយ។ងឺត!!
សូម្បីតែហ្រ្វាំងម៉ូតូក៏ឮឡើងគ្រលួចដែររ។“លោកចាំខ្ញុំបន្តិច ខ្ញុំយកឯកសារទៅផ្ញើសិន” មកដល់ពីមុខអគារមួយ ហានីល ក៏ឈប់ម៉ូតូ មុននឹងដោះមួកការពារចេញ ហើយក៏និយាយទៅជុងហ្គុកទាំងញញឹមស្រស់។
ជុងហ្គុក មិនមាត់គ្រាន់តែងក់ក្បាល ទើបហានីលបានរត់ចេញទៅយ៉ាងលឿន។ អ្នកកំលោះខ្ជឹបមាត់ណែន ឯញើសនៅលើថ្ងាស់ក៏ស្រាប់តែលេចឡើង មុននឹងគេរត់ទៅក្បែរធុងសម្រាម។
អ៊ួកៗ!!
អាហារជាច្រើន ដែលគេបានញ៉ាំកាលពីព្រឹកបានចេញមកវិញទាំងអស់។ តាំងពីដឹងក្ដីមក គេមិនងាយឈឺគ្រាន់តែរឿងបន្តិចបន្តួចបែបនេះឡើយ។
“ខិះៗ” គេក្អកតិចៗ និងយកដៃជូតមាត់ចេញ គេស្បត់ថានេះជាលើកចុងក្រោយដែលគេជិះម៉ូតូ។“នែ៎!មើលស្អី?” ពេលនោះ មានក្មេងស្រីទំទង់ម្នាក់បានដើរកាត់គេ និងមើលមកគេដោយកែវភ្នែកចម្លែក ទើបគេស្រែកសួរ ដែលធ្វើឲ្យក្មេងស្រីនោះភ្ញាក់ និងចង់រត់ តែក៏ត្រូវជុងហ្គុកឃាត់ជាមុន
“ឈប់សិន”“ខ្ញុំ-ខ្ញុំសុំទោសលោកអ៊ុំ ខ្ញុំគ្រាន់តែចង់សួរអ៊ុំថាមានអ្វីឲ្យខ្ញុំជួយឬអត់?” ក្មេងស្រី ឆ្លើយតបទាំងញ័រ មាត់អ្នកណាមិនខ្លាចបើសម្លុតៗបែបហ្នឹង។
“ខ្ញុំនេះមុខដូចអ៊ុំឯងពីអង្កាលទៅ?” គេខំជឿជាក់លើសម្រស់គេ រាល់ថ្ងៃ ហើយក្មេងតូចនេះជាអ្នកណា ហេតុអីប្រមាថគេអ៊ីចឹង?
“សុំទោសៗ-ខ្ញុំមិនដឹងហៅអ៊ុំថាមិច?”
“ណ្ណើយ! អ៊ុំក៏អ៊ុំ! តែមានប៊ិច និងក្រដាសទេ? ខ្ញុំសុំទិញ” ត្រូវធ្វើចិត្តឲ្យស្ងប់ជាមួយនឹងក្មេងស្រី នៅចំពោះមុខ ព្រោះពេលនេះគេមិនបានស្ថិតនៅក្នុងដំណែងធំឡើយ។
YOU ARE READING
SS7:ពិសោធន៍បេះដូងទេពអប្សរ(ចប់)
Romanceរឿង៖ ពិសោធន៍បេះដូងទេអអប្សរ ប្រភេទ៖ ប្រលោមបរទេស ស្នេហាផ្អែមល្ហែម សម្រាប់យុវវ័យ ................... រឿងនេះជារដូវកាលចុងក្រោយនៃស៊េរី ម្ចាស់បេះដូងម៉ាហ្វៀ សម្រាប់សាច់នេះផងដែរនឹងនិយាយអំពីស្នេហារបស់នារីម្នាក់ដែលមានទៅឲ្យបុរសម្នាក់ដោយស្មោគស្មគ្រ័មិននឹកគ...