ရွှေငါးစားသောက်ဆိုင်
ကျောက်တစ်လုံးမြို့၏ရှုခင်းအလှတွေကိုခံစား
ကြည့်ရှုနိုင်သည့်တောင်ကုန်းလေးပေါ်ကစား
သောက်ဆိုင်။ထိုဆိုင်ထဲသို့လူတစ်ယောက်ဝင်
လာခဲ့သည်။သူကကျောက်တစ်လုံးမြို့မရဲစခန်း
မှရဲအရာရှိအံ့ထူးမော်။သူကဆိုင်ထဲရောက်တာနဲ့ထောင့်ကျတဲ့စားပွဲဆီသို့ဦးတည်ပြီးလာခဲ့သည်။ဒီစားပွဲဝိုင်းကဒီဆိုင်
ကိုလာတိုင်းသူထိုင်နေကျနေရာ။အံ့ထူးမော်က
စားပွဲထိုးကိုအစားအသောက်တွေမှာပြီးဧည့်သည်လာမှချပေးရန်ပြောလိုက်သည်။သူစောင့်ပြီးဆယ်မိနစ်လောက်ကြာတော့ဆိုင်
ထဲကိုလူနှစ်ယောက်ဝင်လာသည်။ပုံစံကတော့တစ်ယောက်ကလူကြီး၊တစ်ယောက်ကကလေးပဲ။တိမ်ယံပြောတဲ့အတိုင်းတစ်ထပ်တည်းတူသည်။တစ်ယောက်ကမျက်နှာခပ်တည်တည်နဲ့အချေမင်းသားရုပ်။တစ်ယောက်ကတော့ရိုးရှင်းပြီးချစ်စရာကောင်းတဲ့ကလေးပေါက်စရုပ်။သူတို့နှစ်ယောက်ကဆိုင်ထဲကိုမျက်လုံးဝေ့ကြည့်ရင်းအံ့ထူးဆီအကြည့်ရောက်လာသည်။အံ့ထူးကလက်လှမ်းပြတော့နှစ်ယောက်လုံးသူ့စားပွဲဆီလျှောက်လာကြသည်။အံ့ထူးကမြို့ခံလူမို့အိမ်ရှင်ပီပီဧည့်ဝတ်ကျေချင်သည်။ထို့ကြောင့်သူကတလေးတစားနဲ့နေရာကထပြီးနှုတ်ဆက်လိုက်
သည်။"မင်္ဂလာပါ။ဒေါက်တာရှိုင်းနဲ့ဆရာလေးရောင်နီ
မဟုတ်လား""ဟုတ်ကဲ့ခင်ဗျ...ဒီကအကိုကအကိုအံ့ထူးမော်လား"
"အင်း...အကိုကအံ့ထူးမော်ပါ။ထိုင်ပါညီလေးတို့"
ရှိုင်းနဲ့ရောင်နီစားပွဲတွင်ဝင်ထိုင်လိုက်ကြသည်။ရှိုင်းကအံ့ထူးကိုစတွေ့ကတည်းကအကဲခတ်နေသည်။အံ့ထူးကအဆင့်မြင့်အရာရှိတစ်ယောက်
၏ပုံဟန်အပြည့်ရှိသည်။အနေအထိုင်အပြောအဆိုကတည်ငြိမ်ရင့်ကျက်သည်။အရပ်သားဝတ်စုံဝတ်ထားပေမဲ့သူ့ပုံစံကခန့်ညားလွန်းသည်။မျက်နှာအမူအရာကလည်းနှစ်လိုဖွယ်ကောင်း
သည်။အကိုတိမ်ယံထက်လည်းပိုချောသည်။ရဲအရာရှိကလူပျိုလူလွတ်တစ်ယောက်လို့သိထားတာနဲ့တင်သူ့ကိုသတိထားပြီးဆက်ဆံရမည်ဟုရှိုင်းကသူ့ကိုယ်သူသတိပေးနေသည်။အံ့ထူးကသူတို့နှစ်ယောက်ကိုစကားစပြောသည်။