Unicode
မင်္ဂလာပွဲနေ့ ။
မြန်မာပြည်၏ အကြီးမားဆုံး Premium Hotel ကြီးတွင် ကျင်းပနေသည့် မင်္ဂလာပွဲကြီးတစ်ခု ။
သတိုးသား - လွမ်းမဂ္ဂမောင်
သတိုးသမီး - ရှုတိုင်းယဉ်
မင်္ဂလာမောင်နှံနှစ်ဦးတို့၏ နာမည်ဖြင့် ထွင်းထားသော ကမ္ဗည်းကြီးဟာ ထည်ဝါစွာရှိလှသည် ။
ကြွရောက်လာသည့် ဧည့်ပရိတ်သတ်အပေါင်းတို့သည် လုပ်ငန်းစပ်တူ ပါတနာရှင်များ နှင့် မိတ်ဆွေအပေါင်းအသင်းများ ရာနှင့်ချီ ရှိသည် ။
သတိုးသမီး မိတ်ကပ်ပြင်ဆင်သည့် အခန်းတွင်းသို့ ဒေါ်ကျော့ကေသီ ဝင်လာသည် ။
"တို့ချွေးမလေးက လှလိုက်တာကွယ်"
"ကျေးဇူးပါ မမ .. အဲ .. မာ .. မာမီ"
"အဟင်း .. ဖြည်းဖြည်းကျင့်ပါ ယဉ်ရယ် အလျှင်မလိုပါဘူး"
"ဟုတ်ကဲ့ပါ မမကျော့"
"ကဲ .. သတိုးသားဆီ သွားလိုက်ဦးမယ်"
"ဟုတ်ကဲ့"
သတိုးသမီး မိတ်ကပ်ပြင်သည့် အခန်းထဲမှ ထွက်၍ မောင့် ထံသို့ သွားလေသည် ။
အနက်ရောင် suit အားကြည့်ရင်း မောင် သည်တစ်ချိန်က ခက် နှင့်အတူ မင်္ဂလာဝတ်စုံဆိုင်တွင် နှစ်ယောက်အတူ အစမ်းဝတ်ကြည့်ခဲ့သည့် မြင်ကွင်းကို ပြန်မြင်ယောင်လာသည် ။
တစ်ချိန်က ခက် နှင့်အတူမက်ခဲ့ဖူးသည့် အိမ်မက် ။ လက်ထပ်ပြီးရင် အတူနေဖို့ တည်ဆောက်ခဲ့ကြသည့် မင်္ဂလာဦး တိုက်ခန်းလေး ။ အားလုံးဟာ ပျက်ဆီးသွားခဲ့လေသည် ။ ချစ်သူနှစ်ဦး ဘယ်ကနေစပြီးလွှဲမှားခဲ့ကြသလဲ မောင် မစဉ်းစားတတ်ပေ။
"သား"
ဒေါ်ကျော့ကေသီ ၏ အသံကြားတော့မှ မောင့် အတွေးတွေကိုဖျောက်ဖျက်လိုက်သည် ။
"မာမီ"
"လဲတော့လေ သားရယ် ယဉ်တောင် အဆင်သင့်ဖြစ်နေပြီ"
"ဟုတ်ကဲ့ မောင် အခုပဲလဲလိုက်ပါမယ်"
"အေးအေး မာမီ ယဉ့် အခန်းမှာစောင့်နေမယ်"
YOU ARE READING
Daddy Wife - Season 1 (Completed)
Romance"မောင်မငိုရဘူးနော် နာကျင်စွာမုန်းလိုက်ပါ" Own Creation ။ Starting Date - 24.8.2023 Ending Date - 15.12.2023
