ភាគទី១៤“អារម្មណ៍ មិនអាចបំបែកបាន”
ថ្ងៃនេះក៏ដូចថ្ងៃម្សិលមិញ ជុងហ្គុក មិនបានមករកនាង កំដរនាងទៅធ្វើការនោះទេ នាងពិតជាឆ្ងល់ តែក៏គ្មានអ្វីដែលអាចបកស្រាយបានក្រៅពី ព្យាយាមទាក់ទងទៅគេ តែអ្វីជាបញ្ហានោះ គឺលេខរបស់គេបានបិទ បាត់ទៅហើយ។
“ជុងហ្គុក!បងមានរឿងអ្វី?ហេតុអីមិនប្រាប់ខ្ញុំសោះអ៊ីចឹង?” នាងបានត្រឹមតែឱនមុខចុះមើលទៅចុងជើង ដោយក្ដីអស់សង្ឃឹម បន្ទាប់ពីគេមិនបង្ហាញខ្លួនឲ្យនាងឃើញ។
ពីមួយថ្ងៃទៅមួយថ្ងៃ នាងតែងតែរងចាំគេ គ្មានថ្ងៃប្រែប្រួល រហូតដល់នាងលួចគិតផងដែរថាគេ អស់ចិត្តជាមួយនាងហើយ រហូតដល់…
រយៈពេលមួយខែហើយដែលហានីល មិនបានឃើញមុខរបស់ជុងហ្គុក រយៈពេលមួយខែហើយដែលហានីល មិនបានឃើញមុខរបស់ជុងហ្គុក សូម្បីតែដំណឹងរបស់គេ ក៏នាងមិនបានដឹង គេសុខទុក្ខយ៉ាងណាខ្លះ នាងក៏មិនអាចបានឃើញ។ ព្រហ្មខិតបានឲ្យគេមកជួយនាង តែមិនអាចឲ្យនាងបានសងគុណគេសោះឡើយ ។
“ជុងហ្គុក! តើលោកនៅទីណា?” នាងតែងតែយំ បន្ទាប់ពីនឹកឃើញគេ ជាពិសេសនោះនាងកាន់តែឈឺចាប់ ដោយមិនបានដឹងថាគេនៅទីណា!
នាងប្រឹងញញឹម និងជូតទឹកភ្នែក កំឡុងពេលដែលនាងបានដើរទៅកាន់បន្ទប់ទទួលភ្ញៀវ ដោយមានលោកយាយកំពុងតែអង្គុយនៅទីនោះផងដែរ។
“លោកយាយស្អែកនេះ ខ្ញុំត្រូវទៅធ្វើការនៅដេហ្គូ លោកយាយត្រៀមខ្លួនហើយឬនៅ?” ហានីល បានដើរមកដាក់ខ្លួនក្បែរលោកយាយ និងសួរគាត់បញ្ជាក់ ខ្លាចថាគាត់នឹងភ្លេច។
“ទៅ? ទៅធ្វើអី?” ដូចការគិត លោកយាយពិតជាបានភ្លេចមែន។
“ថ្ងៃស្អែក ចៅត្រូវទៅដេហ្គូ ដើម្បីធ្វើការនៅទីនោះ- លោកយាយត្រូវទៅជាមួយចៅដូចគ្នា” ហានីល និយាយម្ដងទៀត ព្រមទាំងបើកសៀវភៅ ដែលគាត់បានសរសេរនោះមកបង្ហាញគាត់ម្ដងទៀតផងដែរ។ បើនាងមិនយកគាត់ទៅ គាត់នឹងមិនមាននរណាម្នាក់មើលថែគាត់ឡើយ។
“ហាស៎ៗ!យាយចាំហើយ” លោកយាយសើចខ្លាំងៗតាមបែបមនុស្សចាស់ និងប្រញ៉ាប់ក្រោកឈរឡើង។
YOU ARE READING
SS7:ពិសោធន៍បេះដូងទេពអប្សរ(ចប់)
Romanceរឿង៖ ពិសោធន៍បេះដូងទេអអប្សរ ប្រភេទ៖ ប្រលោមបរទេស ស្នេហាផ្អែមល្ហែម សម្រាប់យុវវ័យ ................... រឿងនេះជារដូវកាលចុងក្រោយនៃស៊េរី ម្ចាស់បេះដូងម៉ាហ្វៀ សម្រាប់សាច់នេះផងដែរនឹងនិយាយអំពីស្នេហារបស់នារីម្នាក់ដែលមានទៅឲ្យបុរសម្នាក់ដោយស្មោគស្មគ្រ័មិននឹកគ...